مصر عظيمه
.......................................
مصر مش كلمه ومعديه
ولا تلت حروف فرديه
مصر كلمه ساكنه فيه
مصر جميلها وخيرها عليه
......................................
مصر هي اللي علمتني
أزاي أعيش معتز بنفسي
ورسمتلي وكمان عرفتني
أزاي أمشي رافع هامتي
..........................................
مصر مش كلمه ومعديه
تلت حروف بس عفيه
قلبها كبير مليان حنيه
ووقت الشده تلاقيها قويه
............................................
مصر عروسه ومتزوقه
بفضل رجالها متروقه
ولاحد يقدر يوقعها بشرنقه
لأنها قويه وأديها مطرقه
................................................
مصر مش كلمه قليله
ولا سطرين في كتاب
مصر حضارتها عايشه مجلجله
منقوش تاريخها علي الأبواب
...............................................
مصر مش بلد هفيه
وتاريخها يتكتب روايات
مصر دايما عايشه متقويه
مذكوره في كل الديانات
..............................................
مصر مسري وحضن الأنبياء
حباها الله بزيارة عيسي
وتزوج منها أبو الأنبياء
وكلم فيها ربه موسي
...................................................
بقلمي
شعبان الخضراوي
شاعر عاشق الأحزان
2021/4/4الأحد
ليست هناك تعليقات:
إرسال تعليق