الدم رخص . للشاعرة / وردة أشرف

الدم الرخيص
............

آه يا دنيا فيك الغلبان

فى بلدنا مالوش مكان

و لا ثمن و لا حتى ميزان

دمه رخيص و لا حقه يبان

حرام عليكم دا أنا إنسان

يا قطر الغلابة فيك الموت

بكل خطوة تعدى تفوت

إهمال و خراب وسكوت

و حريق و غلابة تموت

أصل دى عادة يا زمان

يا اما حجزت و جايلك

ع المحطة يا أمى راجع لك

مشتاق لاخواتى و مشتاقلك

يا امايا دا انا محتاجلك

يا امايا راجعلك فرحان

آه يا أمى أنا مش شايف

ما أشوفكيش أنا خايف

دى نهايتى يا أمى أنا عارف

بالقطر دمى سايل نازف

يا اما لحمى على القضبان

فين حقى و لا حقى مات

و دمى رخيص و الوقت فات

و الباشا جنب البيه واقفين بثبات

هيدفعوا ديتنا رخيصة ألافات

حرام عليكم دا انا إنسان

بقلمى وردة اشرف

السيرة النبوية .. للشاعر / عادل الشريف

السيره النبويه

في

معلقه شعريه

الحلقه الثانيه

....................

٢٤ وعشان الدعوه كانت صعبه

تبقى جهارا عند الكعبه

نشروها فى الاول سرا

والارقم كان صاحب الدار.

.......................

٢٥ فى ديار الارقم سريه

تحت ظروف جباره وقويه

سنه واتنين وتلاته مخفيه

عن كل عيون الكفار.

...........................

٢٦ اولها كان فتحة خير

علشان اسلم فيها كتير

دخلوا الدين وبدون تفكير

علشان يبقوا صحابه احرار.

..................

٢٧ علشان خيرها يعم يزيد

بدأت بخديجه وبزيد

على وابو بكر دخولهم عيد

ومعاهم بدأ المشوار.

......................

٢٨ سنه واتنين وتلات سنوات

امر الله من فوق سموات

لرسوله رسول الرحمات

تبقى الدعوه جهار ونهار.

......................

٢٩ قاله اصدع قاله اوعى تخاف

اصلك خير من صلى وطاف

قوم سمع كل الاطراف

قوم نادى ووجه انذار.

.......................

٣٠ قام فى الحال قام لبى الندا

قام صاعد فوق جبل الصفا

نادى وقال بشجاعه للعدا

انا خاتم كل الاخيار.

....................

٣١ جمع الناس فى الحال بنداه

والتفوا حواليه ومعاه

وقالوله يا نبى الله

بايعناك واخدنا قرار.

..................

٣٢ كانت البيعه التانيه اهم

الهدم الهدم الدم الدم

ساد الخير فى الدنيا وعم

وتاريخنا اصبح له مسار.

...................

٣٣ والظلم ولو طال له نهايه

نزلت سوره وفيها حكايه

سورة الكهف وجايه بايه

تأمر بالهجره وبفرار.

.....................

٣٤ أمرت من أسلم بالهجره

فكره وكانت احسن فكره

هجره عشان مستقبل بكره

يبقى أمل كله وعمار.

..........................

وصلى اللهم وسلم عليك حبيبي يا حبيب الله .وعلى ال بيتك وصحبك اجمعين.

................................

الى اللقاء مع الحلقه الثالثه

ان شاء الله تعالى .

........................

تحياتى

.................

بقلم عادل الشريف 

صرخات الألم ..... بريشة الفنانة / عفاف سعده

صرخات الألم بالدم تملىء القلوب ياحبيبتى يا أمى يا مصر

شهيد على رصيف القطر .. للشاعر / حسن السحماوي

شهيد على رصيف القطر ..

...........

لحظة خروج الروح

واحتضار الجسد

لفى المدد جوايا ..

من جوه الكفن

والا ااقولك .. بلاش كفن

وبلاش كمان اندفن

ما أصلى ميت جوه منى من زمن

وماتصرخيش ..

الا فى صوت الصرخه ..

حايطلنى العفن ..

ما أنا اصلى .. مليش تمن .

وااه يا حلمنا الموجوع ..

يا أمى ..لو تسمعى صوتى فى احلامك

عايزك يا امى تفرحى .. وترجعى الموضوع

انا اصلى سايب حلمى على بابك

حتلاقى شبهى فى اللى جى كتير ..

حاتشوفى صورتى .. فى وش احبابك ..

أنا اصلى سايب مركبى ع الشط ..

ااخر سواحلى فى بحر اوصالك ..

مجدافى حاضن فى حدود الكف ..

وقلعى مفرود لجلك يصد الريح ..

ما انا كنت ناوى اعدى بيكى الشط ..

ابقى يا امى اذكرينى .. لحد ..

واحكى حكايتى .. واضحكى تفاريح

وبلاش تخبى لو العيال صاحين ..

دا النوم يغمض فى العيون لاتنين ..

قالوا مقدر سكتك للموت ..

وانا قلت جاهز ..بس ما فى شروط ..

من اصلى ميت والزمن حايفوت ..

يلا بقى .. مبقاش خلاص تباريح ..

وانا المسافر فوق رصيفى انحط ..

ومعايا زى يا أمى جنبى كتير ..

قالوا مقدر ينكتب لك خط ..

وبلاش تقولوا اللى مات دا قتيل . .

. أنا الشهيد مادد بطول الخط ..

انا المسافر وحدى وروحى دليل ..

قدامى الف شهادة بتقول حق ..

بس اوعى تحكى أوتقولى هزيل ..

انا عمرى كله كنت ليكى الشهم

بضميرى اعشق ضحكتك واصيل ..

ومسيرى جايلك يوم ميلاد الحق ..!

......................
شعر ..

حسن السحماوى ..

صرخة موت . للشاعر / محمد السايح

،،،،،،،،،،(صرخة موت)،،،،،،،،،

اه ياقلبي ع الغلابة

بيدفعوا تمن الرتابة

قلبي يبكي وعيني تدمي

كل بيت عشش كآبة

لجل اوفر عندي مالي

أصرفه لحاجات عيالي

ارتديت قطر الغلابة

وانتظرت ومش في بالي

ان وشه يمشي وحده

يمشي يجري كمان براحته

ينفجر وانا كنت ساحته

والجسد يولع قبالي

شوفت نفسي بتحرق

نار وجسدي بيتسرق

اجري ادور حد ينقذ

شوفت بس الموت وجالي

ذنبي ايه حد يقول لي

عن إهمال وحده فاضل لي

مش كفاية الفقر خلي

يهجم الإهمال ماخلي

حتى موتي كان تسالي

موت واشوفه بنور عينيه

حته حته ونار عفيه

وناس كتيره الموت حضنها

نار وفيهم نار وَفِيِّه 

نار واكلت كل غالي

حتى موتي كان بزولي

حته حته ومش فاضل لي

أبكي نفسي بدمعي أطفي

بس دمعي مش مكفي

لحظة ذابت مني كفي

موت بطيء محتاج يوفي

موت وبه بتشوف وداري

لبست طول عمري الهموم

قلت يمكن يوم يكون

قلبه حاسس بالعيون

وإلتقيت في الموت شعاري

ليلي مشدود من ميلادي

عيشت أيامي أدادي

لجل بس الفجر يطلع

لكن الايام تعادي

قبري كان جسدي وعتادي

أبكي ياكل العيون

دخلت الأحلام آتون

دنيا رحلت بس ثانية

موت وعم ف كل وادي

حزن والأحزان تنادي

،،،،،،،،،،(شعر)،،،،،،،،،،،

عبد الله السايح

عدى الوبور .. للشاعرة / فيفي الجندي

عدي الوبور مشتاق

يحصد في الأرواح

عدي ياخد العزي

والروح متكفنه

والجته بين الناس

واقفه متهندمه

بين الخلايق ناس

لاضمير ولااحساس

يركب وابور حساس

شايل هموم وحاجات

وولاد واقفه بتذكر الرحمن

تيجي خناقة واحد

تضيع الارواح

امتى بقا هانفوق

والعقل ينضفوه

والحب يملا قلوبنا

والدين يطبقوه

ممكن يبقا ابنك

على الرصيف يشوفوه

نايم في وسط بركه

والدم بينشفوه

فوقوا بقا

خليتوا حياتنا بلا واشواك

حادث القطار .. . للشاعر / يوسف ابو زينة

انت بتحب مصر ؟ للشاعر الفنان / ايهاب السقا

اكتئاب ... للشاعر / محمد عامر

اكتئاب وصبنا .. كلنا
علي اللي راحوا منا
الغدر طالهم و ياخساره
علي اللي راحوا خساره
رحلوا و سابوا .... دنيتنا
نحزن فيها علي حصرتنا
وكل مره يروح فيها الغلابه
وتفضل هي .... هي الديابه
تطلع تبرر موقفها ك العاده
واللي مات أهو شهيد ياساده
و كم جنيه لأهله يسدوا عازه
و جنازه طلعه ..... ورا جنازه
الشعب كتير ... ملهوش عازه
وكبرها 3 يوم حداد أو يوم أجازه
كل واحد مات له قصه و حكايه
ومكنش يعرف إن هي دي النهايه
حقهم يابشر قوالي في رقبت مين
ماتوا ياعالم غدر وللأسف محروقين
و حرقوا قلب أهليهم و كل المصرين
لأمتي يامصرولادك ضحايا ومصابين
لأمتي الإهمال والفسادبقي يامصرين
يااااااااااااااااااااااااااااااااااااااااااااارب
إنت عالم بحال الناس أجمعين
فرفع عنا الكرب والغم يارب العالمين
وإرحم كل شهدااااااااااااااء المصرين
اللهم أااااااااااااااااااااااااااااااااااااامين
..................................
بقلمي/الشاعر محمد عامر

تعزية . بقلم / فريال ابراهيم

اقدم لكم التعازي عني وعن اختي وشعب الاردن 
بكل أسى وحزن 
على المصابين واللذين توفاهم الله في حادث القطار المؤسف
انا لله وإنا إليه راجعون البقاء لله 
نسال الله العظيم شفاء المصابين 
والصبر والسلوان لأهل المتوفين
ونحتسبهم شهداء عند رب كريم رحيم
عظم الله اجركم واحسن الله عزاكم ورحم الله من فقدتم
الدوام لله وحده جعلها الله آخر الأحزان

٧ تعليق

محكمة . للشاعر / عوني هشام

 محكمه والقاضى قطر

حكم وحكمه كان شديد

قال ع المنصه الحكم نافذ

وبنار  خد منا المزيد

..............

للشاعر / عونى هشام

يا وجعي .. للشاعر / سيد النحاس

ياوجعى ع الدم اللى سايل 

ع الرصيف

هو ليه بتزيد ياهم فى الربيع

ويا الخريف

يا خلايق حسوا بقلوب الغلابه 

يالطيف

امتى يا مسؤول تراعى ربنا و تعيش

نضيف

و فى نهاية القول و بعد الموت نعلق 

ع الظروف 

.....................

للشاعر / سيد النحاس

فين الضمير ؟؟؟!!! .... للشاعر / محمد عبد الرحمن

 فين الضمير ؟؟؟!!!

..............

فين الضمير مكنتش افتكر

فيه كده بنءدمين....

يشمتوا في نصايب الخلق 

وفرحنين 

ال انحرق انسان بدون زنب 

نزل عليه القدر ..

مات بين يدي الله شهيد....

ليه الشماته يااعداء الله والدين

ال مات انسان بصيت من سواد 

الناس الشقينين .

مات من اهمال أو غباء انتحاري

كافر لءيم...

لا مبدء ولا دين ولا ضمير ملغي

عقله ثور معندوش تفكير..

ليه الفرح والشماته في الموت

ياحفاد الكافر اللعين....

يااتباع السعاتي العميل والسيد

قطب الشيطان الرجيم 

كل نصيبه في الحياه من تدبير 

ألاخوان الشياطين المجرمين

لا يحكمونه لا يقتلونه فاكرين

علينا قدرين...

لا يولاد الملعين مصر قويه بجشها

وشعبها والامن والقاءمين..

مهما حصل مهما مات شهداء نحن 

صامدون 

نحن بناءون....زارعون صناعون 

لسنا مثلكم هدامون...

ولكم بالمرصاد يامنفقون.....

مصر مش نظام مصر ارض وشعب 

ومرافق وشرعيه ..

يااعداء...الحياه... 

ربنا خلق الدنيا من اجل العيش 

فيها بسلام ...

أما انتم ياخفافيش الظلام

 لن تنالوا ابدا منا 

ولو عشتوا الف عام

ولن تعيشو ابدا في سلآم..

ولن يغفر لكم الرحمن لان القتله

في النار ...

وهذا وعد الله لكل ظالم طاغي 

قاتل...

امامايفتيكم من شيوخ الضلال ..

فلهم حسابين في الدنيا منا

وفي الاخره في قعر جهنم 

مع ابو لهب وابو جهل......

...يا مجرمين البشر بتترحم 

علي الشهداء 

ونحمد الله .....

نعم زعلنين نعم غضبانين نعم 

بنشكي لله ونتحسب علي 

المسؤلين...... .

مطالبين بحساب الاهمال والمستهترين ...

نشجب عدم الامانه في العمل 

نخرج بشحنه الالم والوجع

نقول ءاه بصوت عالي......

لاكن مصر غليه علينا علي مخلصيها

ال بيضحوا علشان يحفظواعليها 

نطالب بلحساب ...الفوري والتار.

وتطهير البلاد من الاشرار...

.......................

للشاعر / محمد عبد الرحمن

يا بهية ...للشاعر ..... د/ عمر عبد الجواد عبد العزيز

يا بهيه .. ..الله يسامحك 

سبيني مرة ... أصارحك 

دمانا بتنزف .....لجارحك 

إمتي .... ..يطيب الجرح 

و الزمن يرجع.... يصالحك ؟؟ 

إيه ذنبي و أنا في حالي 

بجري علي قوت عيالي

و ما جاش أبدأ في بالي 

أن ولادك يدمروا صرحك  

و اقف في إنتظار القطر 

منا أصلي ليه ....... بتطر 

و ف إيدي الرغيف بفطر

فجأة الرصيف... ... يمطر 

نار و لهب و حريق ....

يشوي علي الجانبين طارحك 

جمعوا.. من ع الرصيف لحمي 

و معايا أحمد و مينا و رحمي 

و ما عرفوا إسمي من فحمي 

قالوا بفحصك ....

بعدين ... هنحدد ملامحك  

ليه ...يا بهيه ....... ما تنهيش 

مشاكلك ........مع الخفافيش 

و أنا كان نفسي و الله أعيش

و أشوف في يوم .... فرحك  

............................

د/ عمر عبد الجواد عبد العزيز 

Omar Abd El Gawad

الفساد .. للشاعر / على شحاتة سليم

الفسسسساد

.................

الفساد فى كل حته

م الصغير للكبير

شجره طالعه

ريحتها فايحه

فى المصالح فيه كتير

المدير له الف حاشيه

قاعده تقطف اى زهر

فوق غصون الورد طالع

لما جابوا فى قلبى قهر

الوشوش هى الوشوش

من عهد سابق ما اتغيريتس

لما بقى فيهم وحوش

فاتحه جيبها لاى قرش

مصر مش هى الرئيس

وشباب بتموت وجيش

نفس مره احلم واعيش

ولا اشوفشى يوم حساله

الفساد ده اخطبوط

جدره هم وسمه موت

لو بايدى اجيب تبوت

ادفنه ولا اقول خساره

جوه منى الف خوف

م المراره ومن الكسوف

كل يوم نطلع نشوف

كلب مسكاه الرقابه

.......................

للشاعر / على شحاتة سليم

رحم الله شهداءنا واعطى ذويهم الصبر والسلوان

عالرصيف .. كلمات الدكتور هاني ابو الفتوح

عالرصيف

رايحين لفين 

الحزن طاغي

والدمع سايل م العنين

................

طريق نهاية الحياة 

وقطر ماشي لمنتهاه

وناس غلابة ف سكته 

حالف ليدهسها معاه

.................

مع السلامة ياغلابة 

يا نبت ارض 

ملوش جذور

مع السلامة 

ودمعة العين الحزينة 

عالطيبين تجري بحور 

مع السلامة يا مظلومين 

ونار بتغلي في الصدور

...................

اهمال نقول 

فساد نقول 

تفجير نقول 

لكن الغلابة 

وسط غابة 

وغاب ضمير 

وغابت عقول 

....................

مع السلامة 

ارواح تروح وتنتهي باستقالة

ونعيد جروحنا في قلبنا 

وموت العدالة 

ودموع بتجري بحور 

وحالة مكررة 

ودم الغلابة عالرصيف 

حالته حاله 

...................

ناس بتغلي وناس بتجري 

وناس محروقة بنار 

على رصيف الانتظار

وناس بتتخانق لكورة 

وتعتبر فوزها انتصار

ووسط الهموم كلها 

دم مصر اللي سال 

يكتب بايده 

ان السكوت عالدم عار

..................

واوعاك في يوم تقولوا مات 

وتدفنوه من سكات

وعشان ضعيف 

ايه يعني مات

محروق ومشوي عالرصيف

........................................................

كلمات الدكتور هاني ابو الفتوح 

وكفاية بقى ......... للشاعرة / بتول عبد المعز

وكفاية بقى آهة

لما الحقيقة تبان 

قلت أنا أكتب 

كلمة يقولها زمان 

أنا إللى انكتب لى الموت 

من غير ما يطلع صوت 

أو أندفن فى تابوت 

والكل صار فى سكوت 

شاهد على إللى كان 

شوفتوا هنا العنوان 

واللحم منى داب 

أصبح حياتى سراب 

طب واسألوا الغربان 

لما تنوح وتفوت 

وبتشكى للملكوت 

غفلة ضمير انسان 

أنا أصلى هنا صامت 

جوه الحشا ندمان 

امتى ياليل تنوى 

على الفرقة والهجران 

وتسافر الحرقة 

ننسى اسى الغرقة 

ونهارنا ييجى أمان 

دنيانا نسيانا 

م الفرحة باعدانا 

واحنا عشمنا انهان

.......................

للشاعرة / بتول عبد المعز

الرصيف مدسوس .. للشاعر / معوض حلمي

الرصيف مدسوس 

تصريح من المسئول عن حادثة رمسيس

القطركان معدول بس الرصيف مدسوس

وان كان ع اللي مات أهو مات شهيد

هايروح لجنه وعيد وفي النعيم هايهيص

للشاعر / معوض حلمي

لا تلوموا على القطار .... للشاعر حسنى همام

 

* لاتلوموا على القطار *

==============

لاتلوموا على القطار أبداً مطلقاً

فهو بالقطع جماد يتحرك ولايفهم

ولوموا على من أخرجه عن مساره

وجعله يدمر ويصيب ويشعل

ويقتل ويحرق الكثيرون من أهلنا

بغير ذنب يكون قد اقترفوه

غير أنهم يعيشون في أوطان

لاتقدر قيمة الإنسان ولا تحفظه

فالإهمال والتسيب وعدم المبالاة

قد صار طبعاً أصيلاً من طباعنا

وتتكرر الحوادث باستمرار تكراراً

دون أخذ الاحتياطات اللازمة

من وضع معايير حماية وأمان

لتلافي أخطاء العنصر البشري الطارئة

وبعد كل حادثة يكثر اللغط

والاُقاويل والتنديد من هناك ومن هنا

وبمرور الوقت كالعادة ينسى الأمر

ولايذكر إلا بعد أن تحدث فاجعة

وهكذا دواليك في كل مرة

وتقع الكثير من الحوادث باختلاف أشكالها

دون أن يتم وضع منظومة للحد والوقاية

من تجدد وتكرار حدوث حوادث أمثالها

متى يتم تقدير أهمية وقيمة الإنسان

وإعطائه حقه في أوطان مثل أوطاننا

فإن لم يقدر كل منا في وطنه

فهل في خارج وطنه نجد من يقدره

................ 

للشاعر / حسني همام