أم الغلابة ......... الشاعر ابراهيم شيمر الجندى

 

قد سئمت الحياة حالى ........... بقلم وتصميم الشاعر ايهاب السقا

 

رمش العيون ........ الشاعر طه علي الدين

 

بنت حارتنا ......... الشاعر مجدى متولى إبراهيم

 

بنت حارتنا

**********

الحلوة من حارتنا

شغلت عيوني ببسمتها

راحه جايا في حتتنا

مال القلب لرقتها

واقف ساعات على بابنا

مستني جمال طلتها

حتى الشجر بيتمايل

من رقّة جمالِ مشيتها

أَنا وقلبي حيرتنا

راميه الضفاير تحت طَرحتها

آه يا بِنت حارتنا

فِي جمالَك زادت شَكوتنا

بقلم الأديب/ مجدى متولى إبراهيم

 

امرأة في دوامة / ق.ق ............... بقلم / صلاح منير

 

قصة قصيرة

بقلم: صلاح منير

امرأة في دوامة

في يوم شتوي شديد البرودة وفي تمام السادسة صباحا استيقظت "منى" تتمطى وتتثاءب وهي تفرك عينيها وتقاوم النعاس وتحاول أن تفيق, فكم كان الأمس يوما مجهدا, ثم أيقظت زوجها بعد عناء. وكان الجو شديد البرود وكانت تشعر بالدفء تحت الغطاء لكنها بعد دقائق من التردد تشجعت ورفعت الغطاء وذهبت الي غرفة صغارها الأربعة. وبالطبع كان من الصعب على صغارها ترك فراشهم الدافئ في أيام البرد القارص. لكنها قامت بايقاظ الصغار بعد محايلة وتدليل ولا غنى عن ارتفاع الصوت مقابل عنادهم. فلابد أن يستعدوا للذهاب الى مدارسهم وكالعادة

قالت لهم: ان لم تستيقظوا فلن تخرجوا في عطلة نهاية الأسبوع لأي مكان.

فرد الجميع: حاضر يا ماما .. لقد أستيقظنا

وبعد أن تأكدت من نهوض الأطفال جميعا من الفراش, ذهبت الي المطبخ وقامت باخراج الخبز من الثلاجة, وملأت الغلاية بالماء وضغطت مفتاح تشغيل الغلاية. ثم ذهبت الي الحمام وهي تنادي على أولادها وتطلب منهم الأستعداد للخروج, وبعد أن أغتسلت خرجت من الحمام الي المطبخ لتعد افطار الأسرة, ووضعت الأفطار مع أكواب الشاي بالحليب علي المائدة وهي تنادي كل بأسمه

قائلة: "الأفطار جاهز"

ثم ذهبت الي غرفة الأولاد لتساعد طفليها الصغيرين في ارتداء ملابسهم. ثم خرج الزوج مرتديا ملابسه وجلس مع الأطفال لتناول الأفطار, وذهبت هي لتكون أخر فرد في الأسرة يرتدي ملابس الخروج وبعد أن ارتدت ملابسها خرجت من غرفتها لترتشف رشفة من الشاي وتأخذ "ساندوتش" بيدها فالوقت قد قذف وليس هناك فسحة أمامها للجلوس وتناول الأفطار كباقي أفراد الأسرة.

أستعدادا للنزول حمل كل طفل حقيبة كتبه ثم نزل الجميع الي الشارع واتجهوا سيرا على الأقدام الى الشارع الرئيسي حيث ودعها زوجها وتوجه الى عمله.

على قارعة الطريق وقفت وصغارها في انتظار عربة "ميكروباص" لتقلهم الي المدارس, وبعد عناء ركبت وصغارها العربة التي أقلتهم الى منطقة المدارس حيث قامت بايصال كل طفل الي مدرسته واطمئنت على دخوله المدرسة. وبعد أن انتهت من توصيل أخر طفلة الى مدرستها وقفت تنتظر عربة أخرى لتقلها الى عملها, وبعد طول انتظار استقلت عربة أوصلتها الى العمل, ولم تسلم من تحرش بعض ضعاف النفوس طوال تلك الرحلة. وقد وصلت الى العمل وكانت على مكتبها بعد موعدها بدقائق قليلة فلم تسلم من بعض التأنيب من رئيستها في العمل فاعتذرت لها عن التأخير وشرحت لها الموقف. فردت عليها رئيستها بصلف قائلة:

لا أريد منك أن تقصي عليا ما أسمعه منك كل يوم ولابد من الألتزام بمواعيد العمل.

كان يوم عمل مرهق ككل الأيام فهي تعمل موثقة بالشهر العقاري. وقد انتهى يوم العمل في الثانية ظهرا وغادرت مقر عملها وأستقلت عربة "ميكروباص" تقلها الى مكان سكنها وعندما وصلت السيارة الى منطقة سكنها نزلت, وكالعادة أخذت رحلة قصيرة على قدميها حتى تصل الى المنزل وأثناء السير قامت بالتسوق وشراء مستلزمات اليوم لأسرتها وأيضا لم تسلم من تحرش بعض الرجال من كلاب الشوارع في طريقها الى المنزل.

وصلت منى الى شقتها في الطابق الرابع وهى مرهقة, ودخلت مباشرة الى المطبخ دون خلع ملابسها لتجهيز طعام الغداء, فقامت بغسيل آواني وجبة الأفطار, وبدأت في اعداد طعام الغداء.

انقضى من الوقت ساعة ونصف, وحان موعد خروج الأطفال من المدارس فهرولت الى الشارع مرة ثانية, ووقفت على قارعة الطريق لتستقل عربة توصلها الى منطقة المدارس ولم تسلم من التحرش في "الميكروباص" أو حتى في الطريق وعندما وصلت الى منطقة المدارس نزلت من العربة وجمعت أطفالها الأربعة من مدارسهم وهي سعيدة بهم وهم سعداء بها وأنتظر الجميع على قارعة الطريق للحصول على أماكن في عربة تقلهم للمنزل, ولأن الجو شديد البرودة والأمطار غزيزة وقفت بهم تحت شرفة أحد المباني لكن الأمطار غزيزة جدا حتى أنها كانت تصل اليهم فأخذت تخبئ صغارها في طيات معطفها لتحميهم من الأمطار, وبعد فترة طويلة من الأنتظار وصلت عربة بها أماكن لها ولأطفالها, وأستقلت وصغارها العربة لتأخذهم في الرحلة اليومية الي الحي الذي يقطنون به. وأثناء الرحلة من منطقة المدارس الى المنزل أخذت تستفسر من أولادها عما حدث معهم في اليوم الدراسي وتعرف منهم ما عليهم من الواجبات المدرسية الواجب انهاؤها بالمنزل.

وصل "الميكروباص" الي الشارع الرئيسي بالحي الذي يقطنون به ونزلت وأطفالها من العربة وساروا جميعا على أقدامهم في الطريق الى منزلهم ولم تسلم طوال الطريق من تحرش بعض الذئاب حتى أن الفاظهم السيئة كانت تصل الى مسامع صغارها.

وفي لحظة خاطفة ودون سابق انذار انفك أصغر أطفالها عن يدها وجرى في الشارع فصدمه شاب بدراجة نارية فسقط الطفل على الأرض, وهرب الشاب مسرعا بدراجته. فتصرخ الأم وهي ترى طفلها يبكي بشدة وتحمل صغيرها وهي ترتعد من الخوف وتهرع به وبيدها أطفالها الأخرين الى العيادة الموجودة بالحي.

قام الطبيب بالكشف على الصغير وبفحص جسده لم يجد الا بعض الجروح والكدمات نتيجة الأرتطام بالأرض, وبعد أن ضمد الطبيب الجراح بالمطهرات والشاش قال لها: يجب أن تذهبي به غدا الى المستشفى لعمل أشعة للتأكد من عدم وجود كسور داخلية أو أي شئ داخلي غير ظاهر. ثم خرجت حاملة الطفل ماسكة بأخوته بيدها الأخرى وهي تتمتم

قائلة: "يارب أستر يارب"

عادت بأطفالها الى المنزل, وصعد الجميع السلم وهي تحمل صغيرها المصاب حتى وصلوا الى شقتهم في الطابق الرابع, فطلبت من الطفلين الكبيرين تغير ملابسهم وقامت هى بتغيير ملابس الطفلين الصغيرين,ثم ذهبت الى المطبخ لتكمل اعداد طعام الغداء, وعند وصول زوجها عائد من عمله استقبلته, ثم دخلت وراءه غرفة النوم وقصت عليه وهي ترتعش ما حدث لصغيرهما فقام بتأنيبها بصوت عال واتهمها بالأهمال

قائلا: كيف تكوني مهملة الى هذا الحد؟ يجب عليك القيام بمسؤليتك والأنتباه لصغارنا أكثر من ذلك.

فما كان منها الا أن أنسحبت في هدوء وعادت الى المطبخ وقامت بتحضير الطعام وهي تبكي, ثم قامت بتحضير مائدة الغداء ودعت الجميع للجلوس على مائدة الطعام لتناول الغداء وجلست وهي تداري دموعها عن صغارها, ولم تسلم رأسها من الصخب الذي يحدثه صغارها مع بعضهم البعض أثناء تناول الطعام, وبعد أن انتهى الجميع من تناول الغداء قامت برفع الأواني من على المائدة واتجهت الى المطبخ وقامت بغسل الأواني وهي تبكي, ثم قامت باعداد فنجان من القهوة لزوجها وقدمته له.

وفي تمام الرابعة والنصف جاء موعد ذهابها لعملها للفترة الثانية فقامت بتوديع الزوج وهي تشعر بالقهر , ثم قبلت أطفالها وخرجت لتعيد رحلة الذهاب الى مقر عملها. ولم تسلم في الطريق من خفافيش التحرش.

في تمام الخامسة وصلت الى مكتبها, وبعد ساعتين من العمل المرهق وفي تمام السابعة مساء غادرت مقر عملها لتعيد رحلة العودة الى منزلها. ولم تسلم أيضا في رحلة العودة من تحرش نعاج الرجال. ثم صعدت السلم الى شقتها في الطابق الرابع وهي منهكة, وفتحت باب الشقة وأستقبلها أطفالها بفرحة عارمة أدخلت عليها السرور وخففت من شعورها بالتعب وعناء اليوم. ثم طلبت من زوجها أن يذهبا معا بصغيرهما لعمل أشعة له فأجاب بالموافقة بامتعاض واصتحبها بالطفل الى المستشفي. وظل الزوج يؤنبها طوال الطريق ويلومها على ما حدث للطفل وهي تتوسل اليه

قائلة: كفا أرحمني فيكفيني تألمي لما حدث لأبني.

لكنه لم يأبه لما تقول وأستمر في تأنيبه لها حتى في المستشفى لم تسلم من تعقيباته المؤلمة.

حتى بعد أن اطمأنا على الصغير لم يتوقف الزوج في طريق العودة عن لهجة التأنيب, وحين وصلا الى شقتيهما دخلت منى غرفتها وقامت بتغير ملابسها وخرجت فجمعت أطفالها على المائدة لتراجع معهم واجباتهم المدرسية وتطمئن على حالتهم الدراسية, وبعد أن أنهت المراجعة مع أطفالها دخلت الي المطبخ لتعد لأسرتها وجبة العشاء, ثم قامت باعداد المائدة ودعت الجميع لتناول العشاء. وبعد تناول العشاء كالمعتاد وسط صخب الصغار الذي لا ينتهي, قامت بعدها لتعد لصغارها حقائب الكتب لليوم التالي, ثم بذلت جهد كبير كالعادة لتقنعهم بالخلود الى النوم حتى يستطيعوا الاستيقاذ مبكرا في اليوم الدراسي التالي, ولم تتركهم حتى اطمأنت أنهم قد غطوا في النوم, ثم ذهبت الى غرفة الطعام لرفع آواني العشاء ودخلت المطبخ وقامت بغسيل الآواني, ثم قامت باخراج الملابس من غسالة الملابس وقامت بنشرها على حبل الغسيل في شرفة المنزل.

عادت منى بعد ذلك الى الداخل ورفعت سماعة الهاتف وأتصلت بمنزل العائلة لتطمئن على والدتها المسنة فردت عليها أختها الصغيرة الغير متزوجة والمقيمة مع والدتها وقامت بمعاتبتها بشدة وقالت لها: لما لا تأتي لتري والدتك بنفسك, فلم نري وجهك منذ يوم الجمعة الماضي.

فشرحت لها مدى انشغالها وقصت عليها ما حدث لطفلها الصغير.

وقالت منى : يجب أن تعذروني.

لكن أختها الصغرى لم تأبه بكلامها وأسترسلت في توبيخها – فما كان منها الا أن تحملت اساءتها.

وقالت لها: أريد أن أكلم أمي, وبعد أن اطمأنت على والدتها قامت بأخذ حمام دافئ يزيل بعض ارهاق اليوم, ثم دخلت غرفة النوم فوجدت زوجها يغط في النوم فحمدت الله على ذلك, وألقت بجسدها على الفراش وهي تأن من الانهاك وتشعر بغصة من تأنيب الزوج الدائم لها وحديث أختها الصغرى وكان جسدها منهك من هموم اليوم ورأسها مثقلة بالتفكير في هموم الغد الذي لن يختلف عن اليوم وستتكرر فيه نفس الهموم التي تعيشها على مدار الأيام. وهى صابرة لأجل أسرتها, وتقول محدثة نفسها : متي ستنتهي تلك الدوامة؟.

تمت

بقلم

صلاح منير

 

منيش قايل بحبك موت ............ الشاعر رضا أبو الغيط

 

منيش قايل بحبك موت
ولا قايم بدور مبسوط
مادام مش راضية تهدينى
لطريق الموت
منيش مبسوط
ونور الصبح مش شايفك
 من الشباك
منيش مبسوط
وعطر الزهر مش لاقي
ف حضنى ملاك
ولا سمع صدى صوتك
بيتردد هنا وهناك
منيش مبسوط
وانا شايفك ف حضن تابوت

منيش قايم بدور أيوب
ولو شارب بحور الصبر
ولا قايم بدور مجذوب
ولو بيني وبينك قبر
وكيف قلبي يعيش مرتاح
وروح روحي غواها الموت
تفوتني وحيد وبتعذب
بمليون سوط
لمين تاني هقول روحى
واداوى بفرحها جروحي
لمين تاني هجيب نايتي
وأجيب بسكوت
واهز عشانها بضلوعي
 فروع التوت
وادعي لها
 تكون أول بنات حوا
اللى تكتب لي بحبك موت

منيش قايل بحبك موت
ما دام مش راضية تهديني
لطريق الموت
ولا قايم بدور مبسوط
مادام سيبتينى للدنيا
ف نص الشوط

***********

رضا أبو الغيط

 

بالى خالى .......... الشاعرة نسمة الصباح

 

بالى خالى

أنا كنت ماشيه فى حالى

حلوة وهاديه وبالى خالى

عدى اوصادى شاغلى بالى

واقول ياعينى نمشى

تقولى استنى شويه

احترت واحتار دليلى

ادينى مستنيه اسمع

كلام قلبى وكلام عنيه

وقلبى قال أستنى

بردو شويه........

واستمر الحوار لما

جه وسلم عليا

رديت السلام وانا

فرحانه ومستحيه

وأتسمرت قدمى

وعينه جت فى عينيا

وحسيت بفرحة جواي

مش عاديه.........

قولت اسمع كلام قلبى

واعيش الفرحة شويه

نسمه الصباح

 

يا حب .......... الشاعر السيد محمد أبوطاحون

 

يؤلمني ....... الفنانة فيفي الجندي

 

مش مهم ........... الشاعر محمد واصل

 

مش مهم مين فينا كان غلطان

ومين فتح بابه لخطوة الأحزان

ومين إبتدىٰ بالقسوة

والهجر والحرمان

مش مهم السبب كان إيه

المهم القلب مايباتشي والدموع حواليه

المهم الرجوع إزاي

والحنان يكون الرد

مين يقدر يكون نسّاي

ينسى الزعل والعند

انا وانتي مش أنبيا ولا شياطين أشقيا

مش معصومين يعني ولاحتى م الاوليا

يعني السماح لله

يتوب على اللي يتوب

الصبر طوق ونجاه

وصبرك ماهوش أيوب

وإن كان البُعد أمر

ف أمره ماهوش طاعة

مش شرط ناخد بيه

ونعمل له شماعة

المهم نتعلم وبزيادة كمان حصة

وعشان مانتألم انا طالب كمان فرصة

ماهيش نهاية الدنيا ولا أم المرات

المرة دي فرصة محتاج لها بالذات

إثبات ليكي وليّٰ

إثبات لحسن النية

مافيناش واحد إتقتل

ولا حد دفع دية

انا شايل السماح كفن

مادد بالرضا إيديا

وان كان علي غلطك انا ياستي مسامح

ياريت بقي تسامحيني لو كنت انا جارح

تعالي نعاتب بالشوق

جناحنا ف براح احضان

طاير حنيني فوق

وانت لقاكي أغصان

 

 

حب الوطن ...... الشاعر د. سمير خليل

 

راحت علينا ........ الشاعر حامد شريفه

 

((رآحت علينا))

 

سالت مدرس جغرافيا

قلتله وحياتك بلا أفيه

عندي سؤالين!!

سؤالي الأول عن حالي

قوم هاتلي خريطه وتعالالي

وسألته سؤالي الإجباري

شوفلي أنا حظي موجود فين؟

شاور على قاره إسمها أسيا

كانت مش لاقيه لكن ناسيه

قال حظك ساكن فى البحرين

لو رحت الدوحه ح تريش

وحتملا القفه للودنين

لو رحت إعاره بتاع سنتين

من كتر م قالي وهنآني

نساني أنا سؤالي التاني

ولاقتني قاعد متحير

ما هو حظي فاتني وانا صغير

دلوقت...... داخل ع الستين

طب بس الحظ أجيبه منين

(حامد شريفه )

 

يا قلبى سامحه ..... الشاعر حسن السحماوي

 

السلام والحب ...... الشاعرة انهار سلسبيل

 

((((((السلام والحب))))))

نتوه بالحياة والوقت يجري

مغلوب الانسان والعمر يهوي

الصدق جميل لحب يسري

على اللسنة من عشق يذوي

عانقني الهوى بلحظة ارداني

كريشة طرت بالسماء وحدي

حائرة خائفة بما جرى لي

هدئت ليدا حانية تلامسني

شعرت بالأمان وانفاسه تدفئني

خفق قلبي وغبت عن الوعي

حين بعمق حنانه عانقني

أيها السلام ليتك تعم لتضمني

لتكن الفرحه والأمن لوطني

كما الحب بحنانه اسعدني

فليكن السلام من يظللني

بفرحة النصر نسعد ونغني

فأقول سلاماً لماضي

قاهر أرقني

بقلم... انهار سلسبيل

 

صباح الخير

 

قل للمليحة .....الشاعر أبو مؤمن جوهر

 

وعجبي ...... الشاعر ابراهيم شيمر الجندي

 

أيام ........ الشاعر عبدالمنعم عدلى

 

أيام

 

أيام وراحت

تحت الأقدام

وفضلنا زى

مااحنا خدام

مرت سنين وأيام

وإحنا فى

الجب الملعون

لا نافع سؤال

ولا شافع أعمال

النظرة هى النظرة

وكأننا جربة

فى سورة إنسان

العمل هو العمل

والشكر بالحذاء

شغال على الفقير

ليه يا ناس جرح

طبيعة الناس

عملنا فيكم إيه

مين قال إن

ده كلام غاليين

ده كلام فى

الأصل شبع

بعد جوع

العرق دساس

ولو فى أخر الأجيال

أصيل ولا يطلب

من عويل

حب المال

وإكرهوا الناس

وخليكوا ويا

الفقر القديم

ما هو ماشى

جوه الشرايين

بقلمى عبدالمنعم عدلى

 

العتاب ......... الشاعر طه حنفي

 

اوعي تعاتب كل الناس

ما تعاتب غير قلب الماس

أصل الناس أخلاط أجناس

ما تعاتب غير اللي شاريك

اللي يشوفك يفرح بيك

ياخد من عمره ويديك

من حبه ووقته بإحساس

ما تعاتب غير صاحب صاحبه

تغيب الدنيا لو غاب صاحبه

حد أصيل تتمني تصاحبه

ومعاه بتحس بإخلاص

واوعي تعاتب كل الناس

تحياتي

همسات طه حنفي

 

القلوب لما تِلِين ........... الشاعر سيف عثمان

  

القلوب لما تِلِين
والمحبه تكون دوا
نقسم اللقمه سوا
واللقا بشوق وحنين
القلوب لما تِلِين
......
تختفي الدمعه الحزينه
كله يركب في السفينه
راح نراضي المعدومين
القلوب لما تِلِين
....
كلنا راح نبقي واحد
ربنا شايف وشاهد
الغلابه ال فرحانين
القلوب لما تِلِين
......
مفيش فقير هيبات جعان
نعيش سوا ف بر الامان
وربنا هو المعين
القلوب لما تِلِين
.....
إيد ف إيد نبني بلدنا
كنيسه جامع نبني مادنا
وإتحادنا يبقي دين
القلوب لما تِلِين
.......
مينا يبقي خَيُّه فارس
كله ينجح في المدارس
دول شباب متعلمين
القلوب لما تِلِين
.....
جيشنا واولادنا الأُسود
اصاله من جِد الجُدُود
ع الحدود دول سهرانين
القلوب لما تلين
.......
شرطه وأولادنا البواسل
دول حمايه ف كل فاصل
ع الأمان حالفين يمين
القلوب لما تِلِين
.....
والتحيه للقضاه
يحكموا بعدل الاله
يمسحو دمع الحزين
القلوب لما تِلِين
.....
عمي عمك ويا خالي
قلبنا م الحقد خالي
والحب نعمل له كمين
القلوب لما تِلِين
.....
والسلام هيعم فينا
راحه وتعم السكينه
ونرضي رب العالمين
القلوب لما تِلِين
.....
اللهم ارزقنا لين القلب
.....
الشاعر سيف عثمان
Saif Faruk Osman

(( النخلة )) ...... الشاعر عزت عبد العال

 

(( النخلة )) 

الخير والعطاء الدائم 

يا طالع النخله          ..  وش الوطن أحلا
بوس لي خدود الزين  .. والرمش والكحله
عاشقك يا مصريه.    .. والحب دا غيّه
وحضنك الدلفي        .. انا اللي بيه أولي
............
يا طالع النخله.        .. سلم لي عالنحله
وخد معاك ورده.     .. طعم العسل يحلا
ويالا هيلا هيلا       .. عالكوبري توصيله
وعالكتاف شيله      .. نعدلها لو مايله
................
يا طالع النخله       .. تكمّل الشّغله
خللي البنا يعلا      .. الرحله مش سهله
عايزه عرق صبّاب .. وحب م الاصحاب
وزي ماهي قايله.   .. بلدك يا واد هايله
...............
ياطالع النخله.     ..  بالناي وبالطبله
ومصر عالموال  ..  معزومه في الحفله
مصر الهرم والنيل .. والميّه السلسبيل
والشمس دفايه      .. وحبيبتك الضلّه 

......
  اشعار / عزت عبد العال .. طنطا 

قلبي بيبكي ........... الشاعر احمد علي السبكي

 

(قلبي بيبكي)

قلبي بيبكي دم

من كتر شيل الهم

شايف العرب

نايمين

سايبين ولاد العم

جوه السجون

عايشين

أطفالنا في

فلسطين

والحال دا يرضي

مين

انا عقلي والله

اختل

ايه ياعرب جرا

إيه

آخر سكوتكم إيه

باين مفيش بقي

دم

قلولي خوفكم ليه

والجبن كله دا ليه

قوموا وزيحوا الهم

اطفال صغار

وضعاف

قلبي عليهم خاف

اصحوا يا ولد العم

ليه تفضلوا

ساكتين

والدمع مالي العين

عايزين نقوم نتلم

لو يوم شافونا

اخوات

ومفيش ما بينا

شتات

الكل منا يخاف

علي طول يزول

الغم

(احمد علي السبكي )مصر

 

ياللى اشتريتك ........ الشاعر أحمد شمتان

 

مساء الخير

 

مناجاة ....... الشاعر غريب الشعراوى

 

 مناجاة

سمعت ناي بيقول

ما احلاك حمام الدوح

قلب الحسود مقفول

باب الكريم مفتوح

 

وسمعت صوت م السما

نازل من الملكوت

حامل معاه أوسمه

نخيل و شجرة توت

 

ف جريت اشوف النور

لقيته قدامي

وقضلت الف و ادور

واسعي له بأقدامي

 

و في الطواف لبيت

و دعيت بأجمل قول

و بكيت في باب البيت

و رجعت انا موصول

 

موصول بنور النبي

مغسول من الزلات

حضنت نور مذهبي

سيدنا الحبيب بالذات

 

انا عبد ليك مشتاق

يارب و انت النور

افوز في كل سباق

و اوصل لبيت معمور

 

معمور بنور رحمتك

واعيش هناك مسرور

و اشوف جمال منحتك

سيدنا الحبيب النور

 

خليني بيك موصول

في الدنيا و الاخره

وان كنت ابن أصول

و اصولي م الفاخره

 

خليني ابكي الليل

علي كل تقصيري

واخاف عذاب الويل

ليبقي دا مصيري

 

مناجاة

بقلم العبد الفقير إلي الله

السندباد الطائر غريب الشعراوى 

جمعة طيبة مباركة

 

وعجبى ........ بقلم / كمال العطيوى

 

وعجبي ............ الشاعر طه علي الدين

 

يوم الخميس ......... الشاعر يحيى إبراهيم

 

يوم الخميس قبل السحور يافكيهه

قامت خناقه ويا مراتي نزيهه

البت قالبه لي ياناس سحنتها

وتقول اهي بانت اهه لبتها

انا اللي ما ناس ياناس بخيبتها.

قلت لها ايه بس اللي حصل وقوليلي

قالت ده كحك العيد

منه لابد ولازم

وغريبه بندق كمان اه ولازم

بيتي فور لصحن فطوري يلازم

ولا انت عاوز بين النسا تفضحني

وادور ما بينهم يامراري بصحني

ومرات ابويا كل يوم تنصحني

قصقصي طيرك تبقي متهنيه

اتاري جوزي طلع بحظي بليه

بين النسا انا وحدي متاذيه

كنت صبيه بدار ابويا عفيه

مستخسر الكحكات وايه اعمل له

صوابعي شمع وكل يوم اعمل له

هو وعياله وقلبي ياما يميل له

قلت يابنتي دي العيال عريانه

بالهدمه تبقي في السرير دفيانه

ولحاف يلم نتغطي بيه اه يانا

طلعت بره سبت نزيهه تهاتي

ابليس ووسوس اصله شبه حماتي

باعت لحافنا وبرد طوبه وتشتي

اه ياعضامي يانزيهه ياخيبتي

قالت لي قوم انا بردانه

قلت هاتي الكحك يلا معانا

بالكحك قوم يااختي اتغطي

صرخت وقالت يامراري وخيبتي

ما فيش نسا داقت ياخويا خيبتي

اتغطي بالكحك قوام يامراتي

وهاتي كحك الماما يعني حماتي

 

صدقينى ..... الشاعر ممدوح عرابي

 

ياللى سألت الودع ..... الشاعر السيد خطاب

 

البنت زان حسنها ........ ﺍﻟﺸﺎﻋﺮ ﺍﻟﻤﺘﻤﺮﺩ الهواره / عاطف كمال

 

الحب ليه اختفى ...... الشاعر سمير محمود

 

أفكار ...... الشاعر عبد الرحيم علي Abdelrahimaly

 

أفـكـــــــــــار

 

أول ما ابدي واقول واعيد

وابوس الإيد

خلقنا رب الكل عبيد

مااحناش للبيع

يا رب ياللي خلقت الناس

الوان واجناس

نفسي اقول بس انا حساس

من خوفي ل اضيع

فيه اللي صادق وانا قاري

مش متداري

وفيه حويط برده قراري

وفيه السمّيع

وفيه ابو نفخه وهيبه

ولولاها عيبه

لقلت ع الدنيا زريبه

والكل قطيع

وفيه ابو القلب الطيب

دمعه قرّيب

والرب عمره ما بيسيّب

والظلم فظيع

وفيه ناسات دايما عوجه

غاويه الهوجه

خيبة ابوهم منسوجه

بخيوط لمّيع

وفيه كتير اسم الّله عليه

النبي خلّيه

دلّوعة امه النبي ترقيه

عند ام ربيع

وفيه ناسات بارده وقارحه

بوشوش كالحه

بسيرة الناس اهي سارحه

تشتري وتبيع

يا رب انت اللي خالقنا

واللي رازقنا

بادعيك يا رب ما تحوجنا

ابدا لوضيع

والكل عارف وانا عارف

الموت جارف

لا مخلي أهل ولا معارف

ولا اي وديع

كلامي طبعا شئ مفهوم

ويا عيب الشوم

لو كان كلامي كمان دقشوم

انا مش للبيع

عبد الرحيم علي