مش هسألك
مش هسألك
كُنتي فين
وللا هسألك
قابلتي مين
ولكني عاوز أسألك
ازاي قدرتي تبعدي
عني يومين ؟!
مش هسألك ليه البعاد
وللا هسألك ليه العناد
ولكني عاوز أسألك
ازاي قدرتي تتركي
قلبي حزين ؟!
ليه الوعود اللي مابينا
اتبخرت ؟
وليه سفينتك بحرت
برة الحدود ؟
جوبيني يمكن أعذرك
وأرجع ألين
مش هسألك
احساسك ايه
وانتي بعيد
وللا هسألك
ازي بقى
قلبك حديد
ولكني عاوز أسألك
ازاي قدرتي تقتلي
بينا الحنين ؟!
مش هسألك
عَملتي ليه فيا كده
وللا هسألك
شمتي ليه فينا العدا
انا بس عاوز أسألك
ازاي قدرتي تجرحي
قلبي الحصين ؟!
جوبيني يمكن دمعتي
ترحم خدودي م الألم
ونبض قلبي اللي انظلم
ما يبات حزين
وتعودلي تاني ضحكتي
لو ثانيتين
*******
رضا أبو الغيط
ليست هناك تعليقات:
إرسال تعليق