الخميس، 27 سبتمبر 2018

سهرة مع القمر للشاعرة / عزة أحمد




سهرة مع القمر

يا غاليه بقالى كتير واقف على برِّك ...
عشمان تقوليلى كلمة بحبك ...
و الكلمه تقعد على كتفى و تبوح لى بسرّك ...
لقيت الكلمه بتغازل موجه هربانه من ظلمك ...
عايزه تتحامى فى الشط و تستخبى ف رملُه ....
مسكين الرمل مين يقدر يشيل حِملُه ....
لقيته يشبه لى و انا اشبه له ... 
الموجه تيجى تشغله و تبعد قوام عنه ...
لا بتقول له كلمه تسعده ولا بتبعد بعيد عنه ... 
و أما لقيته حزين و دايما مطاطى ...
أخدت أشواقى تحت باطى ...
و قلت أقعد مع البحر قعدة سمر ...
فضلت قاعد و الفجر نايم فى حضن القمر ....
لقيت نفسى سقعان هفّت عليه نسمه ...
إتخيلتك يا قمرى و إنتى مبتسمه ...
و شالك القطيفه ملفوفه فيه لفّه ...
قلتيلى غطّى البحر بشالى عايزاه و النبى يتدفّى ...
ده البحر زعلان منى و انا مقدرش أجافيه ...
ولا أقدر أشوف حزنه و دموع عينيه ...
و انت يا حبيب الروح قاعد هنا ليه ؟ ... 
مكانك فى القلب ساكن هنا فيه ...
و القلب لو مكانش يساعك يحطك فى ننى عنيه ....


Azza Ahmed

ربما تحتوي الصورة على: ‏‏شخص أو أكثر‏‏

ليست هناك تعليقات:

إرسال تعليق

فن البوستات كمال العطيوى