العصفورة
بقلم الشاعر محمد عبدالقادر
======
عشقت في يوم عصفورة
لابسة ريش ولا السنيورة
ألوانه آخر زهزهة
لكن جناحاتها مكسورة
سألتها إيه السبب يا عصفورة
بصتلي والدمع في عينيها
وقالتلي بص في الصورة
الصورة ع الحيط منشورة
الصورة كانت لنفس العصفورة
وف بقها معلقة من دهب
وجنبها عصفور كبير
شكله هلكان م التعب
سألتها مين اللي جنبك يا عصفورة
قالت ده الوحيد اللي كان بيحبني
ويوم ما سابني شفت ظهري بينحني
ده أبويا اللي بموته
أصبحت مقهورة
وبفراقه
صارت جناحاتي مكسورة
ليست هناك تعليقات:
إرسال تعليق