((( مستني بكره )))
عنكبوت
من غير بيوت
يحلم يلاقي خيوط
يبني أمل صغير
هفهف عليه الحمام
لحظة ما شاف الابتسام
من غير قيود
والهو إعصار
ينهش ف الصغار
ليل زمهرير
وصهده النهار
ومر الانتظار
من غير كلام
تاهت حروف الضي
ف حروف الضلام
والعنكبوت
بين الشقوق
يصرخ والصراخ
مكبوت
يدوي صداه
بين الشقوق
بسكوت
والقلب قرب يموت
والحلم تاه ف السكوت
********
مستني بكره
ييجي بكره
وكل بكره
وبكره علينا
يفوت
وبكره علينا
يفوت
……………………..
الشاعر محمد علي فرغلى احمد
معلم خبير بمدرسة أبوتيج الصناعيه العسكريه بنين
ليست هناك تعليقات:
إرسال تعليق