الثلاثاء، 25 سبتمبر 2018

صباح الفل .... للشاعر / حسن السحماوى



صباح الفل يا حبايبى 
صباح الخير على الصحبة
على الفرحة اللى تجمعنا 
على المغنى على الأرغول
على الأمل اللى جاى ينول 
صباح الشمس بتدفى 
وهمس بشوقه بيكفى 
صباح الزهرة فى البستان 
جمال فتان 
ووردة حلوة تتعايق 
بكل حنان 
صباح البحر بيمدد فى حضن الشط 
صباح الرملة دفيانة فى أول خط 
صباح النورس الطاير بريش وجناح
يبارك فرحته بينا فى كل صباح 
صباح الحب بين حبيبن 
وعصفورتين 
وفاردين الأمل بينهم فى شوق مرتاح 
.صباح طيب يأنسنا 
وقلب أخضر يجالسنا 
وشوق الكلمة بحروفها تونسنا 
صباح فاتح شبابكنا 
وفارد ع الأمل بيتنا 
وينده فى الحياة وتدوم 
ضمير صاحى .. يشاركنا 
صباح الخير 
................................

للشاعر / حسن السحماوى 

ليست هناك تعليقات:

إرسال تعليق

فن البوستات كمال العطيوى