منك مرايه
...........
خريجة جراحه
وغاويه الصراحه
ومش فارقه عندك
فى أى مساحه
تقولى فى وش
العفش عفش
ولوحتى مغرور لو نفش
وممكن تطلب منك قباحه
ولو شوفت كسرة أيتها نفس
وإن حسيتى فى عيونها يأس
وإن ركبها عفريت أو جالها مس
بيغرق قصادك أبطال سباحه
دا ياما إتقالت عليك حكاوى
منها العجب ومنها البلاوى
وصراحتك سكاكين ومطاوى
وصمتك صراخ الندم والنواحه
من جالك الصغير يجيلك كبير
ومن بعد نظره فيك يحس التغير
يندم على ٱنه رجع تانى ليك
وكأن فيك بوصله ومركز ملاحه
نحس معاك بمليون عرض
حبوب ومشاكل من المرض
وكأن البدن عليك إتعرض
وكأنك دكتور ه فى الساحه
عايشه فى غربه وجواك وطن
تشوفى الأحبه وتعاندى الزمن
ودايما لقاك غالبه الشجن
فاسك تدمر ملهاش فى الفلاحه
هى ثوانى تقابلى الوشوش
يوم فرح تورى الردوش
وأوقات كتيره فاتحه النعوش
ولا ليك شط ولا ليك واحه
عمر السنين معاك يمر
مابين الحزن والمر
ولا لحظه فى العمر تسر
والأرواح مفارقه وسواحه
ده أنا عن نفسى منك ماسلمت
بصيت فيك لقتنى بلمت وسرحت
حسيت فيك بعد مده إنى إتغيرت
ومين بس بص فيك وحس براحه
ومين بس بص فيك وحس براحه
وأه منك مرايه
صلاح الصغير
ليست هناك تعليقات:
إرسال تعليق