أوعاك تهربي
آوعاك تهربي من ملعبي
من حلم اللئيم والغبي
الكوره لسه في ملعبي
تكتبي تقرأي تشطبي
المهم تتعلمي إوعاك تكدبي
خليك صريحه
كدبوا قبلنا مليون كدبه
صابتهم الدوخه
القلوب الكدابه ضيعت كتير
تعليم وصحة بني أدمين
رجعتنا لورا والبلوره
ارضنا رجعت ورا
والصنعه متنتوره الرزق مشوره
تكدح ماتلقى اللقمه
وتغمسها بالنقورة
نبيله انتي والا اتعلمتي التنبله
كل العلام عندك
خبرا ومجددين عهدك
تركاهم في الفضا
أرخي اللجام للحكيم
واتركي شغل اللئيم
رجعنا بعلمه لورا
مش كل العلام يصلح للبلوره
إسألي بتوع الكهربا
إبري القلم وسطري بالمسطره
ولاتفكري الرجوع سهل لورا
بحر الحياه شغال
إضربي النايم من ورا
إقسي قسوة الأم
وطبطبي علميهم كيف الحنان
جففي دموع الغلابه
إحلبي إغلبي ساعة الوفا
ردي على النبيه وعلميه
من غيرماتشجبي
شغلي النبيل والأنبل
لماتعلمي بناس مجهولة النسب
فكي تشفيرة التنبله
الاهطل دقي عليه يصحى
بالشاكوش يرحل
ورقه وقلم
نعيد كلامنا من الأول
حاسبي وحسي طهري ساحتي
مأكلي ومشربي إقلبي
كركبي وفندي ونقي
رتبي شقلبب وعيدي
ترتيبك من الأول
لهجة لسانك عربي
إتهجي من الأول
فيه ناس بعدنا بكتير
دلوقت بقوا الأول
يام اللساني عربي
سيرتك عطره من الأول
الأنبل والنبيل عاوزينهم الأول
الحلم بعده جنين لساه طري
استفسري وفسري
حني علينا وشقري
شقي منوري وسطري
وعيدي من الأول
مدي خطاويك مذهبك مذهبي
باتمني تكوني الأول
اسقي قلوبنا سوسنه
اسبق معاك السبق مهما اللسان جف
اعيد معاك الأمل واكون أنا الأول
محمد زايد
ليست هناك تعليقات:
إرسال تعليق