مشيت بالشعر ألوانه
وطيرت بيه ....رحاله
ما بين الحلم والحاله
وأرض الدنيا سقايه
ساعات الشمس تخبطني
واعيش معاها كم حاله
أضوي في السما بأشعاري
ساعات مع القمرة نجماية
أعيش معاها كم حاله
فنون الشعر تلهبني
ولا أنسي ولا جني
ولا ليبرالي ولاسني
ابقى أخ من الاخوات
أصحي العصافير من بدري
أروي القمح من كفي
أحلم كتير انا وساعدي
تهدي الخلق لو صاحيه
ولو نايمه رنين كلماتي في اودانها
أشعاري غنا نغنيها
وضي القمره يوضيها
مابين اهات من الماضي
وياما الشوق سرح بيها
سقيت البحر من القله
وأكل العيش من الغله
ونبعد عن الحقد والغله
تذكرتي بين البلاد لبلاب
كلامي بالأمل ها يطول
وانا نايم وانا صاحي مع الأحباب
بدون خجل وشجون
ولا طالب ولا مطلوب
وانا عارف من زمن هايطول
لا بيغمس ولا يأكلني حتى الفول
ولا يبعدني عن ذاتي
ولا يغنيني عن صلواتي
ودي حكايتي على جداري
جدار الحياة
ليست هناك تعليقات:
إرسال تعليق