يا معودنى كتير على بعدك
ازاى اعيش الدنيا دى بعدك
هى حياتى بقا لها طعم
من بعد ما نسيتنى وبعدك
عايزه اشوف الدنيا فى قربك
ياما كنت كتير قوى جنبك
بس انت اللى اختارت البعد
اعمل ايه لجل انى ارجعلك
انا شكيتك لكل الدنيا
حتى اسأل عنى عنيه
هى تحكيلك كمان تشكيلك
من وقتها ماسالتش فيا
يامغرقنى فى بحر هواك
ببعتلك مراسيل واترجاك
انك تنسى قسوة قلبك
وتفتكر ان انا بهواك
مهما تبعنى او تبعدنى
افضل انا على طول شرياك
قلبى يبيع الدنيا عشانك
وانت الغالى على قلبى غرامك
فكر كده وارجع لى ياغالى
وانا شرياك وواحشنى كلامك
اصل كلامك ده لقبى دواه
وفى بعدك داق طعم الاه
والدنيا من غيرك فاضيه
مين يهون على قلبى واة
اه منك ياساقينى المر
على بعدك قلبى مايمر
قلبى داب من شوقه اليك
نفسى تفكر وعلى قلبى تمر
قلبى ياما اترجى فيك
ويحايلك ويدادى فيك
قولى ايه اخرتها معا
قولى ايه بس يرضيك
قلبى كمان سامحك وخلاص
وانا عودته على الاخلاص
ياتاعب قلبى الله يخليك
انا من غيرك دوبت خلاص
حطمن قلبى واقوله ينام
ويحقق كل الاحلام
اصلةحبيبى راح يرجعلى
ويسمعنى احلا كلام
.........................
بقلمى/راوية حسن
ليست هناك تعليقات:
إرسال تعليق