مجرد نصيحه
★★ ★★ ★★
عيش فى حدود
وف حيّز يومك
واقسى مع ألمك
واتشدد
وما تسماحشي
يوم لهمومك
تتمكن منك وتعربد
واتحايل ع الحب
يصاحب
الحب عدو المتمرد
واحساسك لو هايكون
سالب
يبقى البعد حكم مؤبد
لملم اوشلاءك واتجاوب
الايجابى ربحه مؤكد
باب الود سيبه موارب
يمكن الآمال تتجدد
ومادام بكرة فى علم الغيب
وحياتنا فرز وتجنيب
ومحكومه بقسم ونصيب
ارفع كفك هو قريب
وقابل بكرة بصدر رحيب
الدنيا ها تعوم على عومك
عيش فى حدود
وف حيّز يومك
★★★ ★★★ ★★★١
أطيب تمنياتي
السعيد اللفاف
ليست هناك تعليقات:
إرسال تعليق