( حكاية حب )
ياللى حياتى كانت وياك ...
صعب أرجع لك .....
أو يوم يعنى ها أستناك ...
وإنسىَ إنى أتكلمت معاك
صعب عينيا تكون عاشقاك
ياللى بإيدك / ضيعتنى ضيعت هواك
جايلى بتندم ع اللى فات ؟؟
واللى اصبح ذكريات !!
وبتترجانى إنى ف يوم أنسى الأهات ؟؟
مش معقول ؟!! ....
وبلاش تبكى وينزل دمعك ـــ
قولى بإيه هتفيدنى دموعك ؟؟
بعد ما ضاع العمر كله معاك !!
عدىَ الوقت . ... ومر .. وفات
ويا ألف خسارة !!! حُبك مات ..
لو هاتفكر يوم ترجعلى ..
هات لى معاك ـــ قلب جديد
يمكن احبك ــ من جديد
بقلب جديد
لجل تحافظ على أحلامنا
وبحبى تسعد أيامنا
وكل كلامنا .....
يبقى بشعر.. وشوق... وحنين
ننسى سوى ألم السنين
لو انت حنين ....
لكن قلبك اصبح قاسى ...
سقيتنى عذاب الهجر ف كاسى
فاكر ؟؟ واللا هاتقول ( ناسى ) ؟؟
راجع نفسك يمكن أحبك
ياللا جاوبنى ...
ياللا ياقاسى !!
بقلمي: فاطمة عقل
ليست هناك تعليقات:
إرسال تعليق