دعاء وتضرع ... للشاعر / وائل رشوان

 

يا محسنين لله ... بقلم الشاعرة / عزة محمود علي حسن

 

سجل يا تاريخ .. بقلم الشاعر / وائل رشوان Wael Rshwan

 

 

سجل يا  تاريخ

بقلم الشاعر / وائل رشوان

 

...........................

سجل

يا تاريخ

كل الصفحات

واجلد في الذات

واكتب عن واحد عاشها ومات

واشهد يا زمان

على روح انسان

عايش ايام العمر دموع

وان جاله الفرح ينام موجوع

وان زاره الحزن يبات فـ سكات

سجل تفاصيل

وارسم لوحات

وانحت على صخر الدنيا حروف

واكتب بـ الدم حروف اسمي

وانُقش على جٍدر القبر بخوف

لتصحي الموتى بدون إذني

واعرف انا مين

انا واحد عاشها وماتها سنين

ولا عمره فـ يوم شافها فـ فرحه

انا واحد شافها عروسه بـ تموت

راح خَيط فـ كفنها الطرحة

انا واحد عايش م الأموات

والعيشة يدوبك ليه سامحه

فـ أصرخ يا شعور

صحي الاحاسيس

صحي البركان الخامد فيك

واعمل من حٍممك مٍيت احساس

واكتب للناس

ان انت ملاك من غير جناحين

عصفور بيطير على شجرة خضَار

مش جنه ونار

والروح مش جذع من الشجره

الروح من امر قدير للروح

مش ملك يمين كل الشُعرا

سجل بكره

واحسبلي قوام كًم الذكرىٰ

واحسب فـ دقيقه العمر سنين

واضرب فـ اتنين واعمل ناسي

وانا هـ اعمل نفسي انا مش شايفك

ولا شايف عكس لصورتي معاك

ولا شايف شط ولا مراسي

انا مش قاسي

ولا كنت فـ يوم جبار وعنيد

وعتادي انا بس بـ احساسي

فـ إضرب يا زمان

اضرب يا زمان واطرح

من وجعي يدوب سطرين

وحروفهم سالب مضمونهم

اجمع من فرحي يدوب ساعتين

واعرف ايه ناتج محصولهم

واقسم الاتنين على شكل كسور

فـ معادله وجايز تربيعهم

تلقىٰ البرهان علي شكل جواب

والناتج محصور فـ وجعهم

والسهم ما بينهم عدى وفات

على حد ومات

واهو عايش علشان يراجعهم

: :

و ا ئـ ل..

ر ش

و ا

ن

#وائــــــــــــــــwـــــل

 

 

عمل مشترك .... الأم لولو والشاعر معوض حلمي

 

عمل مشترك

معوض حلمي الفلاح الفصيحو   الأم لولو

  

 

لحظة عتاب  

هاخدك بعيـــد

لمراكب الحلم العنيد

لليالي حبست نجمها

لشموع بتنكر ضيّها

ولحب متغطي بجليد

هاخدك هنااااااك

عند القمر

عند الكلام اللي انتحر

عند الأمان اللي غدر

ولبيت ستايره من حديد

هاخدك لقلب بيحضنك

هاخدك لإيد بتطمّنك

هاخدك لروح اتعودت توهب

أناني يقولها:هل من مزيد؟!

انكش رفوف الذكرى واتحدّى الزمن

فوت كل ركن لبياعين

بيبيعوا وبارخص تمن

الليل ولا مرة صدف

يعشق صباح

وإن لاح شعاع الشمس

يتْرِجم الظلام

ويضيق على الحلم البراح

أنا فجر

أنا فجر محبوس

جوا خوفك من زمن

أنا بذرة مزروعة في كفن

أنا مستحيل افرح وأنا جنبك هنا

ضهري انحنى

باشرب بدل شهدك ضنى

وادفع من العمر التمن

ارجع بقى

ارجع لسردابك وخندق وحدتك

أنا جاية بس اشهّدك

كام حلم كان ينده عليك

كام فجر كان يتوضْا من نظرة عينيك

كام سطر حاول يكتبك

ويحنّي أفراحه في إيديك

فقدوا الأمل إنك تحس بحبهم

ترجع لهم

مابقاش في حرف بيشتهيك

ما بقاش في حلم بيشتريك

ولا ضلع مستنيك شريك

بقوا كلهم ضدك وأنا

عاجزة انفّذ حكمهم واغضب عليك

عاجزة انفّذ حكمهم واغضب عليك

فيها إن ) ) الأم_لولو

ديوان  

..............................

.... زنازين القلق ....

عمري اللـي راح

لو كنتي فكراه فرق

كان زي زنازين القلق

عمري اتسرق

أنا كان في إيدي جوهره

غاليه نعم

كتر النعم يعمي القلوب

يملى توب الروح عيوب

يرميك في توهه وانكسار

يسرق النور م النهار

وانا كنت ناقص تجربة

وناقص علام

وكنت زي حصان جموح

من غير لجام

صفر ف ودنه الريح وطار

مغرور برنة حدوته فوق الرصيف

والزهو سيف

بيقفل بيبان الأجوبه

سايب مشاعره معلبه

وعماه بزيف الإنتصار

ولما طالت غربتي

وراحت لفييييين

صحيت مشاعري

وأججت شوقي الدفين

وناديت بعزمي ف البراح

أنا ولفي فييييين

ورجعت م السفر البعيد

جايلك وقلبي وحيد

مالهوش سمير

أبادلك ، نفس إحساس الألم

واكتر كتير

واعترفلك ، إن انا ف بعدك كسير

أو أسير مليان ندم

جاي م العدم وشعور مميت

شايل بواقي الحس

في الجرح الغويط

سارج شموعي ع الطريق

باجر في ديول الأسى

ونزلت دموعي

جاي أعتذرلك

واعزرك لو جرحك المفتوح ميدان

قفل البيبان ورفض رجوعي

منايا بس إن الأمل

يوصل في روحك ودها

ويسد في ظنونا الغبيه

ويسيب جروحنا للعتاب

يمكن ، يمكن تسامح بعضها

وننسى الأسيه

يمكن تسامح بعضها وننسى الأسيه

..............................................

بقلمي معوض حلمي الفلاح الفصيح

منشأة بطاش تمي الأمـديد دقهلية