الصباح ده للغاليين
لكل الناس الطيبه
ال من قلبي قريبين
م الطفوله وم الصبا
الف مية مليون صباح
ع الناس الحلوه الملاح
ال واحشهم صباحنا
وال بيداووا جراحنا
وال كونهم ده براحنا
وال وجودهم رباح
أغلى مية مليون صباح
الصباح لناس رقيقه
ال يهادونا ببسمه
ال وشوشهم بريئه
ووجودهم أحلى نسمه
ع ال جي وال راح
ألف مية مليون صباح
الصباح ده ليكوا أنتم
منى لروحكوا وقلوبكم
بدعي ربي يسعدكم
ويومكم كله فلاح
ألف مية مليون صباح
ده صباح عصفور وغني
على شجر التمر حنه
لناس حياتنا معاها جنه
لناس من طبعهم السماح
ألف مية مليون صباح
عبدالحميد المرسى
ليست هناك تعليقات:
إرسال تعليق