قصيدة أحمد فؤاد نجم
و الواطي لما اعتلي
أجرله كام طبال
الشحط و البلطجي
و اللص و المحتال
و الكودية لبست شنب
و اتحزمت بعقال
يا مين يحب النبي
سقفه كمان يا عيال
الرقص دار في البلد
عمال علي بطال
و اللحم لما انكشف
غطي على اللي اتقال
قتلوا الكلام في الغنا
و الرنة في الخلخال
العنبرة
احمد فؤاد نجم
*********************
المعارضة
والواطي لما إعتلي
نسي أصله مهو واطي
رجع إل وري وإجعص
ودعي إللي بيطاطي
أنا إللي فيكم أنا
وأستشهد بعبعاطي
وإلسقافين طوابير
وإل يعترض خاطي
نتلم ع الزغاريد
والطبله ع الـــواطي
واللحم لما انكشف
أنا غيرت من باطي
وعلشان مننسي الألم
حطولنا حـــــطاطي
هدايا جوه العلب
كام قرد نــــــطاطي
.........
فينك يا عم نجم
تيجي تشوف
......
سيف عثمان
ليست هناك تعليقات:
إرسال تعليق