أمواج بلا شاطئ
...................
رحت شط بحر الهوى
أصل. نسايم عبيره وأحشانى
يدوب وقفت أشم الهوا
لمحت حورية ع البر التانى
خفت قدمى يزل ويتلوى
وموجة يمتها تروح حادفانى
مسكت قلبى وطيران هوا
رجعنا بيتنا ف ثوانى
جرب قبله قلبى وانكوى
اصل ع الحب حالف
وحالف أعيش وحدانى
الحب شريك مخالف
تاعب قلبى بالعانى
محدش م الحب ناصف
ولا منى عمى وخالى
خايف ف حلفانى أعود
وأصادق الحب وأهادن
مرة نقض العهود
الحب دا أصله خاين
لو أغرانى بالوعود
مين يكون ضامن .. ؟!
...................
للشاعر / عبد الله الهوارى
ليست هناك تعليقات:
إرسال تعليق