Abed Elfeky
الحروف الأبجدية
الحروف الأبجدية
أعلنت الحرب عليه
مخاصمه كل حروفها ايدي
الألف بيلف بيه
والباء قالت يا خوفي
التاء كتفتني من ايديه
وإنتي يا ثاء عارفه ظروفي
قالوا حرف الجيم ضحيه
أما حرف الحاء خذلني
جه وخادني من ضيوفي
وأما حرف الدال دا سابني
سابني محتار في القوافي
وليه يا ذال جي تعاتبني
وانته بايعني لموافي
حتي انته يا راء بتراقبني
وازاي انته يا زال زاهدني
مقولتليش حتي عوافي
سين وشين كانوا صحابي
صاد وضاد مالهم ومالي
صدعوني وجعوا دماغي
طب يا (ط) حقك عليه
هات ال(ظ) وحسوا بيه
عيب عليكي يا(ع) عنيني
اندهي لل(غ) المفتريه
فيه إيه يا(ف) فهميني
ماسكه في ال(ق) الغبيه
أما باقي الحروف أعلنوها
قوموا الحرب عليه
بيني وبينهم طار وبايت
ولا دي حروف مفتريه
قلت اكتب هيروغليفي
زعلت حروف الانجليزي
في النهايه تعبت منهم
قلت يومين في البعد عنهم
يمكن يرجعوا ويحنوا عليه
ليست هناك تعليقات:
إرسال تعليق