بلاش عِتاب
ليه العذاب
ده القلب تاب
علي ايديكِ
**************
إنسي الم الذكري
تعالي ناخد عن الحب فِكرَه
واسمعي صوت بُكرَه
اللي من جوه قلبي بيناديكِ
*****************
فمهما اعَدي بحــور
مهما الِــف ودور
انتِ منبع السرور
انتِ املي في الحياه
*****************
بحب روحِك النقيه
وايديكِ لما تلمِس ايديه
انا الغرقان في الميه
وانتِ طوق النجاه
***************
فرصه والحب ماليهوش مواسم
ولا ليه استقبال ومراسِم
انا قلبي مصمم وراسِم
ما هيسكِن فيه حد غيرِك
********************
عاشق وبعنيكِ مجنون
عاشق وبجمالك مفتون
انا السر المكنون
وانتِ قمري وانا ليلِك
********************
يا املي وكل احلامي
يا ضي بينور ايامي
لما تبقي جنبي بيحلو كلامي
ويكتب قلمي واغنيلِك
ليست هناك تعليقات:
إرسال تعليق