وجه الليل سابل ستره
جاي كده بجلال قدره
وكل واحد فينا يا ليل
نايم حاضن معاه حكايته
بيسمع الليل شكاوينا
من ظلم النهار لينا
وكتر جرحه لخطاوينا
فيطبطب علينا يواسينا
يبات يستر فينا دموعنا
ولا يحكي لحد وجعنا
ويدعي ربنا لينا
مع نور الصبح يفرجها
بتقعد يا ليل تخايل فينا
لركعة ويا سجداية
تنهي أحزان جوانا
مش عارفين لها معني
النهار بيشغلنا
وييجي الليل يتوبنا
وقلوب اسفت يطهرها
بقيام يشرح صدورنا
وان العيون غفيت
ونسيت تقوله
يقول من نفسه
وانتو من أهله
.......................
للشاعرة / ايمان محمد
eman mohamed
ليست هناك تعليقات:
إرسال تعليق