صلاة النبي
..............
عليوة عبد العلي ابو العلا علوان
ساكن بأرض العرب بمنطقة حلوان
كاتب علي الحنطور عاشق ابو فطمة
ف كل خطوة فرس يصلي عل عدنان
حلوة صلاة النبي حلوة بيعشقها
و كلمة صلاة النبي ماشي يفرقها
شاورلي ع الحنطور وقاللي انطقها
امدح جمال النبي ف كل وقت و آن
عليوة عبد العلي دا قناوي من قبلي
جي الحياة من زمن شكله من قبلي
و بيطلبوا مهرته ترقص علي طبلي
ويحلي ذكر النبي في زفة العرسان
يا مداحين النبي سيدي النبي غالي
و امشيله علي الاقدام اميال وليالي
و ف كل خطوة قدم ذكره بيحلالي
وقلبي يرقص فرح و تهرب الأحزان
.......................................
للشاعر الغنائى / ابراهيم دعبس
ليست هناك تعليقات:
إرسال تعليق