وكملى .... للشاعر / محمد زايد

و كملي  

.........................

وكملي لسه الحياه بتبتدي
كملي تعب السنين وحني

القلب لساه بحبه عفي
والمشاعر لسه بتبتدي

ياما ضنت لك سنين وانت بتكتبي
المك وجرحك من الهوي!

والدنيا ولا مره عرفت بكي
ولا عمرها بتودع شقي،!

الدنيا لساها براح للقوي
إغزلي توب العفاف والبسي

انسجي لو مالخيال وافرحي
واتبسمي واكتبي وارسمي

شقي مبسمي واسعدي
القلب اللي حبك ملاك،!

والعشق في توب الفرح سناك!
كملي الساعات الفايته منك
كملي
رممي جروح الماضي بضيك
واعلني انك لسه بجمالك،!

اتجملي والبسي توبك
انت أجمل مافيك مشاعرك

والأحاسيس اللي تفيض منك تعزك،
تتمني يوم تعيش في توبك

إوعي الحزن يهز عرشك
ولا يوم يوجع قصيدك،

آعلني للملاء انك ملاك
وروح قلبي بيسمع سؤالك

لويوم سألتي هاسمعك
بس انت كملي واعلني

لوموت السنين من غيرماتكملي،
هاتموت كل البرأة في سكتي،

ولا الدنيا تساوي فرح لوتبعدي،
والجرح يعدي في الأماكن ينزوي

أرجوك لا ترحلي وكملي
شقي مبسمي واتجملي

الدنيا لساها بتنظرك فانظري ،!
.................................

للشاعر / محمد زايد