مجلة ثقافية أدبية فنية
الأربعاء، 30 نوفمبر 2022
طول الليل ......... بقلم الشاعرة / تسنيم نعيم
وعينيه حالفين
كده طول الليل
يبقوا حارسين
ضحكة ومرسومة
ع الخدين
وأيديه بتعطر فوق خدي
أشواق وحنين
والقلب بيبعت دقاته
بشويش ف الليل
ألحان وأغانى بيسمعها
كل العاشقين
وبيلمس شعري المتضفر
واللمسة حرير
وقلب يزود داقاته
ومعاه بيطير
لسحابه بتحضن أشواقنا
وبشوفه أمير
وقمر متشوق أوى جدا
وانا شكلى بغير
من نجمه قاعدة بتتفرج
وانا قلبي أسير
ف الحلم الوردي مع قلبه
واحنا نايمين
.jpg)
.jpg)
الثلاثاء، 29 نوفمبر 2022
دقات القلوب الحان سجال زجلى بين الشاعرة / امل الطهطاوى والشاعر / عونى هشام
امل
نهر الشعر دا جوه عروقى
كل حروفه بتجرى ف دمى
الاشعار بسرح وياها بتزيد شوقى
اعيش فى هواها بتشيل همى
اما انقلبت جات بجروحى
هاكتم نوحى وانادى ياقلبى
قرب منى
عونى
انا وياكى وانتى بعيد
ساكنه معايا العين والننى
قلبى سألنى عليكى كتير
فكرى يرد ياجى يطمنى
ما شفتش شعر جديد من ايدك
هاتى جديدك قربى منى
امل
لحد اليوم ماجانى حروف
ولا عارفه اكتب اى كلام
انام الليل يصيبنى الخوف
وقلمى جنبى ف الاحلام
عونى
كل اقلامى مافيها جديد
وحتى احبارى اوام بتجف
انادى عليها كتيرواعيد
خايف انسى وعقلى يخف
امل
الف سلامه لكل اقلامك
بحور الشعر فيها كتير
نفسي اغرق مره ف احلامك
واهديك شعر ملوش نظير
عونى
يا قلبى ياروحى رحتى لفين
ردى عليا او قولى
باى كلام هاتى سلام
شعرك فين هاتيهولي
الف سلامه يا قلمى
زاد المى ف بحر هواك
بين شطين لقيت ننى
يا ننى العين انا بهواك
امل
كتبت الشعر جوايه
فى سكة سفر تاه منى
اعمل ايه ف هو ايه
والشعر ده حرف من دمى
عونى
جوايا وجواكى
احاسيس بينا مدفونه
عينى تريد رؤياكى
ومشاعرى بيكى مجنونه
امل
طب امتى ياجى طيفك
لو فى منامى او حلمى
بكون سهرانه مع نفسى
افكر فيك يزيد المى
عونى
كتبت الشعر ف عيونك
سهام رمشك قامت تجرح
عهد ف قلبى ما اخونك
بغيرك فكرى ما يسرح
ولو سارح يكون ف هواك
وحلمى فيك وباتمناك
عشان صاحى افكر فيك
ولو نايم برضه فكرى معاك
امل
تركت كلامى يوصلك
وبورق الورد عطرته
كسوفى لأجل اوصلك
صاحبت الطيف عشان خلك
ركبت مركب الاحلام
وشالى بايدى بخرته
مسكت بايدى منديلك
مع شالى وصورته
عونى
عيونك كلها اسرار
وانا محتار افك ازاى
كتبت كتير غزل اشعار
عشان القلب ليكى اختار
كسوفك حته من طبعك
وانا مطاوعك عشان الحياء نعمه
والنعمه انا بحبك
وخايف من الدموع اعمى
امل
دموعك غاليه تالمنى
بحور الشعر تشغلهم
لو يوم زاد معاك الشوق
بيتين م الشعر وارسمهم
حبيتك ما بين الناس
وقلبى اختارك انت وبس
حسدونا كتير م الناس
وواخدينا حكاوى وهمس
عونى
لو بينى وبينك سور
هعدى الصعب والمحظور
وامشيلك بلاد وبلاد
ولو طريقى كله بحور
اعوم ارجع واعيد الزهر
ولو هاشرب كاسات المر
حبيبى تعالى ليه تبعد
بلاش تعند
دا ايامنا اوام بتمر
رسمت الشعر بايديا
لقيت صورتك هنا ف قلبى
نفسى شويه حنيه
هتعرفى يعنى ايه حبى
امل
خلاص حبيبى كفايه بعاد
ولاعتاب بينا يعمل جرح
شربت المر فى بعادك
ياريت قلبى يدوق الفرح
بفكر فيك ونفسى هواك
تعالى نعيش لايامنا
نرسم حلم شفته معاك
يكون غطانا فى ايامنا
معاك تبقى الحياه حلوه
ونعلى الزينه ننسى الجرح
عونى
يا ريت احساسى يوصلك
وانا قادر عل مهرك
بحبك حب حد الموت
وهات الرد على مهلك
امل
كل يوم يزيد همى
وحتى الضحك خاصمنى
اعمل ايه ياواد عمى
وانا نهارى صبح ليلى
وفرحة قلبى بعيد عنى
متزعلشى من ردى
يا نور عينى وروح قلبي
عونى
بين يومى وبين امسى
سواد الليل
لقيت صورتك تنادينى
تقول مواويل
سهرنا الليل باحلامنا
نسينا فيها الامنا
وقالت سر هنا ف قلبى
بحروف لقيتها زعلانه
راحت عندك وتشكينى
ودقات قلبى بزياده
وشوق جواها يكوينى
امل
لو طال عمرى تكون شمسى
ومن نورها اغنيلك
ومن شهدك نسيج
اشعارى ومشاعرى
وهمسى يكون مواويلك
حروفى ساكنه جوايه
ولو طلعت اوام بتروح
تسبق قلبى وتجيلك
ودمعى حبر ف دوايه
عونى
تسلم طلعة شمسك ليا
فيها النور بيزيد ف عينيا
انتى احلامى وفيكى اهاتى
وانتى نسمة صيف عصريا
عايز اقول ان انا حبيتك
يخرب بيتك شوفى الحب
عمل ايه فيا
تعرفى صوتك
جه ف ودانى
زلزل قلبى
سكن وجدانى
ما اقدر اخبى
عليكى واقولك
انى بحبك
حبيت فيكى كل حروفك
نفسى اشوفك
طب ايه ذنبى
امل
ومين غيرك انت
هايمسح دمعى
ويرسم غنوة
الاشواق
قلبى وقلبك
دقه بدقه
بيحكى كتير
عنه العشاق
تعالى ودق
ابوابى بايدك
وانا هناديلك
تعالى حبيبى
اياك تتاخر
قلبى وروحى
اليك مشتاق
===========
الاشتراك في:
الرسائل (Atom)
فن البوستات كمال العطيوى
-
تحليل وشرح لحن قصيدة ( دعاء الشرق ) كلمات / محمود حسن إسماعيل ألحان وغناء / محمد عبد الوهاب اللحن والموسيقى من مقام (الرست) ال...
-
إسمحي ف حضرت جنابك أعترفلك بالحقيقه قلبي أهملتيه ف سابك وانتي ماطلعتيش بريئه إدعيتي إني إنتهازي وإني ظالم وإنحيازي وف غ...
-
تغريدة الشـــــــــــــعر العربي السعيد عبد العاطي مبارك – الفايد ( مصـــــــــر ) ----------------------------...
-
اهداء بمناسبة شهر رمضان الكريم وكل عام وانتم بالف خير شرح وتحليل لحن ( رباعيات الخيام ) على وزن بحر(السريع والخفيف والرجز) ع...
-
أنا وقلبي وأنت بقلم // سليمان كاااامل .... ********************** يهتز طربا حين لقياك يهيم وجدا بنور رؤياك ........ أقول ...
-
الشاعرة / إيمان محمد انا العاشقة لأيامه و ما أزعل مرة لملامه وكل شيء له ...
-
أمر عادي اللى بينى........ وبين بلادى شيئ طبيعى.... وأمر عادى يعنى عادى...... ألقى نورها جوه شريانى......... وفؤادى م الطبيعى....... أبق... -
في قريتنا ديك بيأذن ولابيصليش ديكنا بيحضر كل أوان لما نكون عاوزين إنسان يمثلنا لاجل نعيش ديكنا يأذن تلاقي دجاجاته واقفه وراه ونافشه الري... -
قلت لهم ذات يوم اني أصلي إماما بالقمر كذبوني وقالوا مجنون علمت بأن قلوبهم كالحجر وبلغوا أرذل العمر لكنهم لا يعشقون .......................... -
معنى كلمة الله 🥀 🥀 🥀 🥀 🥀 🥀 🥀 🥀 🥀 إسبانيه تشرح معني كلمة ( الله ) بعد أن عجز عنها العرب ... هذه الفتاة الإسب...
