من غير ماتقولى
فايتهالك
وفايتلك كل اللى ف بالك
ورينى ازاى راح تنسينى
وتقسى قلبك وحنانك
ورينى ازاى نن عيونك
هيطاوع شكك وظنونك
وأنا عمرى ما فكرت أخونك
وجمالك يشهد ودلالك
ورينى ازاى هيكون ليلك
من غير ما أبقالك قنديلك
والنبض ف قلبى يغنيلك
والعين دى تسهر علشانك
من غير ما تقولى
أكيد ماشى
وفايتلك بُؤجة خلقاتى
وسجايرى وعلبة كبريتى
ومشاعر كات كل حياتى
هتفيدنى بإيه بعد ما ظنك
خيب ظنى
ورمانى بتهمه ماهيش فيا
وطاوعتى الزن على ودانك
من غير ما تقولى
أكيد ماشى
وهفوتلك
شعرى اللى كتبته
وحفرته بدمى ف شريانى
شعرى اللى بيوصف
اخلاقى
وحيائى الطارح ف عيونى
من لون الورد ف بستانى
شعرى اللى بيشرح لعينيكى
كان ايه صبرنى وخلانى
اتحمل ظلمك لمشاعرى
وأنا مجنى عليا ومش جانى
يمكن تتراجعى وتتراجع
أسراب الظن ف أفكارك
............................
للشاعر / رضا أبوالغيط
ليست هناك تعليقات:
إرسال تعليق