لما سنين العمر تعدى
فجأه نقف نبص لروحنا
ونقول هدى
لما مرايتك تقف قدامها
هى تقول العمر يعدى
وخطوط خطت على جبينك
وحروف كانت واضحه بتدى
بعدت فجاها ومش بقراها
اصل كمان العين بتادى
وكل صغير مسيره حيكبر
اوعاك تنسى العمر بيعدى
والأيام سرقت أحلامنا
ياما حلمنا كتير وحندى
من كتر الأيام دى مرت
على عمرى مابقيت أعد
والأيام الحلوه بسرعه
بتعدى ومش بتتعد
والأحزان من كتر مابتعلم
مش بنساها أصلها بتعد
بتأثر فى حياتى وتاخد
من وقتى كتير وبتهد
وقلوبنا واقفه فى مكانها
لا بتتغير ولا بتعد
اللى بيفرق ناس بتروح
وناس تيجى لحياتنا بجد
ونقول دايما لزمانا ارجع
هو الزمان عمره بينصف حد
........................
للشاعرة / راويه حسن
ليست هناك تعليقات:
إرسال تعليق