أنا واخده على خاطرى
كتير عايشة أنا لحلمى
ويألمنى
ما جيت فى يوم حققته
وجه وقته
أقاضى أنا لدنيايا
وجوايا
عذاب والجرح كمان شفته
وحلمى كبير
لو إنه خطير
أكون فى الشعر أنا آية
وتسمع منى لحكاية
تقول الله
ويوم ألقاه
يزيد الفرح هنا عندى
و ياخد منى ويدى
راح أكبر ومركبى تعدى
يا ساكن فوق جبال عالية
يمامة غاوية مش طايلة
أنا الكلمة إللى منى سهام
وبأنسجها وأشد لجام
وأعلق فكرك المشغول
وأبوح والمعنى لك موصول
ومين أدى
عشان حلمى بقاله كتير
ومحتاج منى كام تفسير
ومهما يا دنيا ح تعاندى
وتنسينى وترمينى
راح أكتب كلمة تحيينى
فى ساعة الضيق بتشفينى
وأتصبر وأقول قسمة
ومكتوبة على جبينى
.............................
للشاعرة / بتول العتربي
ليست هناك تعليقات:
إرسال تعليق