جوا بيتنا من زمان
جوا بيتنا من زمان
قلب فيه طيبة وحنان
ام تعجن روحها لقمة
حضن فيه راحة وأمان
على الولاد تسهر تدادي
واما اغيب تنده فؤادي
شمعة ويا الصبح تلحق
نور عينيها يكون لى زادي
بيت وفيه ريحة الجدود
عمره ما خطى الحدود
بالأصول عايش وراضى
زى نهر بخير يجود
زى طير فرحان بعشه
راضى حتى بشكل قشه
لا العمار فى ساعة هشه
ولا كره نوم الحصير
الحيطان وياه تشقق
بالرضا يملاها طين
والبيبان من الحلق تهرب
من الصوامع والعجين
كان امان والناس بتحرس
كل حاجة فى كل حين
راح زمانه ويا اهله
واحنا توهنا فى دمعتين
ليست هناك تعليقات:
إرسال تعليق