خلص الكلام ..!
..الوووووو ... الوووو ..!
.. ليه مابتردش على ..
لما بيرن الجرس ..
تليفونك اصبح فى الخرس
إياك تكون همشتنى ..
والا انشغلت بغيرى
علشان كدا ..اهملتنى ..
ياهووووو ...
طب رد مرة وقول الوووو ..
طب ااقولك اايه ..!
مانت كمان علمتنى ..
خلتنى زيك فى العناد ..
وبقيت فشنك
فى طلقه بتدوس ع الزناد ..
لما اتفجع صوت الرنين ..
من بعد هجرك طول سنين ..
تليفونى مرة سألنى
عن طول الغياب ..
قام قالى جد ماعدش ينفع تتصل
وقام سكت .. يا هوووو ..
طب رد مرة وقول الووو ..
وساعتها بس ..
عنيا حتلف المكان
على كل صوره ع الحيطان
خدها الحنين واتصورت
واكيد كمان
ان المكالمة مسجلة ..
وقلت لك .. يعنى خلاص
راح اهون عليك ..
من وقت فات ..
علشان كدا صابها السكُات ..
فى خط مشغول اتصال ..
وشبكة واقعه من زمن ..
ولحد مايجى الميعاد ..
راح انتظر ..
أنا اصلى حابب اكلمك ..
محتاج كمان افهمك ..
وجعى ماهش حزن وسُكات ..
ولا كيد نسا ..
وان كان على وقتى اللى فات ..
صُبح .. ومسا ..
معرفش معنى الإنهزام ..
حتى ولو كان فى الملام ..
طبع الأسى ..!
بس ضرورى اكلمك
وأفهمك .. إن اللى بينا يعلمك
من بعدها .. خلص الكلام
خلص الكلام ..!
الشاعر .. حسن السحماوي
ليست هناك تعليقات:
إرسال تعليق