ملهاش أثر
**********
ورقه وقلم
واوزن لى الصبر ع الميزان
كفه فيها حزن وآلم
وأنينى اللى ساكن الشريان
والتانيه قلب قاتله العشم
يعيش إنسان
رمانة ميزان قاضى وحكم
تحكم بالكيلو والأوزان
يا جرح قلب قاتله الألم
صوت آهاته ف الشريان
دموعه جاريه من الندم
جرفالي الهم والأحزان
كام أه ملضومه عتمه و هم
بخيط دبلان
معموله لجام
للنبض الشارد م الوجدان
ولو الزمان يرجع قدم
ويجيب العمر زي ما كان
وذكريات راحت عدم
ملهاش دلوقتي أثر ب يبان
احكم وقول إن لزم
قول دا كتير ويبقى جنان
ليه بيفرشلي خطاوي الهم
والسنتى فيها بطول فدان
شريط أيام
من الأحزان
بيتكيل جراح وآلام
وف الأخر انا اللى مدان
م/محمد بدوي ابوالعلا
ليست هناك تعليقات:
إرسال تعليق