أيام الخير
أجمل أيام اللمة
ردا على قصيدة البارع
الشاعر الغنائي
ابراهيم دعبس
#####
أيوة ستي كات جميلة
هي ستك
زي ستي
تنتمي لنفس الفصيلة
عيلة معروفة وأصيلة
والبنات فيها رجولة
يقدروا على كل أزمة
يسهلوها بكل حيلة
أيوة ستك زي ستي
كنا لما نعوذ نخطي
عند بيت بيسعد و يهدي
نلقى نفسنا جوة بيتها
نلقى قلب كبير حنين
والحكم إللي ف كلامها
ولا نومة دافية حلوة
وانت متغطي وهاني
باللحاف إللي في سريرها
ايوة ستك زي ستي
بعد أمي
الزمن ماجبش غيرها
..........................
اصل ستي كت معايا
حضن ومخدة ومرايا
كنت لما اجوع اشوفها
من حنانها بنسي جوعي
نص حرف وكلمة منها
بنس آلامي ووجوعي
واما أغلط مرة واحدة
كت تاخدني
واحدة واحدة
بعدها ارجع لروحي
والغلط ينسى سمايا
هي ستي عمري مانسى
وقفة واحدة
من مواقفها معايا
بقلمي
أ مشيرة النقيب
ليست هناك تعليقات:
إرسال تعليق