بفكرى سؤال من مده وبالى احتار مع رده تهت ف حسبته وعَده فقلت ارد بالموال وانا ع الحال ده من مده عشت اليسر والشده وكنت بعد ١٠٠ عده واعد الخطوه بالاميال عشان اوصل واشوف نفسى وابدل بالامل يأسى واكون شاعر اكون قوال واوصف من صور عينى عيوبى وارسم الاحوال لقيت النفس أماره ولو توزنها ؟؟ فى خساره ومكسبها يادوب صاحب ويمكن عمر ما شفته ولاعرفته مجرد صوره فى الجوال ودنيا كل يوم على حال تعلى الواطى يعلا لفوق وامتى ضميرنا تانى يفوق من العتمه اللى بات فيها من السرقه اللى فى الاشعار تخلى النسمه تبرق نار تاه فكرى وبقيت احتار د حتى الجار معدش بجار وكله جار على كله وحتى العود فقد ظله ياريت لو بس فى فكره؟ تعدل بعض م الاحوال نفسى ف يوم اقول هوه ويكون العدل بقى قوه لكن ازاى وانا عايش وصاحبى الناى فى قلبى موج و١٠٠ نوه بقيت حاير مابين الاتنين حرف ورد مع البسمه اشوفه حزين وضحكة موت على الخدين فى لحظه ببص فى مرايه لقيت تمثال شبهى تمام واقف تايه مع الاوهام اكلم فيه مايردش امد له ايدى مايمدش اتارى نفسى كات جواه ومش قادر يقول الاه نفسى اعود مع نفسى واصالحها وباحوالى اصارحها ضاع من عمرى ياما كتير وماسك ذكرى م الماضى وانا ماضى بدون تغيير عشان البذره فيها الخير هامشى الخطوه لو اميال بقلب نظيف وخالى البال ولا يمكن اغير وش ولا الواطى اقول له ياخال ولا الواطى اقول له يا خال ========= #عونى_هشام
ليست هناك تعليقات:
إرسال تعليق