رباعية ... للشاعر / سعيد الضو

 

عاقبة الظلم ... شعر / د. رمضان قنديل

 

الحياة حلوة ... للشاعرة / عاشور الشوا

 

مليشي أمان ... للشاعر المهندس / فهمي علي نصر

 

مليشي أمان
هِناك... قُرب السما فجرًا
وناس يامَا سارقها النوم
باشوف الدنيا دي حاجة
صُغنُّونة
وعشمانة تعيش ميت يوم
أنادي عليها ما تردش
وتعمل نفسها نايمة
وعن كل الكلام صايمة
ف يوم لمِّيت نجوم يامَا
وضحكة حلوة بعلامة
ولفِّيتهُم ف توب الشوق
ووشوشت النجوم بحنان
ورِقة كمان
وحَلِّفت النهار يهدا
يقول للشمس... ما تطُلِّش
عشان الحق أعاكس دنيا مغرورة
وكدابة
وعدني وقال ولا يهمك
وغطَّى الشمس بسحابة
وبَسبِستِلها ضِحكتلي
وغَمَزِت دوغري بعنيها
أنا الِّلي ناوي اعاكسها واشاغلها
واكون قَلع الحياة ف نيلها
لقيتني بادوب
بنظرة حب سهتانة
بقيت لفَّاني دوَّامَة
آمِنتِلها وقدِّمت الخطاوي حَنين
فَرَشت ف قلبي ضلَّاية وحُضن وتين
وضلعي نقشتُه بالأشواق
وحُبِّي ستارة مِ الخلاق
ونِمت ف حضنها أحلم
أتاريني حَضَنت سراب
بيتسَرسِب ماببن رمشي
وقافل عَ الأمان الباب
وعادِت تاني ضحكتها
وهمسِت عند باب بيتها
أنا دنيا
ضَحكت عليك بغمزة حب كدابة
وغنوة لحنها ربابة
يا مسكين ليه بتندهلي
أنا أصلًا ببيع أهلي
مليشي أمان
 فهمي علي 

في ذكرى ميلاد أخي الحبيب الفنان التشكيلي و الشاعر / محمد العوضي رزق رحمة الله عليه ... للشاعر / ناصر العوضي

 

في ذكرى ميلاد أخي الحبيب الفنان التشكيلي و الشاعر / محمد العوضي رزق رحمة الله عليه 2021/08/30

من بقلبي قد سكن

وتعود ذكرى من بقلبي قد سكـــــن

لتسيل دمعا في المآقي قد كمـــــن

و تعيد احداثا لخلدي لم يكـــــــــن

كسواها يوما أو ساعات بالزمــــــن

في يوم مولدك الحبيب سعــــادتي

و القلب يذكر يوم موتك في شجن

هل فيك تبتهج النفوس لمــــــولدك

ام فيك نبكي إذ فقدنا من يحــــن

لكن روحك لا تزال بجمعـــــــــــــنا

و الموت لم يأخذ سوي منك البدن

و الكل يشعر ان موتك عــــــــارض

و العود مكتوب و ان يبل الكفـــــن

لا زلنا نحسب يا محمد كم بقـــــي

لتعود فينا في الحياة الي الوطـــن

أو كم بقي في العمر حتى نلتقـــي

و نعيش عيشا لا يزول مع الزمـــن

فالله أسأل أن تكون بجنـــــــــــــة

و يكون بالفردوس بيتك و السـكن

و الله أسأل أن يكون ختامـــــــــنا

بالصالحات و جار أحمد نطمـــــئن

#ناصر_العوضي

 

خَطَوات العُمْر .... شعر / د. سمير خليل

 

دُولاب العمر ... للشاعرة / منى عبدالرحمن

 

دُولاب العُمر بيقَفِّل دُولف روحُه
بيجري مِنِّي يتخبىٰ ف لِسان بُوحُه
وخطوة بخطوة يسبقني
ويجري أوام ومَلحقهوش
ويِلْحَقني
يشِد ف كُم أيامي
ويمسِك في خِناق الرُّوح
ويعمِل رُوحُه خَدَّامي
ويضحَك والضمير بينُوح
ومالي كفوفُه من حِلمي
ويِرمِيه في كابوس مَفتوح
يِمَنِّيني بعُمر بَراح
ساعاتُه هاتِنشِبِك فِيَّا
تِنَوَّر كل لياليَّا
وانا شايفة عُيون الزِّيف
مِحاوْطَه كلامُه وحروفُه
أنا باشوفُه
بيِّكْسَر فِيَّا وباصَدَّق
بأن كلامُه كان أَصدَق
وإنُّه حقيقي بيحَقَّق
أماني وحكايات حواديت
ياااااريت.....ياريت
ياريتُه حَقيقي كان صادِق
ويحلِفلي على الساعات
بإن الفَرح بُكرة يبات
فِ دِيل تُوبي ومَكتوبي
لكن طبعُه يادوب الغَدر
وانا صابرة
وقلب الصبر جُوايَّا
وادِيها حياة
وعُمر بعيشُه وَيَّايَا
وبَسْتَنَّى
دُولاب العُمر لَمَّا رفُوفُه
تِفضَىٰ عَلِيِه
 منى عبدالرحمن
 

قد أرى وجهك ............ للشاعرة / فيفي الجندي

 

مِنْ عِطْرِ راء ... للشاعر / محمد مخلوف

 

 مِنْ عِطْرِ راء  
النص دا مش شعر
ولا فيه صور وبحور ، ولا وزن ولا قافية
النص دا طالع  من روحي وطالع بالعافية
.....
هل محتمل ؟
إن المطر يروي الصحاري القاحلة
من بعد سبع سنين عجاف !!
ربك خلق لينا الأمل
فـازاي نخاف؟
..
سبع سنين مَرّت
ولا سهم راشق في الضلوع
كان فيه خضوع أو شيء شبيه للإنكسار
من صُلبي صبّيتِي   
ليه تُهتِ عن بيتي
صَبُّوا اللي كانوا السبب ...
 فوقي المرار بالكوم
اتنين من صلب ابوهم ف الرحم
واحد ماعجبوش الحياه رحل
والتاني كافح لجل يطلع للنهار
وياريت ما كان في يوم طلع
ولا شق  إيده ف المشيمة بكبرياء
شقشق سطع
كان ليه يكون لسنيني داء
كل المشاهد شاهدة ...
إنه مالوهش ذنوب
كل أمّا أفكرأتوب
من ذنب مش ذنبي
صابر كما أيوب
فارحمني ياربي
الذنب كان ع الأغبياء
شفت الجنين بعيوني فاستسلمت
قلبي انحنى ، كنتي لي انا ، من صلبي انا
" فـَ ظهرتي بنت "
ملامحها تشبهني
 لكن وانا صغير
نزلت دموعي في شكل آه
آآه يا مغيث شكل الحياه اتغيّر
البعد عنِّك كله خوف
شَكّل حروف شَكِّلت إسمك
جوّا قلبي أربع حروف
بدايتها كانت حرف راء
ونهايته كانت مش باشوفك
وده كان بلاء ظاهر في خوفك
وأديني شفتك من بعيد
إيه الجديد قسمة وقدر
قلبي اللي كان أصبح حديد
للمرة مليون انكسر
شبه الملاك صارت حجر
محتاجه حضن يضمها
مش إيد بتغرس شرها جوّا الوريد
الحلوة عود شجر الرَنَد
 … ريحها الذكي
 فواح لدرجه ما تتوصف
… زارها المرض
 صارت ك دُمْية مع الأسف
… صابها التلف
الخلق منها بقت تخاف
 مرت عليها سنين عجاف
قلب الصبيه داب وشاخ
مع إنها لساها بنت صغيرة
بنوته لسه لابسه تاج
صدقني يا نبض إحتياج
 إن المرض مشي سكة فيا
 صدقني عجزي ف العلاج
 شرخ ف روحك ياالنقية
وانا ....
أنا حزني ف قلبي حزام ناسف
أيوه أنا آسف..
آسف كان لازم أحميكي
 لو حتى جزائي انا كان حرمان
بكره الأيام هتَورّيكي
 من صانك يومها ومين  كان خان
هيبان قدامك.مين ظالم
أو مين مظلوم
ف شريط الذكرى المتعادة
هتلاقي حقايق مخفية
حددي بذكائك كالعادة
 … مين المظلوم
هتلاقي المظلوم إحساسك
والظالم خاين بين ناسك
آسف جداً
كان نفسي أحقق أحلامك
 …وأختار لك أهل
بالله مش سهل اللي باقوله
أنا بابكي عليك عمر بطوله
والناس بتطبطب علي كتفي
 … بتقول معلش
معلش كتير أنا باسمعها
طب هل معلش ترجعها؟
أو تسمح ليا بنظرة عين!
 أنا قلبي حزين ..
أو يمكن شرخه يسد الدين
لو ف الإمكان ..
 هجرك يشبه هجر الأوطان
أربع سنوات مافيهمش حنان
رمضان بييجي وإنتي مش هنا
أربع سنوات غاب منها أمان
 والعيد زعلان ..
طب قولي  يارب
الحل دا فين ..
صبر السنين دا مكانش سهل
أنا حقي إن تكون لي أهل
مش طيف بيسري ف حلم نومي
أو صوره باهته مابين هدومي
أنا حقي هي ..
مش مسرحيه بتتعرض قدام بشر  
أنا حقي حضن ..
أو نظرة منها تلم قلبي اللي إنكسر
أنا حقي حضن ..
أو لمسه منها تداوي ضعفي
أنا حقي حضن ..  
جوايا نار بتمص عطفي بقيت شيطان
القسوة سادت والحنان مني إتنزع
شفت البدع ..
لاجل إن أكون صورة ف خيالها ماتتمحي
ف يارب جبر  
زودني صبر
يزيدني صبر
أقول له صبري خلاص خلص
دي سنين يا عمري ما خدت منك حضن
دي سنين وكاتم وجعي جوايا
بعدك سمايا إتكحلت ب الحُزن
والله هانت أوي وتنوري سمايا
وساعتها يمكن نتخلق بالحضن
 

ببعت سلام يااما ... للشاعر / محمد عبد العزيز رمضان

 

ببعت سلام يا اما
مشتاق للمسة إيد
محتاج كمان ضمه
أنا ببقى بيها سعيد
فاكره كمان يا اما
لمتنا ساعة العيد
قربك من الجنه
والبعد نار بتإيد
وبروحي هفديكي
وهكونلك أنت شهيد
لو تغضبي يا اما
الدنيا ما بتفيد
رب العباد قالها
رضاها من التوحيد
وعقوقها دا غمه
وعقابه بكرا شديد
دعواتها ليك راضيه
حصنك من التهديد
لو هحكي عن حبك
هحتاج كتير أناشيد
حبك دا مش عادي
حبك دا لونه فريد
شالت هموم عنك
لحظة ما كنت وليد
أنا حلمي يا أمي
عمرك يطول ويزيد
ولو هعيش عمري
هعجز عن التسديد
يا أغلى من عمري
جوايا وانت بعيد
أنا نفسي أحميكي
واديكي عمر جديد
من ناري بكويكي
وتعبتي من التنهيد
طب ليه أكون قاسي
وعليكي أبقى عنيد
تاجي وفوق راسي
يا أجمل المواعيد
لو تشتري الدنيا
وتبيعها إيه هيفيد

تجليات ايمانية ........ للشاعر / ناصر العوضي

 

لا تيأسنّ ... للشاعر / مصطفى طاهر

 

لا تيأسنّ
 
لا تيأسنّ.    إذا.        آمنتَ        بالقدرِ
فاليأسُ ضربٌ    منَ  الإشراكِ    فاعْتَبِرِ
مهما   تضيقُ     فإنّ       الله    يفرجها
وثقْ  بربٍ   عظيمِ    الشّانِ        مقتدرِ
فربّ. ضائقةٍ      تمسيكَ    في.     قلقٍ
واللهُ    يفرجها    في.   مطلعِ.    السّحرِ
وازرعْ    أخي    أملاً        باللهِ   معتمداً
تلقى    السّعادةَ َ  بالإيمانِ.     فاصطبرِ
إنّ   التّفاؤلَ   يُبقي   القلبَ   في    ألقٍ
واليأسُ يردي الفتى   بالبؤسِ    والكدرِ
اضحكْ الى الكونِ تلقى الكون مبتهجاً
وازرعْ جميلاً  ستجني.  . أينعَ.    الثمرِ
وكنْ  معَ    الله   تلقى  الخيرَ.  أجمعهُ
وكنْ صدوقاً  معَ     الرّحمن   ِ والبشر ِِ
آياتُ.        ربّكَ         للأنظارِ     ماثلةٌ
سبحانَ منْ    زرعَ   الأوراقَ   بالشجرِ
فالصبحُ ينفس ُ منْ شمسٍ إذا طلعتْ
والليل ُ    يبصر ُ   منْ   إشراقةِ    القمرِ
وكوّر َ           الأرضَ   والأوتادَ.  سيّرها
وأكرمَ     الخلقَ    بالألبابِ    والبصرِ
واللهُ      يحفظنا    منْ    كلّ     طارقةٍ
فينا     وصوّرنا     في.  أحسنِ   الصّورِ
يزجي السّحابَ ليعطي الغيثَ في قدرٍ
فتنبتُ    الأرضُ    منْ   زرعٍ ومنْ.  ثمرِ
والطيرُ   تسبحُ    في.  الأجواءِ  سارحةً
ويرزقُ  الخلقَ   منْ  أنثى   ومنْ.   ذكرِ
وَرحمةُ        اللهِ    تشفي    كلّ     نازلةِ
ما كنت       تحسبها   تمضي   بلا   أثر ِِ
فربّ   أمنيةٍ.  قد.    كنت        تطلبها
محفوفةٌ      بشقاءِ    القلبِ.    والنظرِ
فلنْ    تنالَ.   سوى.  ما. اللهُ        كاتبهُ
وسوفَ    تحظى   بما.  ترجوهُ   فانتظرِ
لولا  المصائبُ   عاثَ   النّاسُ في ترفٍ
يربو الفسادُ   وتلقى  القلبَ   كالحجر ِِ
إنّ    المقدّرَ.    لنْ.    تغوي     وسائلهُ
مهما    حرصتَ فلنْ   تنجو منَ القدرِ
النّاسُ    تطمَعُ   في   مالٍ وفي   ترفٍ
وكلّ    شيءٍ.   فَمخلوقٌ.  على.    قدرِ
انْ   كنتَ    تملكُ.    ديناراً     ومنزلةً
يلتفّ حولكَ  منْ    حرٍ.   ومنْ.   دشرِ
وإنْ    بليتَ   وحلّتْ    فيكَ     ضائقةٌ
تفرّقوا.    ومضوا.   في.   لمحةِ البصرِ
لا تحسبنّ    صروفَ    الدّهرِ     خالدةً
فشيمةُ الدّهر ِ  في   حلٍ    وفي   سفرِ
لا تجرعنّ إذا  الأصحابُ    قدْ    غدروا
فتلكَ. ميّزة .  في        أنفسِ.    البشرِ
لا تبخلنّ        إذا.   ما كنت     مقتدراً
فالشّحّ من شيمِ      الأفّاقِ       والقذرِ
لا تخدعنّ.     اذا الدنيا لكَ  ابتسمتْ
فلتبقَ   منْ بسمة ٍ     الدّنيا على حذرِ
كنزُ    القناعةِ   يغني  القلبَ في فرحٍ
تبدو    الحياةُ.  كورد ٍ   عابقٍ.    عطرِ
ووصفةُ    الحبّ    والآمالُ    تكنفها
تشفيكَ  منْ  ألمٍ.  يربو  ومن. ضجرِ
مصطفى طاهر المعراوي
 

خمرة زمزم ..... للشاعر / محمد البنا

 

خمرة زمزم  
لساك بتحن لناس باعوا؟
لساك بتعوم في بحور الشِعر وهدفك يوم توصل ليهم!!
لساك بتسَكِّن أوجاعك بوعود من ناس ملهاش مِلَّه؟
ملعون الشِعر على متاعك،، لو سايقك لاصحاب العِلَّه
ملعون إحساسك لو خادعك.. أو صدَّق حد بيتسلَّىٰ ..
كان أولىٰ بقلبك حد غريب/ أعمى مابيشوفش الا ميزاتك
مش حد بياكُل فى ثمارك/ وبيمشي ف ليلَك ونهارَك
بيونِّس خيلُه بأشعارَك
وف أول سَد يقوم راجع /رغم انك مادِد أوتارَك ...
إستكفىٰ بـ فَنَّك م الرحله/ بعد أمّا اتقلبِت أفكارك ....
وإستغنىٰ ودفنَك في الوَحله/ يوم لما لقاك خل توازنك..
حباك؟؟..
حَبَّاك على إيه وانت بوزنك/ ماتجيبش الطَبَّه اللي تجيبها!!
حباك على إيه وانت بوزنك/ مش قد الطبه اللي ف إيدها!!
حباك على إيه وانت بتتمَسِّك في السايب
والماسكه ف إيدك ب تسيبها...
مع انها مَرجِع لعيوبك!!،،
بتّبِل الورقه وتشربها
بتقولك سهله وهعالجها
رغم انك واقِع من مجهول ...
شيفاك بعيونها انت طبيبها
والزحف معلم فيك بالطول ..
لساك بتحن لمين ياغريق وانت المنكَر
وفـ شَطَّك صَف بنات مسطول
،بيطوفوا مابينك ومابينك...
شاربين من عين "خمرِة زمزم"
والشِرك متبت في إيمانك..
ف إزاي بتأكد وبتجزم
إن انت بتعدِل في ميزانك/ وكفوفك عايمه على الفاضي...
بتحن لـضيف ساب أوطانك/ وفـ ـناس من طينَك، بتعادي!!
الخير بيقِل فـ أطيانَك
والشَق مسلِّم في التاني
والبغله العاميه العَرجانه!
الدود بقى ياكُل محصولها...
فا ازاي بتجدد مفعولها
من بعد ما شربِت أحزاني!!
لساك بتحن يا قلبي لمين
وأمين على سِحر بينحت وجعك على كيفُه
بتسيبه بيسرح فيك فدادين
رغم انك ماسك مجاديفُه..
أسطول الشِعر ومجازاتك
وقاموسك وانت بتوصفها
وبرغم صياغة "إبداعك"!!
مش راسيه مراكبك في رصيفها
ف ماتتصعبَنش وسيب قلمك
يتعايق بالحِبر براحته
يلعب بحروفها ويتملعن
ويرُد حياة اللي دبحته بسكينِة الوقت التَلمانَه
ويرد الروح في بنات حوا
من بعد ماصَبَحِت بير مسكون...
سمراءُ الَّلونِ تُغازلني
بـ الشِعرِ الحبشيِّ المفتون
والقلبُ لساحتِها يَنزِل
يُجاريها بقلمٍ مجنون
يَكتُب في حَضرتِها مثلاً
أكيالًا من حرفٍ صارِخ
وهِجاءً على ورقِ الزيّتون
إن جاءَ الوحيُ ليَمدَحُها!!
يرتكِبُ ذنوباً ويُصافِح
أبياتًا داخِلَ حَوذتُها
خَمرٌ ورِماحٌ وذخائِر
ويُخالِفُ مِحورَ قِصَّتَها
بشعائِرِ شاعِر وخسائِر
ويُغني القلمُ إستكباراً
أفكارٌ من شِعرٍ موزون...
فَ لرُبَّمَا يَشقىَ القَلمْ..
ولرُبَّما يَحيا الألمْ..
مِنْ إمتىٰ كَان اللي اتصدمْ..
بتبان جوارجُه من الهدوم..!!
لساك فقير رغم انحيازك وارتكازك ع القلم...
لساك فقير رغم المجاز اللي سَرح جوا الوتين....
لساك بتكتب شِعر في القلب الصنم.....!!
والرد ييجي لا يرضي عبد ولا رب دين....
يا وارِث مِن جدودَك لونهم القَمّحي اللِّي صاب وِشَّك
وقلبَك لـ ـبيَض الصافي اللي صَدَّق كُل مَن غَشَّك
ووارِث منهُم الساقيَه اللِّي دايرَه طيابَه في طيابَه
تشوفهم أهل ناتج ضِحكَه في وشوشهُم
ومتخَبِّي فـ بَطنِها ديابَه
ف ماتعومشِ فـ بحور الشعر وتجازِف في حِتَّه ساكِنها جِنيَّه
تسوق الشِعر وتسوقَك لجوف البَحر وَيّاها
وترجَع مـِ الغَريق عَطشان...
وتيجي تقول أنا فـ غابَه
وتكتِب شِعر في السَجَّان..
وماتحِنِّش لضيف هاجِر ومِش هايعود...
وماتجِنِّش جنون عَزفَك وَجع ع العود...
وماترِنِّش طبول المَدح علي كيفَك...
وتِعزف ناي حزين لجنود !!
،بتحرُس مُجتَمع "طيفَك"...
وبتحارب طوفان، "صيفَك"
بترقص تحت من، "سيفك"
وخايفه تدوس على ضِلَّك... !!
،كأنَّك ربنا المحمود/ وآيه شريفه م القرآن...
فامتحنِّش لـ ـكيد حَوَّا
لتاكلَك بالقَلَم وتعيد !!
خروج آدم من الجنة!! لْـ ـحَفيد وارِث شقىٰ الإنسان

موعود ... للشاعرة / سميرة محمودى

 

وقالت لى .... للشاعر / عبد الرحيم علي

 

وقالت لي
 
وقالت لي بلسان الصمت
ح تنساني
خلاص يابني النهار روّح
أنا عارفه ان عمرك يوم ما
تنساني
وعارفه قلبكوا حنيّن
بلون اخضر
بحنيّه تكفّي الكون
ف خليني في حياتكم قِبّلة
وادعولي
دعاكم بس يكفيني
ورحمة ربي فوق الكل.
بنظرة حزن مخلوطه بحنين
مكبوت
في وقت الموت
وردّيت  بس من غير صوت
وعهد الله ما ح انساكي
واعيش طول الزمان باكي
ومين ينسي الحنان والحب
وباب مفتوح لدعواكي
وجنّة تحت رجليكي
وحب الكون ما يكفيكي
يا ضِلّه في زمن حرّاق
ونسمة حب وردّيه
ودعوه وقت فجريه
بكل الحب مرويه
يا طاقة نور
وبدر يدور
وكون مليان بحنّيه
يا أمني لو خانوني الناس
وانت الأهل والحرّاس  
وقلمي أنت والكراس
وحبي وكل ما ليا
يا دم بيجري في عروقي
وريدي ويّا شرياني
يا شايله كل يوم همي
وبايعه الكل علشاني
ومين في الدنيا غير امي
يحس بنبض وجداني
وفجأة بنظرة فيها عتاب
مالك يا واد
اتفرد
اياك اشوف دمع في عينيك
شايفني لسّه صغيّره
أنا يابني دوبت من الشقا
تسعين سنه متشعلقه
في حبال تجر
وشربت من كأس السنين
علقم ومر
وكفايه اني مروّحه
وسايبه زرعة عمري
حلوه مزهزهه
اياك اشوف ليكم دموع
ده طريق وفات
ولا فيش رجوع
زفّوني بآيات الكتاب
وادعولي دعوة تسرني
يوم الحساب
امسح دموعك يا وله
أنا سايبه راجل
هي دي يابني اصول
المرجله
خليك جدع
اصلب في طولك
اوعي يحنيك الوجع
الكل رايح للتراب
ولا سيبت يوم من عمري
اتندم عليه
ولا عمري ح ابكي ع اللي
راح
اجمد بقي
أنا روحي واقفه معلّقه
مستنياك
تمسح دموعك يا وله
حتي في آخر دنيتك
جامده وعفيّه
طاب لما ماابكيش مين بقي
يبكي عليا
وانت اللي كنت مقوياني
في وقفتي
يا كسرتي
بشويش يا قبر عليها لما تضمها
وارحم هشاشة عضمها
خليك حنيّن ع البدن
حنيّها م الرأس للقدم
واوسع عليها بقدر حزني
ودعوتي
يارب شفّع فيها سيدنا النبي
ما اقدرش غير اني اقول
بعد الدعاء ليها ونزولى
م المدافن الحياه
يارب ندعوك النجاه
يارب ندعوك النجاه
نرجوكم الدعاء لأمي 

ما بلاش ......... للشاعر / سمير محمود

 

 
راح يلعب بيكِ ويتسلى
ويبص ف عينك يتملى
ويجيب لجنابك ف أدلة
ويقولك أجمل كلمات
.......
ويجيلك شايل ف هدايا
ويقولك نُلتِ ف رضايا
وبقيتِ فطاري وغدايا
ويكتر ليكِ البهارات !
......
وهيحلف ليكِ انه شاريكِ
وبإنه ما فكر غير فيكِ
ويقولك حاضر لُبيكِ
ويعدد ليكِ الميزات
......
وهيوصف قربك بالجنة
وبإنك أول مااتمنى
وبإن وجودك ليه مِنّة
وبإنك احلى البنات
.....
وهيعمل نفسه انه أباظة
وبإنك حتة الماظة
ويرش ف ريحته النفاذة
ويألف ليك ف روايات
.......
وهياخد نمرة تليفونك
ويقولك اني مجنونك
وبإني عمري ما هخونك
وبإنه عاشقك بالذات
.......
واول ماتوافقي بأفكاره
هتلاقي الجنة بقت ناره
ويكتر ليكِ ف اعذاره
ويغيب في سُكات!
......
وهيقفل ليكِ ف تليفونه
ويبان على أصله ومضمونه
وهيطلع ف الآخر نونو
وبإنه مهندس عِبارات
........
فبلاش ورا وهمك تتمشي
وف واحد تافه تتغشي
ولا حتى ف عقلك تتنشي
وتعيشي ف حيرة وأزمات !
 سميرمحمود

سجل يا تاريخ .............. للشاعر / وائل رشوان

 

سجل يا تاريخ
سجل يا تاريخ كل الصفحات
واكتب حوارات
واكتب عن جلد الروح للذات
او قصة واحد عاشها ومات
....
واشهد يا زمان علي روح  انسان
عايش ايام العمر  دموع
وان جاله الفرح ينام موجوع
 وان زاره الحزن يبات ف سكات
سجل تفاصيل وارسم لوحات
وانحت علي صخر الدنيا حروف
واكتب ب الدم حروف اسمي
وانقش علي جٍدر القبر بخوف
لتصحي الموتي بدون إذني
واعرف انا مين
...
انا واحد عاشها وماتها سنين
ولا عمره ف يوم شافها ف فرحه
انا واحد شافها عروسه بتموت
راح خَيط ف كفنها الطرحه
انا واحد بس من الأموات
والفارق بس بدون صرخه
اصرخ يا شعور
صحي الاحاسيس
صحي البركان الخامد فيك
واعمل من حممك ميت احساس
واكتب للناس ان انت ملاك من غير جناحين
عصفور بيطير علي شجرة خضَار
مش جنه ونار
والروح مش جذع من الشجره
ده الروح من امر قدير للروح
مش ملك يمين كل الشُعرا
سجل يا تاريخ
سجل يا تاريخ واحسب ب الثانيه ف انفاسي
واحسب ف دقيقه العمر سنين
واضرب ف اتنين واعمل ناسي
وانا هعمل نفسي انا مش شايفك
ولاشايف عكس لصورتي معاك  
ولا بر لشط.ولا مراسي
انا مش قاسي
ولا كنت ف يوم جبار وعنيد وعتادي انا بس ب احساسي
اضرب يا زمان
اضرب يا زمان واطرح من وجعي يدوب سطرين
وحروفهم سالب مضمونهم
اجمع من فرحي يدوب ساعتين
واعرف ايه ناتج محصولهم
واقسم الاتنين علي شكل كسور
ف معادله وجايز تربيعهم
تلقا البرهان علي شكل جواب
والناتج محصور ف وجعهم
والسهم مابينهم عدا وفات
علي حد و مات
علي واحد كان بيدون وجعه علي معادله
سجل يا تاريخ
كل الصفحات واكتب عن واحد ف مُبادله
بدل احساسه بموته سنين
غير من دمهُ علي زعلها
ولكنه ف يوم هيسبها حزين زي اللي بيبكي علي
وجعها
: :
وٌ آ ئ لَ..
          ر شُ
              وٌ  آ
                  نِ،،،

ارسميني ... للشاعرة / اسراء علي صابر

 

النفوس اتغيرت ... للشاعر / السيدابوقوره

 

حالف ....للشاعر / هاني نبيل الفحل

 

يا دنيا ... للشاعرة / فاطمة عوض سعد الدين

 

 يا دنيا  
قربت خلاص مسافاتي
يا دنيا متساويش
واقفة علي محطة سكاتي
وخلي اللي يهيص يهيص
أشتريتك بالغالي
وبعتني بالرخيص
كان نفسي يادنيا فيكي
علي قد ما اقدر أعيش
ايه ذنبي اني منك
وفيكي بحلم وأعيش
ايه ذنبي انى بحبك
ايه ذنبي متعرفيش
أنا عايشه وميتة فيكي
وكأني شئ ميساويش
وعلي قد مااقدر أديتك
وعمري مقول مافيش
وأللي أنحرمت منه
كان صعب مينحكيش
وضاعت أبتـسامتي
وأحلي أيام حياتي
وأحلامى وزكرياتي
ودي حقيقه وصعب فيكي
اللي يقوله وميدريش
قربت خلاص مسافاتي
يا دنيا متساويش
وأقفه علي محطة سكاتي
وخلي اللي يهيص يهيص
 
الشاعرة / فاطمة عوض سعد الدين

كرابيج حنين ... للشاعر / محمد أبو العبادي

 

 كرابيج حنين
 
رسمتلى جنة ع الهوا
صدقتها
حلفتلى ح تصون الغرام
صدقتها
واكمن قلبى حبها
عديت دروب المستحيل
وزرعت ف الليل النجوم
أتاريها عاشقة للضباب
وبألف حجة للغياب
تحدف على الإحساس غيوم
وطريقها شوك مليان جراح
بتوزع الليل ع الصباح
وتعيد حسابها ف كل يوم
ع الكل بالاشواق تدور
ماهو قلبها غاوى البحور
وف كل بحر تروح تعوم
كما حية بتبخ السموم
على اللى انكتبله يحبها
من طيبتى يوم صدقتها
ولقيتنى واقع ف الشرك
الفخ من يوم ما تنصب
من قبلى كام عاشق هلك
والدور عليا عشقتها
ف وقعت ف البير الغويط
وما كنتش اعرف قد إيه
جواها م الأسرار محيط
كان قلبى ف الأشواق عبيط
صب الغرام زى المطر
على أرض بور
كان أملى يبقى غرامها سور
أسند عليه باقى الحياة
واتغطى بالحلم الجميل
أتارينى جيت للمستحيل
وشربت من كاس الهوان
جرعة مرار
الحب زيف والجنة نار
ومابين دروب الانكسار
والانهيار
لسانى واقف بين بينين
فى شمالى ألف طريق وجع
وعذاب على إيدى اليمين
ونهار ما أعلنت انسحاب
حسيت بدق القلب صار
كرابيج .. حنين

الشاعر / محمد أبو العبادي

تايهه ... للشاعرة / صفاء الخواجة

 

اصحى لنفسك ... للشاعر / نبيل الورداني

 

رباعية ... للشاعر / مجدي فرج عامر

 

رباعية ......... للشاعر / نبيل الورداني

 

رباعيات ... شعر / د.عمر عبد الجواد عبد العزيز

 

أرجوك .... للشاعر / حسن الشوان

 

صباح الورد ......... للشاعر / محمد سعفان

 

همسة عتاب .... للشاعر / فرج السقا

 

نور ونار .... للشاعرة / نهلة غزالى

 

موال سداسى .... للشاعر / أيمن رضوان

 

أقول كلام .... للشاعرة / فكريه بن عيسى

 

دود فى مش .... للشاعرة / صفاء الخواجه

 

خديني ورجعينى .... للشاعر / حسن عمران

 

الصبح شقشق .... للشاعر / على شحاته سليم

 

شاى فى الخمسينه ........ للشاعرة / سماح خليفة

 

بحبك ليه ......للشاعرة / فيفي الجندي

 

على شط بحر الهوى ...... للشاعر / رضا ابوالغيط

 

على شط بحر الهوى

نزلت دموع ياما

وقلوب غواها الهوى

عايمة ف دوامة

مش لاقيه كاس الدوا

ولا لاقيه عوامة

ملعون ياصيد السمك

من غير معدية

تعدى قلب انشبك

فى نن بلطية

غاوى يصيد السمك

بس اللى صاد هى

وهى هى الحياة

عالمة وعلًَامة

على شط بحر الهوى

تاه الحبيب منى

وانا واللى قلبه انكوى

بنواسى ف الننى

واكمنى من غير دوا

والأهل ظالمنى

كلمت كل السمك

يبحث عن الغايب

ورميت بطرف الشبك

والحزن كان غالب

فوق شط بحر الأمل

يمكن أنول نايب

فسمعت خيط الشبك

م الفرحة بيغنى

أنت داري... للشاعر / محمد أبو اسلام

 

• أنـت_داري

  انـت داري بـاللـي بـيا

  ولا نـاوي عـالـبـعـاد

  والـحـنيـن اللـي فــ عـينيا

  كـل يـوم بـيـزيـد سـُهـاد

  لـيه مـعـذبـنـي بـخـصـامـك

  لـيـه غـيـابـك كـان عِـنـاد

  قـلـبي بـيـمـوت مـن قـساوتـك

  رغـم نـبـضـه ُ بـالـوداد

  نِـفـسـي تـضـحـك لـيـا تـانـي

  نِفـسـي تـرسـم الأمـانـي

  انـت لـيه عـلى قـلبـي جـانـي

  لـيه بـتـضـغـط عـالـزِنـاد

  يـا حـبيبـي يـا نـبـض روحـي

  يـا شـراعـي وشـَط بـوحـي

  يـا دوايـا مـن جـروحـي

  اللـي دايـماً في ازديـاد

  لـيه غـرامـك لـيـه شَـجـانـي

  لـيـه هـواك آسـي وأنـانـي

  هـشـكـي لـيـك ولّا لـزمـانـي

  هـجـر قـلـبـك اللـي زاد

  قـلـبي طِـيـر مجروح وصـارحـك

  شـاف خـصـامـك بـس سـامـحـك

  طـار وجـالـك قـال هـصالـحك

  لـو هـطـوف كـل الـبـلاد

  هـات ايـديـك تحـضـن ايـديـا

  هـات عـينـيـك تِـنـده عِـيـنـيـا

  مـهـمـا تِـبـعـد فـانـتٰ لـِيـا

  و الـقـدر كَـتـب الـمـيـعـاد

  و الـقـدر كَـتـب الـمـيـعـاد

  #محمد_أبو_إسلام

  
  

  
  

 

مواويل الفلاح الفصيح ... للشاعر / معوض حلمي

 

ده مش حرام ؟ .... للشاعر / د. محمد ضباشه

 

ده مش حرام ؟

محمد ضباشه

حاول تعيش من غير بكا

من غير أنين

وانفض همومك وان بدا

عصر المحن شايل سنين

ما تبل ريق صابه العطش

سامع صراخ الميتين

في، كل دار مالها نسب

عض النهار بطن الولاد

عقل الولاد ، حلم الولاد

حتى حيطان المعدمين

صارت ركام

ده مش حرام ؟

نمشي بلجام

نبلع سكوت ، نحضن فى موت

ندفن تابوت ووراه تابوت

قدام كراسي مأنتخين

في شرع مين

نفضل ننام وسط الزحام

بين الرخام

لا في علام ، لا فى وئام

لا فى سلام بين النفوس

حتى الكلام أصبح بكام !

ده مش حرام ؟

يا مؤمنين دقوا الجرس

ليه الأنام صابها الخرس

ما عاد حرس

يلمح بعينه دمعتين

نازلين على خدود الزمن

حارقين بنارهم شكوتي

يا دمعتي

شدي عليا ميت حرام

ده مش حرام ؟

لحظة غضب ، ملت تعب

نزلت عتب

شربت كلام صابه العطب

أين الإمام يلقي السلام

يعلن حرام زاد النصب

زاد الغضب

زاد الولاد أصبح هباء

ونقول تمام

ده مش حرام ؟

لا عاد حدانا ضل قوت

ونهار يفوت شد الحزام

لتروح بروحك فى الهوى

تلقى الهوى

مصمص عظامك زي حوت

يبلع بطون

يفتح جيوبك على المشاع

للي شاع ويا الجشع

وبدون نظام

ده مش حرام

 

غلاسة لذيذة ... تصميم الشاعر الفنان / أبومؤمن جوهر

 

كفايانا ........... للشاعرة / سناء البنا

 

كفايانا
بناقص . أي حد
يزود ....... جرحنا
كفينا عذاب بجد
مش قادره خلاص أنا
بتزود في الجروح
وفي كل مكان بروح
تغلبني الذكريات
ارجوك مبقاش في روح
انسي اللي فات وكان
وإني. حبيبة زمان
لسه هتعيش عشانك
أو تديلك أمان
تبعت كتير رسايل
غصب عني مردش
تتأسف. أو تحايل
بعمل اني مشفتش
عارف اني بحبك
وقلبي عليك .. حنين
بس صدقني جرحك
ما كانش حبيبي هين
بتحن تاني ليه؟
عايز ترجع لحضني؟
هيفيد يا حبيبي ايه؟
ما دمت بقيت تاعبني
أرجوك ابعد وانساني
بطل كلمة وحشاني
مبقاش في القلب تاني
مكان يساع هواك
هسيبك غصب عنى
ياأقرب ليا منى
هسيبك ياظالمنى
وهسيب قلبى معاك
للشاعرة / سناء البنا

الجار ...... للشاعر / محمد صادق ندا

 

وآآهين ... للشاعر / سميرمحمود

 

وآآهين
ع العمر الطالع بره الصف
والحلم الساكن اخر رف
والحزن الخاطف فرحنا خطف
والقصة البادية بنهاية!
وآآهين
على كل حبيب مطلعش حبيب
على كل حمّل اتحول ديب!
على شمس ف عز نهارنا تغيب
على عيب واتصنّف لمزايا
وآآهين
على فُرقة بتاخد منا الروح
على غدر يزود اي جروح
على جرح بقاله سنين مفتوح
على صورة اتحبست ف مراية
وآآهين
من ليل مايجيش من بعده نهار
من كل مكان بيشيل اسرار
من أي غياب ملهوش اعذار
من مدح اتحول لوشاية!
وآآهين
من أي وداع محناش قده
من كل بيبان لينا اتردوا
من ناس بدموعنا بيتوضوا
ويداروا الغل بضحكاية
وآآهين
من بكره الرافض مايجيش
من حلم اتحجّم في أفيش
بيموت والظاهر بيعيش
ولموته بيرفع 100 راية
وآآهين
م الامل الميت في مخاض
ومشاعر رخصت في مزاد
ورحيل من غير الاغراض
وجنين مولود من غير داية!
 

قلب أم ....... للشاعرة / حنان عيد

 

بين السماء والأرض ... للشاعر / السيد ابوقوره

 

غاوي شعر ....... للشاعر / حامد شريفه

 

 (( غاوي شعر ))
يللي انت غاوي الشعر
                  إكتب ومن  قلبك
إكتب لكل الناس
                   الناس دي بتحبك
خصوصا المهمومين
                 إكتب     وريحهم
فضفض بقا وقولهم
               طيب ....مجارحهم
انت الطبيب  والدوا
                   لازم.....تفرحهم
وكلامك..يريحهم
           يللي انت غاوي الشعر
إحكي عن الأحلام
           بس إوعى ترجع ورا
قول خطوتين  قدام
          ياللي انت غاوي الشعر
إعمل لنا   محامي
           برأ  سجين  الهوى
بعد ما كان إعدام
           (حامد شريفه ) 

هيا دنيا ......... للشاعر/ د. وهبه البوهى