تعرفوا يا سيادنا
مشكلة بلدنا
والـ موديها فـ داهيه
وتاعب قلوبنا
إن الكل
عامل فاهم
مصدق نفسه وواهم
بيفتي فـ كل حاجه
وكله بالفكاكه
وفاكر نفسه عالم
يحط راجل على رجل
وهو بيأزأز لب
يتكلم فـ الهندسه والطب
ويعمل محامي وقاضي
وفـ أهل التخصص يسب
حاجه تفقع
وتجن العقل
امتى يا ناس
هنبطل جهل
امتى هنسكت
وبلاش نفتي
والـ ما يعرفش
ما يتكلمشي
عشان المركب
تعرف تمشي
ومشاكلنا كلها تتحل
✏وائل عوض
ليست هناك تعليقات:
إرسال تعليق