لما الشعر يبقى كلام
قول ع الدنيا السلام
الشعر لازما يكون عمد
ضحكه ولد يحمى بلد
يمحى كمد يبقى سند
وللغلابه معين
ياكاتبين الاشعار
يالا احرقوا الأوراق
طفوا لهيب النار
بالحكمه مش بنفاق
الشعر لو يوم ثار
تلاقى الوطن ميادين
والكلمه تبقى رصاص
ف صدر ناس ظالمين
الكلمة لو حلوة
تقدر تشد العزيمة
تكون ساعات سلوة
لما تحس الهزيمة
يبقى الأمل غنوه
ينور الدواوين
ليست هناك تعليقات:
إرسال تعليق