أقسى جرح
لما تيجي في عز جرحك
يتركك غاليين عليك
لما تلقى العشرة ضاعت
واللي حبك جار عليك
أو مكان عشقه لكلامك
يعشق الدمع في عينيك
واللي لازم يبقى ضهرك
يبقى آلة قتل فيك
أقسى جرح
أقسى جرح انك تنادي
حد غيره يسندك
لما يشمت من ألامك
أو تقرب يبعدك
يبقى صاحب للي كارهك
وبخساسة بيئلمك
بكرة يتعب من خصامك
لو يحاول يكسبك
هو عارف اني وحدي
تعبي كان أحجار قصوره
كنت أم وأب وحدي
وهو فاقد خط سيره
كان مغيب في المغايب
لما دوره شاله غيره
لما شاف القصر عالي
جاي يهده بسوء مصيره
بس بفرح
بس بفرح بالمواقف
إللي فيها الكل بان
إللي كاره واللي حاسد وإللي حاقد
والجبان
وإللي مهما اديته عمرك
عمره ماهيديك أمان
نفسي اصدق
إني طول العمر واهمة
وان تعبي ملوش مكان
واني مهما بكيت عليهم
راح بلاش كل الحنان
بكرة تطلب لمة حلوة
يومها اقولك كان زمان
بقلمي
أ.مشيرةالنقيب
ليست هناك تعليقات:
إرسال تعليق