اللى حبوا خدوا أيه
........................
قالولى هو صحيح الحب عذاب
يكوى ويجرح قلوب احباب
رديت وقولت بتسالونى ليه
لو قلبي حب كنت رديت بالجواب
أنا اللى دايب غرام من كلام الناس
بسمع حكاويهم قلبي يدق يا ناس
احلم يكون لى حبيب زى القمر وناس
يا ريت الحب يسمح لى واشرب منه كاس
ف يوم لقيت القلب كدا فرحان
من فرحته الفرحة في العين تبان
تقول أفرح خلاص وأنسي اللى كان
لقيت حب عمرك واحلو الزمان
حبيته حب ملوش حدود
مليت له قلبي زهور وورود
وقلت له أنت سر الوجود
دا قلبي بيك كان موعود
ضحكت ضحكة مش عادية
وقالت حبك صعب شوية
خلينا نكون زي الاصحاب
وكفاية بينا حب الأخوية
الدنيا ليه غاوية تعاندنى
والحزن ليه ديما ملازمني
بحلم بالفرح ييجي ويزورني
ألاقي الهم عمره ما يسيبني
راضي يا دنيا بقدري ونصيبي
راضي تحرمي قلبي وتعيبي
زيدى يا دنيا من الأحزان زيدي
يمكن طيبة قلبي هى غلطتى وعيبي
من النهاردة القلب مات
وتحرم عليه الأمنيات
هعلمه إزاي يعيش
من غير حب وتضحيات
ازاى يعيش جوه منه فى سكات
هم اللى حبوا خدوا إيه
غير الجرح والآهات
.............................
للشاعر / مصطفى كرم
Mostafaa Karm
ليست هناك تعليقات:
إرسال تعليق