ب شنّة ورنّة
شايله المشنّة
ماشية كأنّ
الكون يا ناس مملوك لها
يا سعدها
الأرض تلمس رجلها
ولأجلها
أنفار الغيط واقفين طوابير
يشموا عبير
عطرها
جمال منحوت من ضي القمر
ونور الشمس
وصوتها همس
بيسحر نفس
وشعرها ليل
والطرحة
أجمل فرحة
والابتسامة
اهي طارحة
ورد الخدود عنابي
وكريز شفايف
ياخرابي
ويا أرض اتهدي
ما عليكي أدي
مين زي قدّي وجمالي
ولا ف حلاوتي ودلالي
القلب صافي
والحضن دافي
وللي رايدها
بتقول عوافي
وطيفها شافي
ح أجري علي بيتها ما استني
جمالها فاخر
وأنا م الآخر
ح اجري عليها
واطلب إيديها
حموت عليها
ليها مليون شنّة ورنة
البت الحلوة أم مشنّة
ليست هناك تعليقات:
إرسال تعليق