يا ضحكة ... للشاعرة / اسماء علي

يا ضحكه بتشق النهار 
بتبنى م الفرح ميت دار
بين الظلام والنور 
فارد خياله قصور
 وجناحه عليها ستار
حبيبي
............................
للشاعرة / اسماء علي

إلى متى . للشاعرة / كريمة دحماني

  إلى متى
............
إلى متى 
سأمضي بمفردي 
لألحق بمراكب العودة 
حتى تشدني خطواتي 
تحت عقبات الجلباب
تلج ساقاي منحولة الخوارق
تطوف فوق أكتافي 
ظافرة داخل أعوال هذه السلالة 
تتجلى فريضة الإحرام عوراء 
من عباد إنقسمت فيهم أطوال 
الإعتصام مناخها استثنائي
لغتها حائمة تهجس وسط العبر النافلة 
تنهار الكراسي في مهدها 
خلل ترمم من جيوبي ثوب المظلوم 
تهيج به أحوج المحن
.......................................... 
للشاعرة / كريمة دحماني بنت خالد
Karima Dahmani

قلبى اللى حبك ... للشاعر / طه على الدين

قلبى اللى حبك كان عبيط
عن كيد النسا علمه بسيط
كان يسقيكى الحب غمر
و انتى تسقيه  بالتنقيط
............................ 
للشاعر / طه على الدين

لقصه م الأول غلط ...... للشاعر / أحمد عمر

القصه م الأول غلط
وانا اللي كان فيها السبب
قلبي اللي بغرامه انفرط
مش مقتنع إنه عجوز
مبقاش غرامي هاينفعك
ولا قلب مين ممكن يفوز
بصراحه جايلك أودعك
أصبح غرامك لا يجوز
.......................
للشاعر / أحمد عمر
Ahmed Omar

من غلاوتك يا حبيبى . للشاعرة / راوية حسن

  من غلاوتك يا حبيبى. قلت انا اهديك بايه
حب غالى ومن نصيبى. كل اللى أقدر عليه
حب كبير ماينتهيش. ولاحد يبصلنا فيه
حب حد ماحسهوش. ولا  يوم اتعرف عليه
ولا شاف العشاق زيه. ولا حتى عرفوا بيه
حبك انت شكل تانى عمرى ما اقدرأخبيه
ولا حتى عنه اتكلم ولا أوصف أيه اللى بيه
أصله حبك ده نوع نادر. ماحدش يحس بيه
جرب حتى وشوف بنفسك وانا حقلك عليه
قوم تعالالى لوحدك. شوف عنيه تقلك أيه
تحكى عن قصه عشناها. أنا وانت بس أيه
ولاحد غيرنا عاشها ولا شاف حتى بعنيه
..............................
للشاعرة / راوية حسن

سلمت قلبي ليك .... للشاعر / على شحاته سليم

سلمت قلبى إليك
.....................
سلمت قلبى إليك
من غير ما افكر
وعدى يوم وراء يوم
وانت مستكتر
تفتحلى قلبك 
واحس بيك اكتر
الغدر  ليه لعبتك
بلاش تحيرنى
لا  صنت يوم عشرتى
ولا حبى من قلبى
شغلت نفسي بيك
وانت مش دارى
لا  بقيت على اللى كان
ولا رق  ليك حالى
................................. 
للشاعر / على شحاتة سليم

ذاك الشبل ... للشاعر / السعيد اللفاف

ذاك الشبل
..............
لو همك تظهر فى الصوره
من غير ماتقاسى وتتوجّع
وتكون ليك القوله والشورة
والكل يهابك ويوسع
ارضاء للنفس المغرورة
مش ممكن أبدا راح تبدع
وثقافتك لو. م . العصفورة
الفتنه ها تغشانا وترتع
ابليس مش محتاج لمشورة
بيقدم خدماته متطوع
خليك راجل وألعب دورك
الذريه ها تكون أشجع
وحذارى السلبيه تزورك
ما بينفعش أوتاد م الخروع
............................. 
للشاعر / السعيد اللفاف

صباح الفل .... للشاعر / سعيد عباس الضو

صباح الفل صباح ياسمين 
عل الصاحيين وع النايمين
صباح لسه جاى طازه 
صباح يغسل دموع العين 
صباح عطر ف ازازه 
يفووق كل قلب حزين 
صباح نادى صباح هادى 
عل الرايح وع الغادى 
عل الساعين لأرزاقهم 
وعلى سواق ب ينادى
صباح أبيض بلون الفجر
وبنت حلوه شكل البدر 
ف ايدها الفول وزبادى 
وراسمه الضحكه فوق الوش 
لا تعرف زيف لا تعرف غش
ب قلب أخضر ب تتمخطر 
وفارده قلوعها على الدنيا 
وسايقاها شمال ويمين
صباحكم فل صباح ياسمين 
................................. 
للشاعر / سعيد عباس الضو

الضمائر ...... للشاعر / أحمد أبو عاصم

  قولي ليه النخوة غابت
من مفاصلي القوة سابت
والضماير جاتها شوطة
قولي ليه بس استكانت
............................... 
للشاعر / ‏أحمد أبو عاصم

ما بين نفسى وأوجاعى ... للشاعرة / رضا عبد المطلب

ما بين نفسي وأوجاعي
بداري الدمع بكفوفي
واقول للروح مفيش داعي
لرعشة قلبي من خوفي
..................................
للشاعرة / رضا عبد المطلب

شهــادة حــق ... للشاعر / السيد خطاب

شهــادة حــق بنـقـــــــولــها
ولا يـخــفى علـيــك قــولها
ما ليك فى الهلس والمرعه
وشـخـصـيـه لـها أصــولها

وما ســار بيـــنا كان بـرّه
حياتــنا العامــه والسـّـاره
ما نخـلـط بـين عمـل بيـنا
وبـين صـداقتـنا بالمـَــرّه
............................ 
للشاعر / السيد خطاب

ياللى الهوي دلك ... للشاعر / يسري عثمان

ياللى الهوى دلك
ماشى طريق الشوق
اسألنى انا اقولك
إمشى بحنيه
أنا اللى شارى الهوى
ودموعى مخفيه
عز عليه الدوا
وانا المداويه
أنا زهره فى بستان
بالود مرويه
عدى عليه الهوى
أنا خدى طاب واستوى
أحمر وزاد لونى
لما اشتكيت النوى 
عوازلى طلمونى
ينزل عليه الندى
فيدمعوا عيونى
أشد عودى أنا
القانى محنيه
ياللى الهوى دلك
شوف حالى وعنيه
............................. 
للشاعر / يسري عثمان

يا دنيا يا مكعبله ... للشاعرة / هاله عربي

يا دنيا يا مكعبله 
........................
يا دنيا ليه بتطبطبى 
على قلب مش شقيان 
ومعانده ليه بالقوى 
على صاحبك الغلبان 
يا دنيا فيكى ومافيكى 
بنرمى حمولنا عليكى
سانده الغنى والقوى
وسايبه الفقير عريان
يا دنيا كعبلتينا
في صحاب خانوا العشره 
ما هان عليكى
تدينا واحد على عشره
يا دنيا يامكعبله
فكى العقد ديا 
كتفى خلاص 
اتهرى من شغل
الفواعليه
كل السنين عشتها
طيب سليم النيه
خليتى قليل الأصل
باع و اشترى فيا
يا دنيا يا مكعبله 
فكى العقد ليا
وسبينى اعيش لى 
يومين لكن بحريه
قضيت معاكى سنين 
جفت دموع العين 
قلب الحجر بيلين 
حنى علينا شويه
...........................
للشاعرة / هاله عربي

المغرورة . للشاعر / خيرى صابر

بغرورك خسرتى حنانى
حب كبير ضاع فى ثوانى
راجعه ليه تلومى عليا
تعملى ايه لو كنتى مكانى

كل مشاعرك مش حقيقيه
مش لاقى فيها الحنيه
وبرودك مشفتش زييه
وكنتى عليا مستقويه
............................ 
للشاعر  / خيرى صابر

صباح الأمة العربية........ للشاعرة / فاطمة عبد المنعم عجيبة

صباح الأمة العربية
ياريت نتجمع كده شوية
ونكون لو مرة أيد واحدة 
قلوب على الخير متحدة
صباح الوحدة والهمة
ياريت تخلوا فيه ذمة
هنقدر لو تجمعنا
نخلي الكل يسمعنا
صباح من تونس الخضراء
صباح من سوريا ومن ليبا
صباح من مصرنا الحرة
يا عرب اتجمعوا مرة
............................................ 
للشاعرة / فاطمة عبد المنعم عجيبة

مش هالاقي .. للشاعر / شاكر أبو الشرف

مش هالاقي أكتر من نصيبي
مش هالاقي زي قلبي يكون حبيبي
أخاف عليه ويخاف عليا 
وأحس بيه ويحس بيا
ولو في يوم بكت عنيا 
يجي هوا ويطبطب عليا
................................. 
للشاعر / شاكر أبو الشرف

دلينى على سكتك . للشاعر / فهمى على نصر

 دلينى على سكتك 
 و اعرف اجيكى ازاى 
هاخطف يدوب ضحكتك 
و افرح ببكرة الجاى 
و ما تحرميش دنيتى 
من صبح فيه النور 
و بلاش تسيبى الزمن 
يفضل كدا .. نساى 
................................
للشاعر / فهمي علي نصر

ماذا أقول !؟ . للشاعر / حسن السحماوي

ماذا .. أقول ..! ؟
......................

أنا لم أزل أحيا على درب السنين
وأصارع الأمواج .. يقتلنى الحنين
لا زلت أذكر جمعنا عند المساء
والرحلة البتراء أوشكت الوصول
الشيب دق طبول حرب لن تطول
والعمر سربل وجهه  
والشمس قاربت الأفول  
لازلت أذكر الأيام فى مهد البتول
أعانق الأحلام فى الليل الطويل
لكنى أعلم أنها لن تطول
أبتاه هل أخبرتنى .. ماذا .. أقول
إذا سئلت عن الحياة 
عن الإله .. عن الرسول 
................................ 
للشاعر / حسن السحماوى

فى البداية ..... للشاعر / سامى أبو الغيط

 ف البداية سهم صابنى
وهمس قلبك كان ل قلبى
رحت كاتب كام قصيدة
وكلبش الحب ف وريدى
دبت فيكى ومش ب أيدى
وبعد سهرى النوم غلبنى
.................................
للشاعر  /  سامى أبو الغيط

اتمنيته .. للشاعرة / اسماء علي

اتمنيته عمرى بحاله
ولسه ولسه لحد الآن
اتمنيت ان ابقا حلاله
بس اوانه عمره ما آن
.........................
للشاعرة / اسماء علي

مش ها عاتبك .... للشاعرة / اسماء علي

مش هاعاتبك ع الجفا
مهو اصل قلبك 
مش ف ايدك
هنسى لحظات الدفا
اللى كات بينى وبينك
رغم الحب سيدى وسيدك

هاعتبره بس حلم عدا
او جرح م الزمان وبكرا يهد ا
كإنه دين ولازم أسددوا
وانت بظلمك بتأكدوا
وذنبي بيه هايتغفر
وابتدى من عند صفر
عمرى ما قولت انى اشتريتك
منت قتلت وانا فاديتك
مش هعاتبك ع اي شىء
مهو انت من دمي بريء
يابو عيون قادرة وجريئه
بطلت اغانى اغانى حب
وبسمع مواويل شفيئه
مش هقول ان انت طيرى
براحتك انت حب غيري
همشى لوحدى ف خط سيرى
اصل قلبك ملك غيرى
يا قمر طلع بعد الظلام
نور كشف كل الغيام
بعدها مابقت لحظه انام
بخت وربنا بعتهولي
يارب وانت رضيتهولي
يادنيا كمان قولي
دا عين منى صابت
يا شمس طلعت وغابت
وقدمى عن خطا الحب تابت
هنسى منك حتى الموده
اهتم بس بحبيبك ووده
مش هاعاتبك ع الأسيه
منا ليك وانت مش ليا
واللى بينا مش قضيه
اللى بينا ميه شربتها
طلعوا عرق فى وقتها
ملهاش عندك أثر
ولا مست منك الوتر
ولا قلبى اللى حبك حتى انفطر
ولا حتى عمرى ليك انفرط
انا اللى منى كان الغلط
وانا اللى نفسى وبعتها
لما قلت بحبك موت وقتها
الفين ومليون تحيه
اصل اللى حب ماله ديه
مش هاعاتبك ع حبي ليك
ماهو اصل قلبك عندى اتنفا
ياللى نظرة منك فيها الشفا
مش هاعاتبك على كل الجفا
..........................
للشاعرة / اسماء علي

.،.،.،.،.،،..،..

 

لو تسمحى . للفنانة / فيفي الجندي

لو تسمحي من مطرحي ابعت جواب
واعيد لك حبك 
وهاشتاق لحب الوفاق
ولحن الوفاء
لو تسمحي اجيب الوداد
انظر لعيونك
اسرح وعيش اللي فات
ضمي قلبي 
لملمي حب الساعات
أنا مش هاخونك
ولا اكون عزولك
ودفا ساعات الوصال
مش غصب عنك
ولا قبل منك كان ليا
حب ومات
لا تتركيني وابعثي
فيا الحياة
أنا طير وعايش
علي شجر الغرام
لو تسمحي  أكون عيونك
وألف بيكي حد ارتواء
........................ 
للفنانة / فيفي الجندي
 Fefe Elgendy

صباح الخير . للشاعر / ابومصطفى الهوارى

صباح الخير على بلادى
دى بهيه وحسنها بادى
وطير بيشدو ع الأغصان
قام سبح ربنا الهادى
الملك لك بصوت كروان
على نغمة ناى بإيد حادى
وصوت المدنه وقت أذان
فى ساعة الفجر بتنادى
من سينا سمعت أسوان
صباحكم م  الإله  نادى 
.....................................
للشاعر / ابومصطفى الهوارى 
Adel El Hawary

لا تغلق الأبواب .. للشاعرة / غنية عبد الرحمن اسماعيل

لا تغلق الأبواب
فى وجهى
ولا عينيك
فمن لى أن أغلقت بابك
والعيون  ؟؟
وتوحش القلب الرقيق
بداخلى   !!
...............................................
 للشاعرة / غنية عبد الرحمن اسماعيل

حملت هواك .. للشاعرة / إقبال علي عبدالله

حملت هواك 
.............. 

حَملتُ هواك في قلبي مَدى الدهر 
وعودتُ نفسي شُربَ كأس من المُرّ ِ
رضيتُ أن أحيا بغير ِ وصالِك
أعيشُ مع الأحلام ِ أقضي بها عُمري 
مَضيتُ وحيدةٌ بالدروب ِ بلا لقا 
يُصاحبني صَبري ويحنو على أمري 
تناسيتُ جُرحي رغمَ كلّ ِ مَواجعي
وأخفيتُ دمعاً لمْ يزلْ في المقل يَجري
ومرَّتْ بي الأيامُ والشوقُ في الحشا 
يَجولُ في أضلاعي كما الداء ِ يستشري 
على ذكراك أستطيبُ تَلوُّعي 
وأغدو كمنْ يجني زُهوراً من الجَمر ِ 
ففي أسمك حُلمي وكلُّ حكايتي 
إذا قيلَ في سَمعي نسيتُ أنا قهري
كفتني من الدنيا حروفٌ أقولُها 
تواسي وحدتي والجفا 
وتكونُ لقلبي واقيات ٍمن الهجرِ
.................................. 
للشاعرة / إقبال علي عبدالله 

أنت حلم من أحلامي .. للكاتبة / سحر الصيدلي

أنت حلم من أحلامي

كان يسير شارد الذهن مشغول البال هدفه أمام عينيه لا ينشغل بالمشوشين الذين يثنونه عن تحيقق أهدافه وتحقيق طموحاته قراراته صائبة لأنه مؤمن بمبادئه وحقه بالحياة وبين تلك الخواطر والأفكار لمحها من بعيد بين رفيقاتها بهامتها الشامخه ولونها الذي تطيب أمامه النفوس وحلاوتها التي لا مثيل لها ..أمامها تركع أشجع الرجال ويطبطبون عليها بحنية ورقي..لم يراها منذ عام كانت عشقه الأبدي وبينهم قصة حب لا يعلمها إلا الله..وألان فجأة دون مقدمات رآها..عاد الحنين إليه والشوق تسلل لقلبه..وقف بقريها مشدوها هائما متأملاً حائرا ..كيف السبيل للقياك والتمتع بك..كان يقفز بمكانه فرحاً لقد عاد حلمه إليه ولكن كيف لي بالحصول عليك وأنا العبد الفقير الذي لا يملك مالاً..من المؤكد مهرك غالي .. وأنت التي يسعى إليك كل عشاقك دون اهتمام لمال أو ناس ولا يهمهم سوى سعادتهم وانت بأحضانهم...وبعد تفكير عميق وشوق يزيد هجم عليها وسحبها من بين أصدقائها وأخذ يقبلها قبلات أشواق دون عابئ بالمارين والناظرين والمتطفلين عليها ...صاح بأعلى صوته قررت أن تكونين لي ..فأنا أحبك منذ الأذل وكلما رايتك تمنيتك أن تكوني لي وحدي دون العالمين ..لن أدعك تكونين لغيري...هي صامته لا تجيب لكنها ..سكنت بين يديه وهو يعانقها ونامت بين أحضانه دون
خوف من الأجمعين وهدأت نفسها اليه وقررت معه الرحيل...أخرج محفظته بالحال وعد نقوده وقال : مهرك جاهز يا ست الحلوين ..تعالي معي نقضي ليلة يحسدني عليها الكثيرين..
عانقها بلوعة المحبين ومشى بها مختالاً فخورأً أمام المارين لقد حظي بست الحسن والجمال وهو يردد الحلوة دي بقت من نصيبي وستكون لي وحدي...وأخيراً وصل داره والسعادة تغمره ..معه حلمه وعشقه فكيف لا يكون سعيداً...دخل بيته بقدمه اليمين وحملها على كتفه حتى لا يراها المتطفلين ويشاركوه بحبها ..بهدوء جعلها تجلس بأغلى مكان في منزله ..وقال لها دقائق وأعود أنت في بيتك وقليلا ستكونين بين شفاه حبيبك وأنا سأبدل ملابسي وأتزين لقامتك...مشى وعينيه عليها وهو يردد انتظري حبيبتي قليلاً ستكونين بين يدي..طوع أمري ..أنت لي وحدي..دقائق وعاد مسرعا يلوح بالسكين ليخيفها لكنها صامدة بكبرياءها المعهود وصلابتها التي لا تنحني وشطرها نصفين فنزف جرحها أحمر قاني يسر القلب والعين ..ضحك ملياً وقال الأن سأرتوي منك يا بطيختي فقد حلمت بك منذ زمن وفقري كان يمنعني عنك والان بفلوسي حصلت عليك وكل يوم ساتلذذ منك بقطعة فأنت كنت حلم من أحلامي.

بقلم / سحر الصيدلي

عجبى .. للشاعر / طه على الدين

ماعادتشى حاجه مؤكده.كله فى زماننا اختلط
اللى كنت فاكره صح ..يمكن يكون أصبح غلط
انا دورت بين دا و دا و عجبى فى زماننا لقيت
لا  الصح باين صح .. و لا الغلط باين  غلط
عجبى
 ............................. 
للشاعر / طه على الدين

سلاما على قلب رحل... للشاعرة / امنية نبيل

سلاما على قلب رحل
وتركنى وحدى وسط الظلام
سلاما على من كان لي الحياة
يا مهجة القلب اشتقت اليك
ماذا عساي افعل بعد رحيلك
فقلبى لم يعد يحتمل فراقك
كم أشتاق الى سماع صوتك ودفء حنانك
حبيبى بدونك لا طعم لحياتى بعد مماتك
حاولت كثيرا ان اعتاد رحيلك 
لكن قلبى يأبى غيابك
كيف لى ان انسى من كان حياتى
فقلبى دائما ينبض بك ولك
اتعلم حبيبى حين اغمض عينى اراك امامى
اسمع صوت انفاسك
اصحى ليلى على همسك
فطيفك يسكن كيانى
ماذا عساي افعل حبيبى
بداخلى براكين من الاهات والاوجاع
ارسم لنفسى ضحكة زائفة 
اه لو يعلموا كم اعانى من فراقك
لو كان بيدى لملأت صرخاتى ارجاء المكان
لكنى راضية بقضاء الرحمن
ادعوه دائما ان يلهمنى الصبر والسلوان
انتظرك كل ليلة ان تزورنى فى احلامى
وانسج لنفسى اجمل الذكريات
فحبى لك تعدى حدود الزمان
........................... 
للشاعرة  / امنية نبيل 

لا وقت للأ عذار ... للشاعر / شلاش الضاهر

 لا وقت للأ عذار  
......................
ظل المسافة بيننا أنت
وأنت الغار والريحان
وجعي وأحلامي
صباح عطرالصمت مداه
واستوى يبحث عنك
بين آه ثم آه
ما يقول الورد للألوان
ما تقول القبرات لأمنيات الريح
لحكاية تروي مدى شوقي لعينيك
وما قد قاله الفلاح للبستان
كل الجهات ربيعها أنت
وانت في الدنى نيسان
لا شيءيعنيني سوى
أني وأنت الموج والشطآن
قال المدى
رمت الجهات شباكها
أيقظت جرحي
لملمت شرفاتها الأوجاع
واشتعلت بوهج حنين سوسنة
تباركها الجهات
ويصطفيها الجلنار
لا وقت للأعذار
لا وقت إلا أن تكوني حبيبتي
نتقمص الأسرار
كوني وكوني
كي تكوني الما ء حين
ستصطليني النار
............................. 
للشاعر / شلاش الضاهر