حبة مدد
ليه الحروف رافضة تسلم ع الورق
والحزن عشش على الخدود
والدمع واصل للغرق
أنا كنت سايب
بسمة مرسومة ف جدار
يمكن ترجع ضحكتي
لكن خلاص قلبي زهق
بعمل لبُعد الحزن زار
وبقيت بلف على الخلايق
أستلف في حروف ترجع بسمتي
واكتب على ورق الشجر
وأقول خلاص حزني اتحرق
حدش يسلفنى قلم
أرسم علم
أكتب حروف
تشفيلي قلبي إللي أتظلم
وألون الذكرى اللي ماتت
كلها حزن وألم
كل الحكاية الحلم جوايا اتسرق
دورت ما لقيتش السبب
وسألت عن كل اللي كان عني انكتب
هي الجراح الساكنة فيا دي نصيب
ولا الزمان عاوز يعلمني الأدب
زعلان على نفسى
على روحي اللي عايمة في الألم
وكأننا داخلين سبق
عايش جسد من غير سند
عايش حياة من غير ولد
ضهرى اتحنى
جسمي اتلوى
قلمى بيتمنى المدد
وحصر حروفه ف مستند
بقلم //محمود صابر
ليست هناك تعليقات:
إرسال تعليق