جايلي عريس
نورهان
....
بابا
طبعا عارف انك حبي
واني عليك مش باعرف اخبي
واما اكون محتاجه لحاجه
باجي اقولك وانت تلبي
......
خالد
...
طبعا عارف انتي حبيبتي
انتي حياتي وعمري وبنتي
قولي وهاسمع منك حالا
وانتي ف قلبي وعيني اميرتي
....
نورهان
..
جايلي عريس وعايز يطلبني
منك قولت تشوفه الاول
قصده شريف عاوز يخطبني
فتره بسيطه ومش هيطول
....
خالد
..
طيب اقابله واسمع منه
وافهم منه هيقول ايه
واعرف اسمه واسال عنه
قبل ما ارد برأيي عليه
.....
نورهان
..
خد وقتك ودا من حقك
أسأل وأعرف هو منين
بيته وأهله وفي منطقته
وأسال عنه دا يطلع مين
...
خالد
...
طبعا هاسأل عنه الناس
اللي قريب واللي بعيد
واسمع منهم وبإخلاص
وان كان طيب هابقي سعيد
....
نورهان
...
ربنا يسعد قلبك اكتر
ويخليك كده دايما ليا
وانا راح احبك اكتر واكتر
يلي ماليت الدنيا عليا
.....
خالد
....
الأخلاق من. قبل المال
خلي كلامي ف عقلك فكره
قرشه ده لازم يبقي حلال
هتلاقي خيركم باقي لبكره
...............
كلمات
نورهان كامل
خالد الكردي
ليست هناك تعليقات:
إرسال تعليق