الشاعر الكبير / أمين الديب
عمي أمين الديب ياخواتي
شـاعر عامــي زي حـالاتي
فـيه أوصــافي وانفعـلاتي
والجــلابية بترســــم ذاتـه
والأخــــلاق العاليه صفاته
واحنا الصبح نهم لو ايجى
نســرح ويا البت خـديجه
والعصـريه بنلعـب سيــجا
ويمتعـنا كــــــدا بقفشـاته
والأخــــلاق العاليه صفاته
عمــي وعـــــم الكل وآيـه
قاعـد ع المصطـــبه وايايا
يسمع ليا ويحــكي حكايه
من أشعاره ومـن وصـفاته
والأخــــلاق العاليه صفاته
عمي أمين الديب لو قال
أحسـن من طــه ومتــقال
تقلى كلامه بيهدي الحـال
بيحمي الكلمـه لو بحـياته
والأخــــلاق العاليه صفاته
عمي أمين الديب كـــباره
عارف حق الجار والجـاره
بيوصف كل هموم الحاره
مين ف الشعرا ياهـوه ذياته
والأخــــلاق العاليه صفاته
عـم أمـين الديب لو غنى
تلقى ف صوته طيور الجنه
مـد إيـديه للنـور واتحـنى
وبيشجـينا بعــــزف ناياته
والأخــــلاق العاليه صفاته
ــــــــــــــــــــــــــــــــــــــــــــ
بقلمي خون ـ أنوب الجديد
معوض حلمي الفلاح الفصيح
ليست هناك تعليقات:
إرسال تعليق