مافيش فايده
وبين التوهه والسهوه
مراكب صبر
وبين الدمعه والشكوه
حكاوي عمر
وبين تعويذة السحار
دخانة سحر
وعمر ي ما كنت يوم سحار
أنا باقدح زناد الفكر
واعبى المر بالقنطار
وانور فوق ضلام ليلكم
كإنى فنار
ادوب واتوب وارجع اراضيكم
وبرضو همى ارضيكم
ينوبني صد
جدارى اتهد
وبين الشكوه والاهه
وبين اللمه والوحده
حاجات من جوايا
سامعها ونداهه
واضلل تاني علي بيتكم
وادور لي مكان بينكم
ادوب عمرى ف سنينكم
ف ينساني الامل والناس
وانا اللي كنت نواركم
امل وناس
وانا اللي كان في يوم
رأيي دليل واساس
مافيش فايده
ولا معايده
ولا احساس
ليست هناك تعليقات:
إرسال تعليق