مجلة ثقافية أدبية فنية
الخميس، 30 ديسمبر 2021
سعات العمر ...... للشاعر / عادل دبل
سعات بخرج ما بين الناس
وبتكى على الإحساس
بلاقي الناس تلاقيني
بعكس عكاس بدوس
علي قلبي وأدارى ورا الإخلاص
يخدنى ضميرى يرمينى
في أحضان ناس
بتخدع أى قلب كبير
وتسقيه الخداع بضمير
وسعات بهرب بين الأشخاص
بشوف الدنيا غير الناس
بتعزأ فينا من غير فاس
وتسقينا يدوب بالكاس
تنشف ريقنا وتسوقنا
لرغيف العيش نروح مانجيش
نزق ف بعض والأخر أملنا مافيش
وهي تبص تتحقق من المعروف
ومين ناكر ولا بيشوف
تلاقى الحب مش مألوف
ودا الحاصل وعا المكشوف
سعات بخرج من الموال
ولاعملشي حساب للمال
وأقول إللى ماعمره إتقال
وأعيشكوا معايه خيال
وأنزل بيكون بحر الشوق
ونسأل بعض ألف سؤال
عن الصحبه وعالخلان
ضميرهم بان على أصله
ولا حدش دايم واصله
مصالح تبتدى يواصلوا
حوايج تنتهى يفاصلوا
مافيش واحد يرد جميل
في وقت الديق ويراسلوا
ولو م إللى أخد يديك
ولو كلمه تبل الريق
تطفي حريق فى قلبى
إللى إنكسر بالذات
ومات يمكن سبع مرات
في خلاط الحياه والناس
بقالى سنين على دا الحال
أشوف الليل أقول موال
سألت كتير مفيش تحويل
من إخلاصى لحساب الغير
مافيش تحويل على حسابى
لحساب الغير سعات بسأل ؟
ومش لاقي لدا تفسير ؟؟؟؟
عربية الأصل ...... للشاعر / فتحى طنطاوى
حسناء عربية الأصل حوت جمالا
مرت كنسمة صيف بعجالا
فوج عطرها كبستان ازهارا
بخطى تختال .تستقرب البدر جمالا
تتهادى وتسحب الذيل احتيالا
الشعر مائج الخصر هائج دلالا
القد طلعه ريان باهر بالسحر تجلا
نظرت لها مبتسما وبابتسامة
أجابت بسرور وإقبالا
أيقنت انها تحمل هموم ثقالا
بادرتني بحديث خاف إهمالا
باد السعادة وهاج الجمالا
لكن لم تسقى روحي ولا الخيالا
رغم الحديث من مراشفهانثر
الطيب بالإرجاء يمين وشمالا
تلوح أننا نحمل الوجع تلالا
فتعالى حبيبي نمسك حبل الحلم
ونبنى جسر الحب والأمالا
قلت ياحسن البدر من أنتِ
ومن اى الأغصان حط الرحالا
رنت والمبسم ضاحك والرمش باد خجلا
انأ عربية الأصل والوطن
اعرفه سفوحا وجبالا
اسكن جنة الدنياعبرالزمان وأجيالا
اجدادى تحدث التاريخ عنهم إجلالا
وأنت ياحلم القدم فارسي والخيالا
برحابك جنة الحور بالوصالا
محرومة ذراعيك حرمت الرجالا
فأكرم الروح والقد امضي به رحالا
الأربعاء، 29 ديسمبر 2021
الثلاثاء، 28 ديسمبر 2021
آخر رسالة ........ للشاعر / محمود أبو إسلام
أخر رسالة
هيه دي أخر رسالة تبعتيها !؟
هيه دي أخر حروفك تكتبيها !؟
حد قالك اني هزعل مــ البعاد ؟؟
انتي شايفه ان بُعدك مش عناد !!
ماانتي فاهمة كل حاجة
بس عايشة دور سذاجة
وهيه دي اللي شاطرة فيها
كل يوم عاشقة الخناق
غاب مابينا الإتفاق
والغباء خنق الوفاء
والمودة اللي مابينا كل يوم بتقتليها
كل حججك فيها غدر وفلسفة
حبل الوصال اهو باش بسرعة واختفى
عقلي خلاص كان شت من كتر السفه
مابقاش يصدق أي كلمة بتقوليها
كل الكلام مش راح يودي أو يجيب
باين خلاص اني مكنتش ليك حبيب
انا كنت فاكر ان قلبك كان طبيب
وان الجراح اللي في قلبي هيداويها
من بين دفاتري انا همحي اسمك واشطبه
ودك خلاص مابقيتش عاوز أطلبه
كل اللي جاي هيكون بإيدي وهكتبه
بس انتي غلطة وعمري ما هندم عليها
محمد_أبو_إسلام
الاثنين، 27 ديسمبر 2021
أنا سموره ( أغنية للأطفال ) ....... للشاعر/ عاطف صلاح
حاجه لأطفالنا الحلوين
---------------------------
أنا سموره وصاحبتي نوره
وعمار أخويا واختي منال
أنا طول عمري نشيطه وشاطره
واللى عليا اعمله فى الحال
ولا أجِّلّش الشُغل لبُكّرَه
واعمل زى بابايا م قال
أنا شطوره بيان ف الصوره
لما المِيس تسألنى سؤال
🙋🙋🙋🙋
= وانا عَمّار واد م الشُطّار
وبحب العربى وكل مجال
ابدأ يومى أقوم من نومي
أخش اتوضى قوام ف الحال
أصلى الفرض وأرضى الرب
وأرتب شنطتى عال العال
أبوس إيد بابا وأبوس إيد ماما
واخرج أنا واختى مع عيال
أدخل فصلي وجنب صحابي
م اتكلمش وعينى ف كتابي
واخد أنا م الدرس منابي
واكرر يومى على د الحال
،💇💇🧍
= وانا بقى نوره أنا صغيوره
وكل الناس بيقولوا أموره
أصلي م احبش اوسَّخ نفسي
وف أوضتي م العبش الكوره
ياصحابى وياكل احبابي
أنا وانتم أحدث أجيال
هنعَلِّم أصحابنا يكونوا
شاطرين زى بابانا م قال
*عاطف صلاح*
قلبي دفا ....... للشاعر / معوض حلمي
ـــــــــــــــ قلــــــبي دفا ــــــــــــــ
أنا حـــاســـــس حضـنك ليا شـفا
مش عارف اقول عـلى قلـبك إيه
لـو حـاسـه الـبرد أنا قـلــبي دفـا
هافتحـلك بـابـه وتسـكــــني فـيه
وان شــــــوفت عـزولك بيتـجنى
مـــش عـــــــايز قلـــــبك يتــهنى
هاعـجـــنلك مــن روحـــي الحـنه
وهاحني عنيكي وهــادعي عـلــيه
أنا حـــاســـــس حضـنك ليا شـفا
مش عارف اقول عـلى قلـبك إيه
لـو حـاسـه الـبرد أنا قـلـبي دفـا
هافتحـلك بـابـه وتسـكـــني فـيه
على ناصـية بيتـكم في الحـــاره
أنا واقـــــف والــــــروح محـتاره
ماتشـــاوري وتديــــني أمـــــــاره
مقفــــول شـــباكك دايمـا لــــيه
أنا حـــاســـــس حضـنك ليا شـفا
مش عارف اقول عـلى قلـبك إيه
لـو حـاسـه الـبرد أنا قـلـبي دفـا
هافتحـلك بـابـه وتسـكـــني فـيه
وازرعـــلك فــيه فــل وياســمين
وأغـاني وزيـــنه عــلى الجنـــبين
وافرشــلك كــل سنيـــني حنــين
بس انتي تحـــني وترضـي عليه
دا أنا حـاســس حضـنك ليا شـفا
مش عارف اقول عـلى قلـبك إيه
لـو حـاسـه الـبرد أنا قـلـبي دفـا
هافتحـلك بـابـه وتسـكـــني فـيه
دا انا عايـــش باحـــلم بعنـــيكي
وإيـديا امـــا تـنام فـي إيــــدكي
وإن هــــاج البـــحر هاعــــديكـي
وهاكـونلك مـرسى وترسي علـيه
دا أنا حـاســس حضـنك ليا شـفا
مش عارف اقول عـلى قلـبك إيه
لـو حـاسـه الـبرد أنا قـلـبي دفـا
هافتحـلك بـابـه وتسـكـــني فـيه
ــــــــــــــــــــــــــــــــــــــــــــــــــــــ
بقلمي الفلاح الفصيح معوض حلمي
منشأة بطاش /تمي الأمديد /دقهلية
الأحد، 26 ديسمبر 2021
ما أجمل الحياة ....... للشاعرة / فيفي الجندي
بعد لقاء من وقت بعيد
أخضر ورق الربيع
وعادت الحياة من جديد
تزهو وتفرح برجوع الحبيب
والألم كاد أن يزول
والعود الثقيل على الأرض أصبح خفيف كافراشة تطير
والكلام أصبح يجري على اللسان خفيف
حان وقت الشروق
وتغريد الطيور
والكل فرحان مسرور
تعب السنين ماعاد له وجود
وزهر الياسمين
ماأجمل الحياة بروح الشباب
والقلب طاب وانتشرت الأفراح
يا خسارة العشرة ....... للشاعرة / جنه الله
يا خسارة العِشرة
طلعوا دهب قشرة
وياخدو في الإخلاص
صفر من عٓشرة
يا دنيا إيه تاني
دايما معنداني
ليكي حساب تاني
مالك كده كِشرة
أقولك من الآخر
كان القلم فاخر
مع ناس بتتفاخر
زودوا الحسرة
خلاص يا دنيا معادش أمان
لا صحبة نافعة ولا خلان
عمرى ما شوفت معاكى حنان
موجوعة ف قلبي ومُنكسرة
محتاجة لضحكة ولو مٓرة
كل حياتى، صبحت مُرة
عزيزة ف نفسي انا وحرة
وعمرى ماكنت ف يوم قشرة
يارب فرجك يبقي قريب
ارزقنى بصحبة تكون لى طبيب
وابعدنى، عن شر المحاسيب
واجعلى نصيبي ف الآخرة
رحيل ............ للشاعر / طارق الصاوى خلف
صفير القطارات العتيقة
مواجيد للعشق
مواعيد للحضور
يفرض
الأسى
على الروح الشجن
والمسافر وحيدا
تغرد
نايات فى ذاكرته
يشده الحنين
للوراء
للوراء
حيث لا شئ
باق فى الحديقة
هجر
اليمام عشه
والعصافير
استكانت
على جناح القطار
مسافر
والليل طويل
وليس فى محطة الوصول
حبيبة بانتظار
طارق الصاوى خلف
عام 2022 ............ للشاعر / سمير محمود
قبل ماتيجي تدق الباب
قدم لينا ف كشف حساب
وهات العمر اللي سرقته
وكل حبيب ف وجودك غاب
.....
وهات احلام وياك راحوا
واعزم ع الفرح بمفتاحه
واثبت للضيق انك قادر
تاخده من ايده لبراحه
......
طبطب على كل اللي اذيتهم
واللي انت قتلت وعزيتهم
واللي انت فرحت بأوجاعهم
ورميت من نارك على زيتهم!
.........
كلم ف الشمس وعرفّها
ان احنا هنفرح من شوفها
والدنيا علينا لو ترضى
هنكون كالصابع ف كفوفها!
.........
وياريت ماتجيبش معاك ذكرى
ركز وحياتك على بكره
واختار ف قلوب بتقدّرنا
ماتجيبش قلوب تطلع ناكرة
...........
خفف ف رياحك وهبوبها
وارفع م الطيبة ومنسوبها
واخصم من فرحك وادينا
واوعد احزانك برسوبها
..........
وعشان نسمحلك تتفضل ...
ماتجيبش معاك مُروحنضل
ولا كسرة نفس وتنهيدة
ولا حزن يعشش او يفضل
........
وساعتها هنفتح ابوابنا
ونقولك اهلا ياحبيبنا
نورت ياعامنا وشرفت
ونكون بوجودك رحبنا
سميرمحمود
السبت، 25 ديسمبر 2021
الأربعاء، 22 ديسمبر 2021
بواقى كلام ... للشاعر / عوني هشام
كل الكلام قلته وكتبت بزياده
لا عرفت إيه سيبته ولا رحت لإعاده
لكن عندى يقين إن السطور حافظين
الحق يعلا لفووووق وحروفه ولاده
دنيا فيها كتير أشكال على الوان
تلاقي مره الخير ومره تعيش حرمان
فيها تشوف افراح فيها كمان احزان
ويوم بيغلب يوم بزياده او ساده
وإحنا فى العاده مابنرضى بالمكتوب
نزوق المعطوب ونبروز المعيوب
نعلي ف الباطل وندوس على المغلوب
السُنه مش سُنه ونسينا إيه عبادة
وآه ياطبع البشر تاه بني الانسان
القلب زى الحجر والحب في التوهان
واللي ماسك دينه كأنه فوق بركان
فى الحق يمشي بشوك والظلم سجاده
ولسه عندى كلام لسانى بيه مدبوح
اقراه فى كل منام لكنى ما اقدر ابوح
وعشان مانيش زمار طفشوا الحلوح
اربط حزام جوعي وايمانى بزياده
كل البيوت اسرار فيها الربايه درجات
لا تقول دا م الكفار ولا دا حافظ آيات
كل بنى الانسان في دينه له صلوات
ناس بتنساها وناس تانيه بإجاده
وعجبى
عوني هشام
رجل الحلال الباكى ( مع المذيع / أحمد رأفت ) ... للشاعر / عادل دبل
فين إللى يتكرم عليك ويكرمك
فين الصحافه والمجله تصورك
فين المخافه من الحرام يا مسلمين
فين إل خد إيد الفقير عبد العظيم
هذا الرجل قطع قلوبنا بكلمته
المال حلال يا ولد عمى بذمتك
قالو المذيع والله حلال وعمتك
لكنه أجهش بالبكاء خلا اللقاء
زاد إختناق وبدأنا نتألم عليه
هذا الرجل ما يتوصف غير
بالأمانه والحلال دول ذمته
ولابد أمره يتحسم نرفعله صوره
فى كل بيت تعرف ولادنا قصته
ونفسه العزيزه وعفته
وخوفوا م القرش الحرام
وإذا ى مطلق دنيتوا
عامل حساب لأخرته
رغم إنه ماشى بلوعتوا
ولا حيلتوا إلا هدمتوا
لكنه شاكرفضل ربه و نعمتوا
الطيبه باينه في ضحكتوا
وملامحه شايله هموم كتير
والفقر ماشي ف سكتوا
شاغلوا بالوا فى حالوا ماشى
وطوق الإيمان والصبر ف عمتوا
والمولى بيعين عا الكفاح
عبده الصبور صافي السريره
وصوته راح عاوز يرجع للمذيع
كل الفلوس خايف يدوس
على جمر في اليوم العسير
يا دمعى سيل على الأصيل
يا خلق ليه بينا الحلال عسعس وراح
ومعادشى خوف ولافيه سماح
العمر فات والجاى جراح
وسمائنا شاهده على الملاح
والناس دى قلت كله راح
شايفيين بعينكوا إبن الحلال
شايل هموم قد الجبال
ولا عمره قال غير الحلال
وحد الله بين الحرام
رغم إنه ماشى معهشى مال
بس القناعه والرضا ليهم رجال
تحياتى لك ياحاج عبد العظيم
تحياتى للمذيع الكريم
-----------------------
بقلم / عادل دبل / ١٩ /١٢ / ٢٠٢١
الثلاثاء، 21 ديسمبر 2021
مداح النبي .... للشاعر / يحيى ابراهيم
مداح النبي
من سيرتك العطره
عايشين بسعد وهنا
يا اللي اجتباك ربنا
مغرم وعاشق انا
وكل انس وجن
يشهدوا برسالتك
نور من نور في نور.
ما عرفت يوم الانا
علي السراط امتك
تناجي رب الكون
يارب لجل النبي
احشرني في زمرته
القلب صابه الهنا
في عشقه ومحبته
لما دعاني النبي
لبيت انا دعوته
قلت كسير القليب
ودوايا في محبته
سيدنا شفيع البرايا
ومن غيرك يكون لي حبيب
الطب حار والدوا
ما لقتش غيره طبيب
يارب لجل النبي
اجعل لي بس نصيب
واجمعني في صحبته
وجرح قلبي يطيب
شديت رحالي وتوكلت ع الباري
تركت مالي وحالي
لابو المقام عالي
سمعت صوت م السما.
بالحب ناداني
ربك ده رب قلوب
وبعد طول الطلب
صار القليب مطلوب
وكتبت رباعيه أهديها للمحبوب
لكل اهل البيت
الذكر يحلالي
عاشق جمال النبي
والمدح موالي
عاشق لسيدنا على
والحمزه والعباس
واللي دخل حزينا.
وداق زلال الكاس
عاشق مديح النبي
ما دامت الأنفاس
ما دامت الأنفاس
الذكر ليك باقي
قلبي الصبي مجتبى
والمدح ترياقي
قلبي المعنى ياطه
رسولي باشواقي
جيت لك وحافي القدم
يسبق دموعي الندم
واقول يارب الكون
اختم لي بتوبه
وشفاعه المختار
القى الطريق انوار
وحالي اصبح عدم
يا طه اشفع لنا
وايمانا يرجع لنا
وروحنا تفرح بنا
متاكدين اننا
قلوبنا صابها الصمم
عاشق جمالك ياطه
يا للي بلادك بعيده
امدح تاخدني المتاهه
اكتب ف عشقك قصيدة
عاشق جمالك ياطه
قلوبنا بعشقك مدينة
ما بين عشيه وضحاها
زرته بمكه ومدينة
دعايا ساعه مماتي
لساني ينطق شهادة
بتسوي مماتي وحيأتي
ومدحي للجناب عاده
يا رسول الله سامحنا
م اللي عاب فيك وجرحنا
النفوس صبحت ضعيفه
والقلوب لو كات نضيفه.
كنا يا رسول البرايا
لو صحيح خالصه النوايا
كنا نبقي يد واحده
ضد اي امه جاحده
ربنا عاصمك يا سيدنا
والكلام بس بأيدنا
والكلام بايه يفيدنا
لما سبوك البغايا
ولا اولاد البغايا
يا رسول الله سامحنا
لما بالهادي اهتدينا
لما بالنور اقتدينا
لما صفيت يوم قلوبنا
لما من اشواقنا دوبنا
ربنا بفضله علينا
قام هدانا لنور عنينا
لما كات الدنيا غابه
يحكموا فيها الديابه
والبساطة والطيابه
في القلوب ملهاش مكان
ربنا ارسل الينا
طه الهادي نبينا
برساله للمحبه
وبنور الهادي اهتدينا
لما كات الدنيا غابه
جالنا من طبطب علينا
ضحكت الفرحه بعنينا
لما امن كل انسى
لما امن كل جني
قالَو بطه اهتدينا
والرايات الحمر غارت
لما شمس الرب نارت
والبنيه اللي كانت
تحت رمل الوآد غارت
فرحه بتعم البوادي
فرحه بتعم آلحواضر
نور محمد لما جانا
فتحت كل النواضر
لما كات الدنيا غابه
والظلام عم الوجود
والحروب والظلم فيها
والفجور فاق ألحدود
والنفوس صابها كآبه
والعقول صابها الجمود
اشرقت انوار محمد
اسم ربي يتمجد
والأمل بنفوس تجدد
بابن هاشم نوره يصعد
اليتيم جه بعد غمه
بالكتاب ولخير امه
سبح للإله وسمي
والبشاره كافه عامه
جه نيبنا بعد عيسي
والقلوب كانت تعيسه
لجل الناموس يتمه
ومجد امه راح يسود
بعد صلاة النبي
ومدحي ف المختار
حلوة صلاة النبي
بتخلي قلبي عمار
يا عاشقين سنته
ياما دحين حضرته
يا سالكين سكته
القرب في محبته
تجعل قلوبنا عمار
بعد صلاة النبي
ومدحي في جنابه
اجتمعوا الأحباب
من صفوه أحبابة
لما عشقت المكمل
وسرت في ركابه
لما مدحت المجمل
وصرت برحابه
لمست ايديا الثريا
وحمدت رب الكون
اجعل مديحي لحبيبي
بحق كن فيكون
شفيعي يوم اللقا
وقدمي ع الصراط
ما تخون
ادم الصلاة علي الحبيب
فمديحه ري وطيب
أعمالنا مقبوله مردودة
الا الصلاة علي الحبيب
مادح جنابك انا
قلبي طرح سوسنه
لما مدحت المصطفى
نلت الهنا نلت المني
يا عاشقين ما ترددوا
بمدح طه تسعدوا
وبجنه الرب الرحيم
وعدنا طه بالنعيم
يا هناه مين راح ينسعد
ويقول ياخير الله مدد
وعليك يارب المعتمد
بكل احوالناعليم
عاشق جمال النبي
والسيده الطاهره
عاشق وقلبي صبي
وعايشها بالفطره
عديت بحور وبحور
قلبي ارتجي نظره
لما مدحت المصطفى
ارتاح قليبي
نبينا علمنا الوفا
يا نفس طيبي
من قلبي هيروح الجفا
وازور حبيبي
صلوا عليه وسلموا
راح تسعدوا
صلوا عليه وسلموا
نلتوآ الصفا
بقلبي وقلمي يحيي ابراهيم محمد
لازم ترجع .... للشاعر / د. عمر عبدالجواد
لازم ترجع
ليه في دُبي ......قاعد يا جدي
و مين أجبرك و هربك من عندي
و لا واخد تأشيرة لدي العشيرة
و كلها كام ألف سنة ... .و تعدي ؟؟
مين أجبرك و هربك ...من عندي ؟؟
دنا بتباهي بيك و بعظمة ماضيك
و من صنع إديك. .. كان مجدي .
مين أجبرك و هربك من عندي ؟؟
أنا عشان خاطر ......... .. عنيك
عملت أكبر متحف ...... لمعاليك
و اللي عايزك .......... هو يجيك
يقف بين إديك.............. و يهدي
مين أجبرك و هربك ...من عندي ؟؟
و لا. رايح عندهم ......... تشتغل
و طالع بتأشيرة ... و عقل عمل
والمرتب هنا مش مكفي مع البدل
و زهقت من القاعدة.. .....عندي ؟؟
اللي محيرني أوووي .... يا جدي
أني عامل عليك............ حراسة
شديدة و بعيون ........بصاصة
و مسؤل في منتهي....... الكياسة
قدر بكل غلاسة يهربك من عندي
مين أجبرك و هربك من عندي ؟؟
مستحيل أبداً ........ أفرط فيك
دا يبقي عار.... .. علينا و عليك
هقطع إيد......... ... اتمدت ليك
و خانت وعدي ........... و عهدي
لازم ترجع .................يا جدي !!!!!
★★★★★★★★★★★★
د/عمر عبد الجواد عبد العزيز
لما قالـــــوا اتخلــي عنــك .... للشاعرة / سناء البنا
لما قالـــــوا اتخلــي عنــك
قولت طبعـــا ده محــال !!
هوه ليــــــا ضـــي عينــي
هوه عمـــري اللي ابتــــدا
ويـــا قلبـــه عرفــت إنــي
عمـري قبلــه كان فضــا
مستحيـل يبعــد و يقسي
والا قلبـــــه في مره ينسي
ايــــــــوا حــــــاســـــــه
اني جـــــوا قلبــــه لســـه
فاكــره همسـه والكلام
رسمه .. صورتـه .. والـدلال
جـوا عيني طـــول سنيني
لمـا تيجـــــوا تقولوا انـــه
اتخلي عنك ؟ اقول محـال
حبه أكبر من الحقيقـــة
و من البعاد و م الخيــــال
هوه نبـــض القلــــب ليــا
و الربيــــع ويـا الجنـــون
هو نسمـــه في عز صيـف
حضـــن دافـــي في الشتا
هوه لما يدق قلبي بيناديه
هوه عمــــري اللي ابتــــدا
ليــــه تقولوا اتخلـي عنـي
وانا عمـــــري كلــه ليــه
عُمــــره ما يعمــــل كدا
التخلـــــي عليــــه محــال
ايــوا عارفـــــه ان قلبـــي
جــوه قلبه حاجه اجمــــل
م الجمــــــــــــــــــــــــال
زي ماتقولو ا ابقوا قولـــوا
وزودوا... إننا دايبين وصال
والتخلي مني منه يُستحال
سناء البنا
الاثنين، 20 ديسمبر 2021
الأحد، 19 ديسمبر 2021
الاشتراك في:
الرسائل (Atom)
فن البوستات كمال العطيوى
-
تحليل وشرح لحن قصيدة ( دعاء الشرق ) كلمات / محمود حسن إسماعيل ألحان وغناء / محمد عبد الوهاب اللحن والموسيقى من مقام (الرست) ال...
-
إسمحي ف حضرت جنابك أعترفلك بالحقيقه قلبي أهملتيه ف سابك وانتي ماطلعتيش بريئه إدعيتي إني إنتهازي وإني ظالم وإنحيازي وف غ...
-
تغريدة الشـــــــــــــعر العربي السعيد عبد العاطي مبارك – الفايد ( مصـــــــــر ) ----------------------------...
-
اهداء بمناسبة شهر رمضان الكريم وكل عام وانتم بالف خير شرح وتحليل لحن ( رباعيات الخيام ) على وزن بحر(السريع والخفيف والرجز) ع...
-
أنا وقلبي وأنت بقلم // سليمان كاااامل .... ********************** يهتز طربا حين لقياك يهيم وجدا بنور رؤياك ........ أقول ...
-
الشاعرة / إيمان محمد انا العاشقة لأيامه و ما أزعل مرة لملامه وكل شيء له ...
-
أمر عادي اللى بينى........ وبين بلادى شيئ طبيعى.... وأمر عادى يعنى عادى...... ألقى نورها جوه شريانى......... وفؤادى م الطبيعى....... أبق... -
في قريتنا ديك بيأذن ولابيصليش ديكنا بيحضر كل أوان لما نكون عاوزين إنسان يمثلنا لاجل نعيش ديكنا يأذن تلاقي دجاجاته واقفه وراه ونافشه الري... -
قلت لهم ذات يوم اني أصلي إماما بالقمر كذبوني وقالوا مجنون علمت بأن قلوبهم كالحجر وبلغوا أرذل العمر لكنهم لا يعشقون .......................... -
معنى كلمة الله 🥀 🥀 🥀 🥀 🥀 🥀 🥀 🥀 🥀 إسبانيه تشرح معني كلمة ( الله ) بعد أن عجز عنها العرب ... هذه الفتاة الإسب...
