ساعات فرح ( 87 )
....................
قول له
يا ليل الهنا
ليه قلبه بايت عندينا
من يوم ما سكنوا جنبنا
وعيونه سارحه يامنا
شاغل لي باللنا وقلبنا
مشتاق له ييجي عندنا ..
ملهوف عليه ..
من نظرة حن ورق له
وإحساسي لسه في أوله
باين عليهم عزلوا
وجوانا سكنوا ومددوا
الود بينا وعودوا
نستنى فرحه طلته
وعيون بترسم بسمته
بورود حنان ...
وصحيت في يوم
على صوت فرح
جوايا إحساس هتجرح
قالوللي عقبال فرحتك
ونجيك نهني بنصفتك
دمعت عيوني ما أعرفش ليه
كان حلم قاسي وصحيت عليه
وأنا فين أنا
أيه فيا أنا
إحساسه فين من كل ده
ما وصله شوقي ولا حن ليه
إزاي قريتها فى لون عينيه
هيكون هنايا وقلبي فيه
غلطه عيوني ما قريتش صح
والوهم خدني لساعات فرح
احلم وأحب وأنجرح
وإحساسي تاه ولا عاد رجع
وهقضي ليلي مهما يكون
في ساعات حزن
وساعات فرح
بقلم .. صبري رسلان
ليست هناك تعليقات:
إرسال تعليق