الجزء السابع من قصة مين اللى باع ....... بقلم / خالد المنصورى

الجزء السابع

شقاوة حبيبي

وكنت بتمنى انها تعلمنى من شقاوتها

شقاوة حبيبى اللى كنت بعد البعد ليها أقرب

أنا أصلى خايف انا من البعد تعالى قوى قرب

دا حتى لو غبت انا يقوللى ياحبيبى فينك هنا قرب وبلاش بعيد عنى بعيد عنى بلاش تهرب وقرب

هتلاقى نبض قلبى بيذيد قوى. قوى لما تقرب

لو مش مصدق انى بحبك تعالى هنا كدا وانت تعرف بس قرب علشان كد بلاش البُعد أخاف منه هنا قرب

أقولها انتى اشقى ما عرفته من كتر انا ماكنت بقرب

واخاف من ليالى البعد لما بتغيب وتسهر بعيد ولا تقرب وأنا نجمك ولا حبش ظهورى غير بس لو لقيتك بتقرب تسألنى وايه رايك فى شقاوتى لما كنت بتقرب؟

الناس كانت بتشاورلما تنده عليا وتجرى ورايه علشان اقرب

أقولها حقيقه كنت اخاف منها اكتر من ماكنت بقرب ياحبيبى شقاوتك خفة دم زايده تخلينى اخاف منك أقرب وأنا عارف انك مكوى بنار البعد ونفسك انى منك أقرب

المهم كان بعد الضحكه نمشى ودا على امل اللقاء فى يوم تانى

لكن عايزك تغير جنونك وشقاوتك انا مش ههرب منك وهقرب ورغم كدا كنت بتمنى ساعات يازمن كل ماتبعد اشوفها تانى علشان الايام ماتغدرشى حاكم غدرها بيحصل وف ثوانى

فى عماره كانت بتاخد فيها درس ودى تلاقيها ع الطريق وانا راجع لبيتنا مكانى

لكن قبل مانمشى اشوف شقاوتها واللى اتعود عليها خلاص وجدانى وبرغم الشقاوه والجنون رغمهم كانت سحرانى وكانت ظروف مكان دراستى شويه كانت عنها بعدانى كنت برجع متأخر ولازم لما افوت تكون شيفانى

وهى اذاى تورينى نفسها كانت تعمل الحاجات اللى مجننانى

تقف مع البنات فوق على السطح وعنيها على الطريق ولا تغمضهاش ثوانى وساعة لما اكون انا راجع مافيش غير الطريق ده طريق تانى اكون انا تحت وهى فوق ولا اخدش انا بالى من طيف اللى شغلانى واقول معقوله دى واحده عاقله معقوله دى اللى عاشقها وجدانى

قولت يانهار ابيض! الصفاره طلعت منك؟ انتى اللى مبرجلانى؟

كنت ف كل يوم وانا فايت الاقى صفاره وعلى نفس النغمه اسمعها اتعودت عليها ودانى فى يوم قولت لا انا عايز اعرف دى اشاره ليا ولا لحد تانى وقفت وقولت ابص؟ لقيتها هى اللى بتصفر من على العماره وبتشاور ب إديها اللى حبانى بتمسك شفايفها وتصفر حد ممكن يقولى وصف اللى متوهانى

كان يعبر باى طريقه ينده.يجرى.يصفر. اى شىء تتخيله للتعبير مايتوصفش

ان كان على الوصف انا مش هقدر اوصف حبيبى اللى مايتوصفش اتجمعت فيه كل المعانى واللى تتشاف بس ولا تتوصفش كان جميل . كان رقيق . وكان التواضع اكتر ولا يتوصفش كان مجنون. كان شقى. علشان حاببنى وحبه كان مايتوصفش كان طيب. كان حنون. واكتر من كدا اوصافه اللى ماتتوصفش حبيبى اللى انا عرفته بكل السمات والصفات مايتوصفش

هى بتقول كدا. لكن هل هى دى الحقيقة

كان يخاف منى ازعل من شقاوته اللى ابدا ما تتوصفش اقوله لايمكن تفرق بينا حبنا اكبر من كده ولا يتوصفش دا حبيبى اللى انا عرفته . بس خان؟ وخيانته تتوصف. ماقدرش اقول ماتتوصفش

وباعت. لا" مش هى اللى باعت