تاهت مراسينا
يا ريتني صحيح أقدر
أبعد يوم عن بابك
ما كنت للدنيا أهجر
و أسأل عليك أحبابك
كان منايا مرة أشوفك
ما منعني غير خوفك
علي حالتك و ظروفك
و حزن في يوم صابك
مشيت ع الخوف ما رجعني
غير ملامك و عتابك
لا بنظرة واحدة تودعني
و انا واقف علي أعتابك
سألت عليك القمر
قالي إيه جابك
حبيبك راح ما انتظر
يطفي نار عذابك
بيكفي يا قلبي ذكري
عشناها في شبابك
لا تقولي نعدي بكرة
و لا تقولي إيه نابك
بعد عشرة سنين
تاهت .. مراسينا
زاد الاسى و الأنين
و لا حد يواسينا
ع اللي انكتب ع العين
من خل أصبح ناسينا
و تاهت مراسينا
★★★★★★★★★★
د/عمر عبد الجواد عبد العزيز
ليست هناك تعليقات:
إرسال تعليق