لا تُبالى
**********
لو قالولك إن عينى
من هواكى بتعاتبنى
وان ليلى قال لقلبى
قوم حاسبنى
لا تبالى
فالليالى مش ف بالى
وانتى بس اللى ف خيالى
ماسكه ايدك طرف ايدى
والحنان اللى ف وريدك
همسه بيسمع وريدى
ضحكه طايره ف العلالى
والأمانى أكتب أغانى
تبقى ليكى مهر غالى
يا أم طرحه وجلابيه
مين ف حُسنك يا صبيه
يخطف النوم من عينيا
واسهر أوصف فيه ليالى
لا تبالى
لو قالو لك
إنى عاشق غير عيونك
وان نبض القلب ناوى
ينسى حُبك أو يخونك
فالطبيعى لجل أصونك
اطوى شوقى بين ضلوعى
واخفى حُب العمر كله
عن عيونهم والليالى
*******************
رضا أبو الغيط
ليست هناك تعليقات:
إرسال تعليق