جنب منا ومانشوفوش
.........................
عيشت ياما سنين فى شدة
شوفت فيها كتير دروس
العذاب موصوف روشته
والحياة زى الكابوس
اتوجعت بكل شدة
وسط ناس مابيرحموش
والحبايب شافوا سكة
حلفوا ليا مايصونوش
هو ليه الحلم دايما
صار غريب ما بنوصلوش
والنهاية ليه بتبقى
دمعة ساكنة ع الرموش
واللى يجرح فينا منا
وأما يهدم حب بينا
عمرنا ما بنجرحوش
واللى كان دايما شارينا
واللى عاش حياته لينا
جنب منا ومنشوفوش
يا اللى وخداك الحياة
كان هوانا طوق نجاة
بس قلبك ما أختاروش
.....................................
للشاعر / محمد ثروت عبد الحفيظ
ليست هناك تعليقات:
إرسال تعليق