حاله عايشها
حاله عايشها واهرب منها
ألقى افيشها
ف الرايحه والجايه صايدنى
للهاويه واخدانى بطيشها
وكل طريق امشيه بيعدنى
بتزيد فى عنادها وقسوتها
كل ما حاول يوم اطنشها
ومانيش قادر اتخلص منها
وما نيش عارف ابعد عنها
واحترت انى أفك رموزها
ومن يومها بادفع فى تمنها
مش لاقى ليها توصيف
حزن وفرح حقيقه وزيف
حاله غريبه وبتنتابنى
سكنتنى ومش عايزه تسيبنى
واعمل ايه والحزن غالبنى
وألمى وفرحى زاد ينعشها
حاله عايشها وواخدانى
للهاويه بطيشها
السعيد اللفاف
ليست هناك تعليقات:
إرسال تعليق